Студенттердің өздік жұмысы (сөж)

1 Тапсырма. Жағдаят. Парижде іссапармен болған досыңызбен сұхбат құрыңыз.

2 Тапсырма. Газет бетіне Қазқстанмен Францияның Қарым-қатынасына байланысты шыққан мақаланы мазмұндауға дайындалыңыз.

3 Тапсырма. «Батыс және біз» тақырыбы бойынша шығарма жазыңыз.

10-САБАҚ

Лексикалық тақырып: Қазақстан мен Ұлыбританияның қарым-қатынасы.

Грамматикалық тақырып: Мақсат үстеу.

Жаңа сөздермен жұмыс:

Өркениет-цивилизация

Ұмтылыс-стремление

Барлау-проверять, разузнавать

Игеру-освоить

Оң құбылыс-положительное явление

Меймандар- гости

Ластау-загрязнить

Мәтінмен жұмыс:оқу, аудару.

Қазақстан өз дамуында тең түсіністік пен ынтымақтастық қарым-қатынасқа айрықша мән беріп келеді. Бұл замана талабы біздің елдің Ұлыбританиямен қалыптасқан оң құбылыстарымен де анық байқалады.

Екі ел өркениет жолында өзектесіп, алыс-беріс қарқын ала бастаған. Қазақстан Президенті Нұрсұлтан Назарбаев Ұлыбританияның іскер топтарымен болған бірқатар кездесулерде екіжақты қарым-қатынастарды одан әрі нығайту жолындағы ұмтылыстарды атап айтқан.

Қазақстанға инвестиция құюдан мәліметтер бойынша Ұлыбритания АҚШ пен Корея Республикасынан кейін үшінші орында тұр.

Екі ел арасындағы инвестициялық ынтымақтастық негізінен энергетика,тау-кен өнеркәсібі,сауда, әлеуметтік құрылымдар,деңсаулық сақтау, көлік және байланыс, пайдалы кен қазбаларын барлау және игеру салалары болып саналады.

Біздің елде 100-ге тарта Қазақстан-британ бірлескен кәсіпорны және 50-ге тарта Британия компанияларының өкілдігі бар. «Бритишгаз» тәрізді әлемге танымал компаниясы, металлургия саласында «Испат-Қармет» компаниясының жұмысы біздің республика жұртшылығына белгілі. Алыс-берісі арнаға түскен Ұлыбритания мен Қазақстанның байланыстары тек қана экономика мен саясатта емес, сонымен қатар мәдениет, білім беру, әскери салада, атап айтқанда, дүние жүзінде бейбітшілікті сақтап қалу ісінде, халықаралық терроризмге қарсы мәселесіндегі ынтымақтастыққа да негізделген.(Ә.Ахметов).

Лексика-грамматикалық тапсырмалар

1.Мәтін бойынша сұрақтар құрастырыңыз.

2. Сөйлемдерді толықтырып жазыңыздар, қажетті сөздер берілген.

• Ұлыбритания Парламентінің мүшелері Қазақстан Республикасы Парламенті Мәжілісі төрағасының ........................болды.

• Мәжіліс..................шетелдік меймандарға Қазақстанда жүріп жатқан реформалар туралы..................

• Ұлыбритания Қазақстанды өзінің.................ретінде санайды.

• Қазіргі әлемдік ауқымда көтеріліп отырған экология.................байланысты қоршаған................ластанудан сақтау......................кеңінен жүргізу керек.

• Елімізде жүріп жатқан экономикалық реформаларға, сондай-ақ.................жемқорлыққа байланысты министірлерге нақты.................берілді.

Қажетті сөздер: тапсырмалар, әріптесі, қабылдауында, баяндады, мәселесіне, шараларын, сыбайлас, ортаны.

3. Сөздердің орын тәртібін дұрыс келтіріңіз.

Беріп келеді, Қазақстан, айрықша мән, өз дамуында, қарым-қатынасқа, тең түсіністік пен ынтымақтастық.

Екі ел, ала бастады, өркениет жолында, қарқын, өзектесіп, алыс-беріс.

Кенейте бермек, даму жолындағы, өз аясын,мұндай,ықыласты мәселелер.

Алда тұр, қазіргі уақытта, шешілетін көптеген мәселелер, Ұлыбританияның, екі елдің арасында, сенімді инвестициялық әріптес, болуымен байланысты.