Тақырып 11. Кәсіпорынның маркетингтік және өндірістік қызметі

Практикалық (семинар) сабақ тапсырмасы: Сұрақтарды талқылау және есептерді шығару:

1. Маркетинг және стратегиялық жоспарлау.

2. Маркетингтік шешімдерге арналған ақпараттар.

3. Маркетинг стратегиясын таңдау және өткізу.

4. Маркетингтің өндірісті ұйымдастыруға және кәсіпорынның негізгі функцияларына әсер етуі.

5. Саланың бәсекелестік талдауы.

6. Кәсіпорын жағдайын талдау. SWOT-талдау.

7. Кәсіпорынның бәсекеге қабілеттілігін салыстырмалы бағалау.

Өз бетінше орындауға арналған тапсырмалар:

Есеп №1. Өткізілген өнім көлемі – 755 тонна. Өнім бірлігінің өзіндік құны – 44,2 теңге. Кәсіпорынның 1 тонна өнімінің көтерме бағасы – 55,25 теңге. Өнім табыстылығын анықтаңыздар.

Есеп №2.Жоспарлы жылдағы негізгі өндірістік қордың орташа жылдық құнын анықтаңыз(млн.теңге). Негізгі өндірістік қордың жоспарлы жыл басындағы құны – 39,5 млн.теңге, 1- мамырдан бастап енгізілген өндіріс қорының құны – 6 млн. теңге және 1-қазаннан бастап 4 млн.тенге сомасында негізгі өндіріс қорын шығару жоспарланып отыр.

Есеп №3.Зауытта жылына 4000 тонна өнім өндіріледі. Өнім бірлігінің толық өзіндік құны – 250теңге, көтерме бағасы – 400 теңге. Өнімді өткізуден түскен пайданы анықтаңыздар(мың тенгемен).

Тапсырманы орындауға арналған әдістемелік нұсқа

Маркетинг термині – нарық, сату орталарындағы істі білдіреді.

Маркетингте ең негізгі нәрсе өзара толықтырудың ыңғайын жасау болып табылады. Бұл нарықты жан-жақты, мұқият тексеру, сонымен бірге нарыққа белсенді түрде ықпал ету, тұтынушылыға және сатып алушығатаңдаудықалыптастыру деген мағынаны білдіреді.

Өнімге бағыталған маркетинг – кәсіпорын жаңа өнімді шығаруды немесе шығарылып жатқан өнімді жетілдіруді мақсат тұтқанда қолданылады.

Тұтынушыға бағытталған маркетинг – кәсіпорынның ісі тікелей нарықтан шығатын мұқтаждықты қанағаттандыруға бағытталғанда қолданылады.

Мысал. Магазин иесі жалдамалы жұмыскеріне 40 мың теңге төлеп отырады. Кредит үшін төлем 10 мың тенгені құрайды. Негізгі капиталдың бастапқы құны 100 теңге болған, ал қазір 80 мың теңге. Амортизация нормасы 20 – пайыз, жылуға, жөндеу жұмыстарына, жарықтандыруға және тағы басқаларға шығындар 20 мың тенге.

Магазин иесі басқа фирмада жұмыс істеп, 30 мың тенге табатын еді. Ал оның әйелі осы магазинде жұмыс істейді, ал тура осындай жұмысты басқа жерде істеп 10 мың тенгені табатын еді. Ол негізгі капитал негізінде алған 50 мың теңгелік банкілік саудасын қайтаруы керек. Басқа кәсіпорынға өзінің капиталын салса, онда ол 10 пайыз, пайда алатын еді. Сатудан түскен түсім 140мың теңгені құрады. Табу керек: бухгалтерлік шығындар, экономикалық шығындар, бухгалтерлік пайда, экономикалық пайда, магазин иесі өзінің ісін жалғастырғаны дұрыстығын.

Шешуі: бухгалтерлік шығындар – 40+10+20+20 =90;

Экономикалық шығындар – 90+30+10+3 =133, 10% - ды0 к3р3с капитлы бар фактіні береді;

80-50= 30 мың тенге

Бухгалтерлік пайда – 140-90=50;

Экономикалық пайда – 140-133=7.

Магазин иесі өзінің ісін жалғастырғаны дұрыс, себебі басқа іспен айналысқанда оның табысы 43(30+10+3) мың теңгені құрайтын еді, ал қазіргі табысы – 50 мың тенге.

№ 11 тапсырма дәріс материалдарын, сондай-ақ қосымша оқулықтар мен оқу құралдарын, экономикалық әдебиеттер мен мерзімді басылымдар мәліметтерін пайдалана отырып жеке орындалады.