Практикалық жұмыстың тапсырмасы:

36. Төрт нөмірленген сынауықтарда сулы ерітінділері бар: аммиак гидраты, барий хлориді, мырыш сульфаты, азот қышқылы.

• Эксперименттің тиімді жоспарын құрастырыңдар;

• берілген заттарды ғана пайдаланып әр сынауықтың сапалық құрамын анықтаңдар;

• бақыланған құбылыстарды сипаттап өз қорытындыларыңды жазыңдар;

• әр реакцияның сәйкес толық және қысқартылған иондық теңдеулерін жазыңдар.

Практикалық жұмыстың спецификациясы

№	Тексерілетін элементтері	Балл	Ең жоғары балл саны
38	Практикалық жұмыстың мақсатын қоя білген	1	12 балл
	Теориялық матрицаны толық, дұрыс құра білген	1
	Практикалық матрицаны дұрыс құра білген	1
	№1-2 пробиркадағы ерітіндіні анықтаған	1
	№3-4 пробиркадағы ерітіндіні анықтаған	1
	Химиялық реакция теңдеулерін толық, дұрыс жаза білуі (молекулалық, толық және қысқартылған иондық теңдеуін құра білуі).	6х1=6
	Қорытынды дұрыс жаза алған.	1

Практикалық жұмыстың жауаптары

Мақсаты: Нөмірленген сынауықтардағы заттардың ерітіндісін басқа заттардың ерітінділерін пайдаланбай, заттардың қасиеттеріне сүйене отырып анықтау.

Қажетті құралдар мен жабдықтар: 0,5 M аммиак гидраты, барий хлориді, мырыш сульфаты, азот қышқылы ерітіндісі құйылған сынауықтар, бос сынауықтар және тұрғы (штатив).

Теориялық матрица

	NH4OH	BaCl2	ZnSO4	HNO3
NH4OH	-	-	Zn(OH)2↓ (ақ тұнба)	-
BaCl2	-	-	BaSO4↓ (ақ тұнба)	-
ZnSO4	Zn(OH)2↓ (ақ тұнба)	BaSO4↓ (ақ тұнба)	-	-
HNO3	-	-	-	-

1. 2NH₄OH+ ZnSO₄= (NH₄)₂SO₄+ Zn(OH)₂↓

2NH₄⁺+2OH^-+ Zn²⁺+ SO₄^2-= 2NH₄⁺+ SO₄^2-+ Zn(OH)₂↓

2OH^-+ Zn²⁺= Zn(OH)₂↓

2. BaCl₂+ ZnSO₄= BaSO₄↓+ ZnCl₂

Ba²⁺+ 2Cl^-+ Zn²⁺+ SO₄^2-= BaSO₄↓+ Zn²⁺+ 2Cl^-

Ba²⁺+ SO₄^2-= BaSO₄↓

Практикалық матрица (оқушылар тапсырмаларды орындау барысында толтырады)

	№1	№2	№3	№4
№ 1	-	-	↓ (ақ тұнба)	-
№ 2		-	↓ (ақ тұнба)	-
№ 3	↓ (ақ тұнба)	↓ (ақ тұнба)	-	-
№ 4	-		-	-

Егер практикалық жұмысты орындау барысында практикалық матрица нәтижесі жоғарыдағыдай болса, одан кейін қорытынды жасап, қай сынауықта не бар екендігін анықтап, реакция теңдеулерін жазу керек.

1. №1+ №3 және №2+ №3 ақ тұнба түзілді, яғни №3 сынауықта мырыш сульфаты бар

№4 өзгерген жоқ, яғни №4 сынауықта азот қышқылының ерітіндісі бар

2. Екі ақ тұнба ерітіндісіне азот қышқылын қосамыз, №1+ №3 тұнба ериді, яғни онда мырыш гидроксиді бар, яғни №1 аммоний гидроксиді,ал №2 барий хлориді бар.

Нөмірленген сынауықтарда анықталған заттар:

№ 1 NH₄OH

№2 BaCl₂

№3 ZnSO₄

№4 HNO₃