3. Логистика мен маркетингтің өзара байланысы.

Логистиканы көбінесе маркетингтің екінші жартысы ретінде қабылдайды. Олардың арасындағы байланыстың күштілігі соншалық, кейде бұл екі аспектінің қызығушылық сфераларын бөлу қиынға соғады. Маркетинг өндірісті қойылатын талаптарына және кәсіпорынның тиімділігін арттыру мақсатында нарық мүмкіндіктеріне максималды бағыттауға септігін тигізетін экономикалық қызмет жүйесі ретінде сипатталады.

20 ғасырдың ортасында нарыққа қажетті тауарды өндіруге бағытталу және сұранысты зерттеу және сұранысқа әсер етудің маркетингтік тәсілдерін қолдану бәсекеге қабілеттілікті арттырудың шешуші факторларына айналды. Маркетингтің басты құрамдастарының бірі тарату және тауарды жылжыту тұжырымдамасы болып табылады. Маркетингті басқарудың дәл осы саласы логистикамен тығыз қақтығысады, сондай-ақ фирманың логистикалық технологияларды қолдануына түрткі болды. Бүгінгі таңдағы шарттарда «алға шығу» маркетинг базасында ғана қолдануға болмайды. Маркетингпен белгіленген сұраныс жылдам және нақты жеткізілім негізінде уақытылы қанағаттандырылуы қажет. Бұл тек бекітілген логистика жүйесінде ғана мүмкін.

Экономикалық аренаға кешірек периодта шыққанда, логистика маркетингті толықтырады және дамытады. Логистикалық стратегия жарнама және өнімдік стратегия тәрізді маркетинг стратегиясының интегралды элементі болып табылады. Маркетинг пайда болған сұранысты бақылайды және анықтайды, яғни мынадай сұрақтарға жауап береді: қандай тауар қажет, қайда, қашан, қандай көлемде және қандай сападағы. Логистикалық интеграция сұралған тауарды қажетті орынға қажетті уақытта минималды шығындармен жеткізуге көмектеседі. Маркетинг және логистика арасындағы ерекшеліктер мен байланыстар 4-кестеде көрсетілген.

4-кесте – Маркетинг саласындағы және логистика саласындағы зерттеу пәні мен обьектісінің салыстырмалы сипаттамасы

	Маркетинг	Логистика
1	2	3
Зерттеу обьектісі	Нақты тауарлар және қызметтер нарығы және конънктурасы	Осы нарықтардағы айналмалы материалдық ағымдар
Зерттеу пәні	Тауарлар мен қызметтерді жүзеге асыру бойынша нарықтық әрекеттерді оптималдандыру	Материалдық ағымдарды басқару үрдісін оптималдандыру
Зерттеу әдістері	Нақты тауарлар мен қызметтер бойынша конънктураны, сұранысты және ұсынысты зерттеу әдістері	Материалөткізуші желілерді құруға жүйелік қатынас, сондай-ақ өндірістік және экономикалық жүйелерді басқару мен жоспарлауда қолданылатын танымал әдістер

4-кестенің жалғасы

1	2	3
Қорытынды нәтижелер	Компанияның тактикасы және өндірістік-өткізу стратегиясына қатысты ұсыныстар: нені өндіру керек, қандай мөлшерде, қандай нарыққа және қандай мерзімге.	Логистика мақсаттарына жауап беретін жүйе жобалары: қажетті тауар, қажетті мөлшерде, қажетті сапада, қажетті орында, қажетті мерзімде және минималды шығындармен.