Тұрар Рысқұлов атындағы Қазақ экономикалық университеті Табиғатты пайдалану экономика кафедрасы

Университеттің оқу-әдістемелік кеңесінің

мәжілісінде Бекітілген

Хаттама № 1 13 қазан 2012ж

Бірінші проректор – оқу бойынша проректор

_____________э.ғ.д.,проф Арыстанбаева С.С.

5В060800 – «Экология» және

5В073200 – «Стандарттау, метрология және сертификаттау» мамандықтарының барлық оқу түрінің түлекші курс студенттеріне диплом жұмысын жазуға және қорғауға арналған Әдістемелік нұсқау Алматы, 2012

5В060800 – «Экология» және 5В073200 – «Стандарттау, метрология және сертификаттау» мамандықтарына арналған диплом жұмысын жазуға және қорғауға арналған әдістемелік нұсқаулар Қазақстан Республикасы Білім және ғылым министрінің 2008 жылғы 18 наурыздағы № 125 бұйрығымен бекітілген «Білім беру ұйымдарында білім алушыларды ағымдағы бақылаудан, аралық және қорытынды аттестаттаудан өткізу ережелеріне»; сонымен қатар Қазақстан Республикасының Білім және ғылым министрінің 2009 жылғы 31 шілдедегі № 336 бұйрығымен бекітілген, ҚР МЖМБС 5.03.016-2009 «Қазақстан Республикасының мемлекеттік жалпыға міндетті білім беру стандарты. Жоғары білім. Бакалавриат. Жоғарғы оқу орындарында диплом жұмысын орындау ережелері» негізінде құрастырылған.

Құрастырушылар:

Стамқұлова К.У– э.ғ.д., «Табиғатты пайдалану экономикасы» кафедрасының меңгерушісі,

Усубалиева С.Дж.– г.ғ.к., «Табиғатты пайдалану экономикасы» кафедрасының доценті

Пікір берушілер:

Сальменбаев Н.А.- т.ғ.к., Т.Рысқұлов атындағы Қазақ Эконономикалық Университетінің «Табиғатты пайдалану экономикасы» кафедрасының профессоры

Бупебаева Л.С.- т.ғ.к., КазАҰУ «Стандарттау және сертификаттау» кафедрасының доценті

«Табиғатты пайдалану экономикасы» кафедрасының оқу-әдістемелік секциясының мәжілісінде талқыланды, 04.06.2012 жыл, № 12 хаттама.

«Табиғатты пайдалану экономикасы» кафедрасының меңгерушісі, э.ғ.д.,доцент Стамқұлова К.У.

«Инженерлік-экономикалық» факультетінің оқу-әдістемелік бюросының мақұлданды, 04.06.2012 жыл, № 9 хаттама.

«Инженерлік-экономикалық» факультетінің оқу-әдістемелік бюросының төрайымы, ф.-м.ғ.к., доцент Гусманова Ф.Р.

Мазмұны

1. Диплом жұмысын дайындау, жазу, қорғау тәртібі

бойынша жалпы ережелер.................................…………………......….........4

2. Диплом жұмысының тақырыбын таңдау..............……………………..….....5

3. Диплом жұмысының жазылу ережелері ………………………..…….……..6

4. Диплом жұмысының мазмұны және құрылымы ...……………...……....….7

5. Диплом жұмысын рәсімдеу тәртібі …......………………..………….….....10

6. Диплом жұмысын қорғауға ұсыну тәртібі ………...................…..…….….18

7. Диплом жұмысын қорғау тәртібі ……....…………………………………...19

8. Диплом жұмысының мазмұны және рәсімдеуі бойынша кемшіліктер .....20

Пайдаланылған әдебиеттер тізімі.......……………………………….…..…...22

Қосымшалар…………………………………………..……………………….23

1 Диплом жұмысын дайындау, жазу, қорғау тәртібі бойынша жалпы ережелер

Мемлекеттік жалпыға міндетті білім беру стандартында және мамандықтардың оқу жоспарында қарастырылған диплом жұмысы жазбаша бітіру жұмысы болып табылады, сондықтан оны орындау әдістемесін әрдайым жетілдіріп отыруды талап етеді.

Диплом жұмысы дегеніміз – теориялық және тәжірибелік мәселелерді шешуге дайындығын көрсететін, студенттің ғылыми, тәжірибелік өзбетінше ізденісі. Оның негізгі мақсаты мен мазмұны – белгілі бір мамандық пен ғылым саласының бір өзекті мәселелесін зерттеу және өзбетінше ізденіс нәтижелерін жан-жақты талдау.

Дипломдық жұмыс мамандық бойынша теориялық білімі мен практикалық дағдысын жүйелеуге, бекіту мен кеңейтуге және нақты ғылыми, техникалық, экономикалық, өндірістік мақсаттарды шешуге; ғылыми зерттеу әдісін меңгеру және өз бетінше жұмыс жүргізе алу мен мәселелерді шешу кезіндегі эксперимент жүргізу дағдыларын дамыту; нақты тақырып шеңберінде қорытынды мен ұсыныстарды дәлелдеу; студенттің қазіргі заманғы өндіріс, ғылым, техника және кәсіби құзырлылық жағдайындағы өзбетілік жұмысқа дайындығын анықтауға бағытталған.

Диплом жұмысы белгілі бір мамандық пен ғылым саласының бір өзекті мәселелесін, зерттеу және өзбетінше ізденіс нәтижелерін қорытындылайды.

Дипломдық жұмыстың мазмұны диплом алдындағы тәжірибе өту базасына сәйкес келіп, келесі талаптарға жауап беруі тиіс:

- сәйкес мамандық пен ғылым саласы бойынша ғалымдармен, аналитиктермен, практиктермен, атап айтқанда, инженерлермен, конструкторлармен, менеджерлермен, экономистермен бірге өткізілген зерттеулер мен жобалар шешімдерінің қорытындылануы;

- зерттелген обьектілер бойынша ғылыми негізделген теориялық тұжырымдардың болуы;

- нақты мәселелерді шешуді қамтамасыз ететін ғылыми негізделген нәтижелердің болуы.

Осы әдістемелік нұсқауда диплом жұмысын жазудың негізгі талаптары: зерттеу бөлімінің ұйымдастырылуы мен әдістемесі, әдебиетпен рәсімделуі және Мемлекеттік аттаестациялау комиссия алдында жұмысты қорғауға ұсыну тәртібі берілген және «Қазақстан Республикасы жоғары и жоғары оқу орнынан кейінгі білімі мамандықтары жіктеуіші» (ҚР МЖ 08-2009), «Білім беру ұйымдарында оқушыларды, аралық және мемлекеттік қорытынды аттестациядан өткізу ережелері» (ҚР білім және ғылым министрінің 18 наурыз 2008ж. № 125 бұйрығымен бекітілген), Қазақстан Республикасының «Білім туралы» (2009 жылғы 27 шілдедегі № 319-ІІІ ҚРЗ), «Техникалық реттеу» (2004 жылғы 9 қарашадағы № 603-ІІ ҚРЗ) Заңдарына сәйкес терминдер мен анықтамалар қолданылады.