4. Логистиканың қағидалары мен тұжырымдамалары.

Логистика тұжырымдамасы материалды және онымен қатарлас ақпараттық және қаржылық ағымдардың қозғалысын тиімді рационалдандыру және оптималдандыру жолымен экономикалық қызметті жетілдіру жүйесі болып табылады. Логистиканың негізгі принциптері: логистиканы корпоративті стратегиямен байланыстыру; материалдық ағымдар қозғалысын ұйымдастыруды жетілдіру; қажетті ақпаратпен және оны өңдеудің жаңа технологиясымен қамтамасыз ету; адами ресурстарды тиімді басқаруға ұмтылу; стратегияны құрастыруда басқа фирмалармен тығыз қатынас орнату; қаржылық көрсеткіштер жүйесіндегі логистикадан түсетін пайданы есептеу; логистикалық операцияларды мұқият өңдеу; логистикалық бөлімшелердің қызметінің тиімділігін бағалау.

Жүйелілікпен қатар логистиканың ағымдық принциптеріне: жинақтылық, ғылымилық, нақтылық, құрастырылымдылық, сенімділік және варианттылық жатады. Логистиканың аталған принциптерін қысқаша сипаттайық.

Жинақтылық:

1. нақты шарттарда ағымдардың қозғалысын жүзеге асыру үшін қамтудың барлық түрлерін қалыптастыру;

2. ресурстар мен өнімдер қозғалысына тікелей және жанама қатысушылар әрекеттерін координациялау;

3. фирманың логистикалық құрылымдарының алдындағы міндеттерінің орындалуын орталықтан бақылауды жүзеге асыру;

4. фирманың тауарлық желі бойынша шетелдік серіктестермен тығыз байланысқа және ішкі қызмет шегінде фирманың түрлі бөлімшелері арасында мықты байланысты орнатуға ұмтылуы.

Ғылымилық:

1. талдау мен жоспарлауға дейінгі ағымдарды басқарудың барлық кезеңдерінде есептік бастаманы күшейту;

2. фирманың логистикалық құрылымындағы ең маңызды ресурстар статусын мойындау.

Нақтылық:

1. техникалық, экономикалық және басқа да талаптар сәйкесінше ағымды ауыстыру мақсаты ретіндде нақты нәтижені анықтау;

2. түрлі ресурстардың қозғалысын төменгі шығындармен жүзеге асыру;

3. есептік-калькуляциялық бөлімшелер немесе құрылымдық органдар тарапынан логистиканы басқару.

Құрастырылымдылық:

1. ағымды диспетчерлеу, ауыстыруды және ағымның әрбір обьектісінің өзгерісін үздіксіз бақылау және оның қозғалысын оперативті жөндеу;

2. материалдық-техникалық қамту және тауарларды жеткізу операцияларының бөлшектерін белгілеу.

Сенімділік:

1. қозғалыс қауіпсіздігін қамтамасыз ету, коммуникацияларды және техникалық құралдарды резервтеу;

2. қозғалысты басқару және ауыстырудың қазіргі заманғы техникалық құралдарын кеңінен қолдану.

Варианттылық:

1. фирманың сұраныс қозғалысына және сыртқы ортаның әсеріне бейімделу мүмкіндігі;

2. резервтік қуаттарды мақсатты түрде құру, олар алдын ала жасалған резервтік жоспарлармен жүзеге асырылады.

Өз-өзін бақылау сұрақтары

1. Логистиканың даму тарихы.

2. Логистиканың мәні және қажеттілігі.

3. Логистика мен маркетингтің өзара байланысы.

4. Логистиканың қағидалары мен тұжырымдамалары.

Ұсынылатын әдебиеттер тізімі:

1. Дэц Д. Стратегический маркетинг. – М.: Эксмо-Пресс, 2002.

2. Кревенс Д. Стратегический маркетинг. 6-е изд. перевед. с английского. – М.: Вильямс, 2006.

3. Ламбен Ж.-Ж. Стратегический маркетинг. Европейская перспектива. Пер. с фр.- СПб.: Наука, 2007.

4. Маркова В.Д. Стратегический маркетинг: курс лекций. – М.:ИНФРА, 2005.

5. Матанцев А.Н. Стратегия, тактика и практика маркетинга. - М.: изд-во «Финпресс», 2007.

6. Фатхутдинов Р.А. Стратегический маркетинг. 4-е изд. СПб.: Питер, 2007.

13-тақырып. Кәсіпорынның коммуникациялық саясатының стратегиясы

Лекция мақсаты: Кәсіпорынның коммуникациялық саясатының стратегиясын меңгеру.

Лекция жоспары:

1. Маркетинг стратегиясындағы коммуникация рөлі.

2. Жеке қарым-қатынас.

3. Жарнама коммуникациясының үрдісі.

4. Коммуникациядағы маркетинг бюджетін анықтау.

1. Маркетинг стратегиясындағы коммуникация рөлі.

Тауарды сәтті сату үшін, оны өткізу желісі арқылы тартымды бағамен сату жеткіліксіз. Сұранысты ынталандыру құралдары арқылы тауардың ерекшеленген қасиеттері тұтынушылардың мақсатты тобына мәлім болуына қол жеткізу қажет. Сәйкесінше, маркетинг стратегиясының тиімділігінің шарты ретінде коммуникацияның екі өзара байланысқан бағдарламасын дайындауды айтуға болады: « әйгілі ету» және «тартымды ету». Мұндай бағдарлама коммуникацияның түрлі каналдарын қолдануы қажет: сауда қызметкерлері, жарнама, сұранысты ынталандыру және қоғаммен байланыс.

Сұраныс пен ұсыныстың тиімді үйлесуін қамтамасыз ету үшін үрдіске қатысушылардың арасында ақпараттық ағымдар айналыста болуы қажет, ол негізінен фирмадан шығуы қажет және нарықты марка немесе фирма үміттеніп отырған позиция туралы хабардар етуге бағытталуы шарт.

Маркетингтік коммуникация астарынан фирмадан әртүрлі аудиторияларға берілетін сигналдар,сонымен қатар клиенттер, өткізушілер, жеткізушілер, акционерлер, басқару органдары және де өзіне меншікті қызметшілер жиынтығын түсінеміз. Коммуникацияның негізгі құралдары болып «коммуникациялық комплекс» деп аталатын жарнама, жеке сату, өткізуді ынталандыру және қоғаммен байланыс саналады.

Бұл дәстүрлі құралдарға қоса қосымша ретінде тікелей коммуникация құралдары салондар, жәрмеңкелер, көрмелер, пошталық жіберу, телемаркетинг, каталогтар бойынша сатуды айта кеткен жөн.

Әртүрлі каналдар бірін-бірі мәселе, мысалы сатуды ынталандыру қажеттілігінде емес, тауарлардың ерекшелігі және қойылған коммуникациялық мақсаттан шыға отырып әртүрлі каналдар арасындағы коммуникациялық бюджетті қалай бөлуде деп толықтырады.