Бурдöдчы чöдйöн.

Чöд абу сöмын чöскыд, но и бурдöдчан вотöс. Тöлысь чöж кö быд лун сёйны стöкан джын свежöй чöд, позьö чинтыны ковтöм сьöкта. Син бурдöдöм могысь зэв бур юны чöд корйысь чай. Синмыд этшаджык кутас мудзны, вой кежлас кö войтöдан öти войт свежöй чöд сок.

Быдöн окотапырысь чöсмасяс чöдъя варенньööн, пирöгöн, лязöн. Чöдсö позьö кынтыны либö косьтыны, медым бурдöдчыны тöвнас.

Чöдъя ва вöчöны тадзи: 4 ичöт пань кос чöдйö кисьтöй кык стöкан пуан ва да сулöдöй 5 час. Мылöд висигöн юöй чöдъя васö луннас витысь.

«Йöлöга» газетысь

…удж. Лыддьы текстсö, гöгöрво да вочавидз юалöмъяс вылö. Юк текстсö абзацъяс вылö. Содты лöсялана суффиксъяс.

Ёнмöд дзоньвидзалунтö!

Быд ныв-зон кöсйö лоны повтöм… да вына… . Но медым лоны татшöмнас, колö видзны дзоньвидзалунтö. Колö закаляйтчыны кöдзыд ва… . Ва… закаляйтчыны заводитöны 17-20 градус… . Купайтчöм бöрын косöдчöны кичышкöд… кучик гöрдöдтöдз. Позьö закаляйтчыны кöдзыд ва… киськасьöмöн. Заводитöны 30 градуса температура…, вочасöн вайöдöны 15 градус… . Позьö купайтчыны кöдзыд ва… . Варччигöн став вир-яйыд вöрö. Позьö зырасьны ва… кöтöдöм кичышкöд… . Унаöн закаляйтчöны кöдзыд сынöд… . Сэк колö пöрччыны кыз паськöм, медым вир-яйыд велалас кöдзыд дінас. Колö гуляйтны кöдзыд поводдя дырйи ывла…, узьны восьса форточка… .

«Йöлöга» газетысь

? Кыдзи позьö ёнмöдны дзоньвидзалун?

Кыдзи тэ ёнмöдан ассьыд дзоньвидзалунтö?

...удж. Лыддьы текстсö да гöгöрвоöд сылысь нимсö.

И синъясыд шуасны тіянлы аттьö.

Некымын час чöж кö тэ пилитан пес, сэк мудзасны киясыд, коскыд. Ылöдз кö котöртан, мудзасны кокъясыд.

А кыдз нö шойччывтöг быдса лун уджалöны синъяс? Кодсюрö оз видзны ассьыныс синнысö: лыддьысьöны водсöн, пемыдын. Некымын час чöж видзöдöны телевизор.

Колö, медым урок вöчигöн вöлі пызанвывса лампа, мед югыдыс усис шуйгавывсянь. Энö вунöдöй прöверитны, колана-ö ылнаыс синсяньыд небöгöдзыд. Пуктöй гырддзатö пызан вылö, чунь йывнад инмöдчöй кöсичаад. Та ылнаын колö кутны небöгсö. Энö лыддьысьöй омöль биöн, водсöн. И синъясыд шуасны тіянлы аттьö.

Н.Коростелёв серти

…удж. Лыддьы да гöгöво текстсö. Сет ним. Лöсьöд юалöмъяс текст серти.

Наркотикъяскöд тыш мунö став мир пасьтала. Тайö дурмöдчанторйыс – зэв ыджыд мытшöд. Сійö босьтö аслас крепыд кабырö миянлысь тöдсаясöс, рöдвужöс, а бöрсö найöс сэтысь он перйы. Тэ кö казялін, мый ёртыдлöн тшöкыда вежсьö ас кылöмыс, сійö быдторйысь öдйö скöрмö, оз сёй, пыр кöсйö узьны, сылы нинöм оз ков, лоö веськодьöн вöвлöм ворсöмъяс, хобби дорö, заводитіс ылöдчыны-гусясьны, керкаын кылö кутшöмкö лёк дук, киясын эмöсь укол туйяс, эн виччысь, шыöдчы психолог дорö. Сёрнит ёртыдкöд зумыда, стрöга, но эн горзы. Эн öтдортчы ёртсьыд, ставсö позяс вены сöмын öтвылысь.

Кор тыр арлыдтöмаяслысь юасьöны, мыйла найö видлöны наркотикъяс, найö вочавидзöны тадзи: «Медым лоны ёртъяскöд öтув, гажöдчыштны, видлыны позьтöмтор, петкöдчыны верстьöджыкöн, коллявны прöст кад».

Рака тöлысь 11-öд лун – наркоконтрольын уджалысьяслöн лун. Коми Республикаын тайö службаыс уджалö жö. Недыр кадöн наркополиция мырддьöма 200 кило наркотик, регистрируйтöма 6 сюрс гöгöр оланпас торкалöм. Кык да джын сюрс мортöс вайöдöма уголовнöй кывкутöмö. Республикаын быд во нуöдöны «Скажи, где торгуют смертью» акция. И унаöн звöнитчöны да висьтасьöны: 2009-öд воын шыöдчисны 45-ысь, а 2010-öд воын 87-ысь нин. Тэ кö казялін тайö лёкторсö, висьтав верстьöяслы. Öтвылысь звöнитöй телепон пыр.

«Йöлöга» газетысь