2.1. Шығындарды үнемдеу есебінен көшбасшылық стратегиясы

Бұл базалық стратегиялық өнімділікке негізделеді және тәжірибе тиімділігінің болуымен байланысты. Ол тұрақты шығындарды түпкілікті қадағалау, тәжірибе тиімділігін жүзеге асыруға бағытталған өндірісті инвестициялау, жаңа тауарларды құрастыруды түпкілікті жетілдіру, төмендетілген өткізу және жарнамалық шығындар ретінде түсіндіріледі. Барлық стратегияның ортасында бәсекемен салыстырғанда төмен түрдегі шығындар болады. Шығындарға қатысты артықшылық бес бәсеке күштеріне қарсы тиімді қорғануды түзеді.

- Фирма өзінің тікелей бәсекелесіне баға соғысы кезінде де қарсы тұра алады және бәсекелестер үшін минималды бағада пайда алу жағдайында болуға қабілетті.

- Күшті клиенттер неғұрлым күшті бәсекелеске қолайлы деңгей шегінен төмен бағаға қол жеткізе алмайды.

- Төмен шығындар күшті тауар жеткізушілерге қарсы қорғануды қамтамасыз етеді, фирмаға келетін шығындарды арттыру мақсатында икемділік береді.

- Төмен шығындар жаңа бәсекелестерге кіру барьерасын және бірмезетте тауардың орнын басушыларға қарсы қорғануды жасайды.

2.2. Дифференциация стратегиясы

Бұл стратегияның мақсаты болып сатып алушы үшін маңызды және тауарды бәсекелестер ұсыныстарынан айыратын тауарға айрықша ерекшеліктер беру болып табылады.

Фирма өзінің ерекше ерешеліктеріне байланысты маңызды нарықтық күш алатын монополистік бәсекеге жағдай туғызуға талпынады. Бұрын көрсетілгеніндей, дифференциация әртүрлі формада болуы мүмкін: марканың имижді, мойындалған технологиялық жетілгендік, сыртқы түрі, сатудан кейінгі сервис. Дифференциация көшбасшылық секілді шығындар бойынша фирманы бес бәсекелестік күштерден сақтайды, алайда мүлде өзге тәсілдермен.

- Тікелей бәсекелестерге қатысты дифференциация тауардың орнын ауысушылығын төмендетеді, марканы ұстанушылықты күшейтеді, бағаға сезімталдылықты төмендетеді және сол негізде рентабелділікті арттырады.

- Клиенттердің жолын қуушылығы олардың фирмаға әсерін әлсіретеді және нарыққа жаңа бәсекелестердің келуін қиындатады.

- Жоғары рентабелділік күшті тауар жеткізушінің әрекеттері нәтижесінде мүмкін болатын шығындардың өсуінің тұрақтылығын арттырады.

- Тауардың айрықша ерекшеліктері және клиенттердің жаулап алынған жолын қуушылығы фирманы тауардың орныны басушылардан да қорғайды.

- Дифференциация стратегиясы әдетте операциялық маркетингке маңызды инвестицияларды талап етеді және әсіресе жарнамаға хабарланған тауардың айрықша ерекшеліктері туралы нарықты хабарландыру мақсатында.

2.3. Мамандандыру стратегиясы

Үшінші базалық стратегия – мамандандыру стратегиясы, яғни бір ғана сегмент үшін немесе барлық нарықты жаулап алуға талпынбай-ақ сатып алушылардың бәсекелі топтарын топтастыру. Мұндағы мақсат бәсекелестерге қарағанда жақсырақ таңдалған мақсатты сегменттерге қажеттіліктерді қанағаттандыру. Мұндай стратегия дифференциацияға шығындар бойынша көшбасшылыққа тек қана мақсатты сегмент шегінде жүгіне алады.

- Мысалы красканы жасаушы сатып алушылардан, құрылыс, автокөлік және өзге салалардан бас тарта отырып, тек қана кәсіби суретшілермен жұмыс істеуі мүмкін.

- Автокөлік өндірісінде «Мерседес» маркасы ол өзге фирмаларға қарағанда өте жақсы түрде қанағаттандыратын өте бай тар сегментке ғана назар аударады.

Шоғырландыру стратегиясы мақсатты нарықта жоғары үлесті алуға мүмкіндік береді, алайда тұтасымен нарық үлесінің аз үлесіне жетуіне алып келеді.