Кантрольныя пытанні

1. Значэнне сонечнай радыяцыі ў жыцці лесу.

2. Віды сонечнай радыяцыі ў лесе.

3. Значэнне святла ў жыцці лесу.

4. Якое фізіялагічнае значэнне для раслін маюць розныя прамяні сонечнага спектру? Што такое ФАР?

5. Пералічыце метады вызначэння святлолюбівасці дрэў.

6. Шкалы святлолюбівасці дрэвавых парод.

7. Як можа змяняцца святлолюбівасць адной і той жа пароды і ад якіх фактараў яна залежыць?

8. Уплыў ляснога полага на колькасць і састаў розных відаў сонечнай радыяцыі.

9. Якія змены ў будове кары, лісця, ствала, драўніны назіраюцца пад уплывам розных умоў асветленасці дрэвавых парод?

10. Якая роля святла ў аднаўленні лесу, фармаванні насаджэнняў і велічыні прыросту?

11. Значэнне цяпла ў жыцці лесу.

12. Як падзяляюцца дрэвавыя пароды па іх патрабавальнасці да цяпла? Шкалы цяплолюбівасці.

13. Уплыў на дрэвавыя пароды крайне нізкіх і крайне высокіх тэмператур.

14. У чым розніца тэмпературнага рэжыму поля, лесу і рознага памеру палян у лесе ў розныя перыяды года?

15. Як уплывае лес на тэмпературны рэжым глебы пад яго полагам?

16. Да суцэльнай лесасекі, накіраванай з усходу на захад, прымыкаюць сцены лесу на поўначы і на поўдні: а) каля якой сцяны лесу яловы самасеў будзе ў меншай ступені пакутаваць ад замаразкаў? б) на якую адлегласць можа распаўсюджвацца гэты ахоўны ўплыў сцяны лесу?

Заданне 2.1.1. Запоўніце табл 8.

Табліца 8

Прыкметы святлолюбівых і ценевынослівых парод

Знешнія прыкметы	Прыкметы, характэрныя для
	святлолюбівых парод	ценевынослівых

Заданне 2.1.2. Разгледзьце табл. 9. Падлічыце адносную асветленасць (асветленасць у параўнанні з адкрытай мясцовасцю) і пабудуйце графікі залежнасці асветленасці (%) пад полагам дрэвастояў ад іх вышыні і ўзросту. Зрабіце адпаведныя вывады.

Табліца 9

Асветленасць у дубовых дрэвастоях рознага саставу (паводле а.А.Малчанава, 1973 [13]), люкс

Вышыня ад глебы	Узрост, гадоў
	13	22	42	56	135	220
На глебе	350	454	1038	1317	1383	1143
На 1,3 м	506	796	1393	2986	3686	5119
На 1/3 вышыні дрэвастою	585	1293	3893	3468	4208	7167
На 0,5 вышыні дрэвастою	625	1660	5693	7695	11563	14921
Паміж кронамі	1925	3069	6394	12000	38493	48659
Над кронамі	64210	62377	68318	68508	65000	68217

Заданне 2.1.3. Выкарыстоўваючы табл. 10, пабудуйце графікі залежнасці асветленасці пад полагам лесу ад самкнутасці дрэвастою. Зрабіце адпаведныя высновы.

Табліца 10

Адносная асветленасць (%) пад полагам дубовых насаджэнняў рознай самкнутасці

Узрост, гадоў	Вышыня ад глебы	Самкнутасць
		1,0	0,9	0,8	0,7	0,6	0,5	0,4
30	на глебе	2,0	2,5	3,5	7,0	12,0	25,0	38,0
30	на 1,3 м	3,0	4,0	6,0	9,0	14,0	30,0	42,0
30	у кронах	5,0	6,0	10,0	18,0	27,0	47,0	43,0
45	на глебе	2,0	2,5	4,0	5,0	12,0	28,0	38,0
45	на 1,3 м	3,0	4,0	5,0	6,0	15,0	31,0	40,0
45	у кронах	6,0	7,0	11,0	17,0	34,0	55,0	74,0

Заданне 2.1.4. Пад полагам спелых раўнамерна самкнутых дрэвастояў ёсць значная колькасць 15-гадовага яловага падросту. Зрабіце разлікі колькасці святла (%), якое трапляе пад полаг лесу, і вызначце, пад полагам якіх насаджэнняў менш захаваецца падрост елкі пасля суцэльнай высечкі (пры аднолькавай тэхналогіі): а) 7Е2Б1Ас; б) 8Е2С; в) 6Е2С2Б; г) 7Б2Е1С; д) 8С2Е; е) 6С2Е2Б. Чаму?

Заданне 2.1.5. Запоўніце табл. 11 аб шкодным уплыве на лес крайніх тэмператур.

Табліца 11