Глоссарий – сөздік

Дәріс (лат. Lectuo – оқу) – белгілі бір тақырып бойынша материалды баяндау. Жоғарғы оқу орындарында жаңа білімді хакбарлаудың алдыңғы қатарлы әдісі.

Демонстрация (лат. Demonstpatio – көрсету) – барлық топқа әр түрлі көрнекі құралдарды көрсетуде қолданылатын әдістемелік тәсіл.

Дискуссия (лат. Discussion – қарастыру, зерттеу) – мәселені талқылау үрдісі, оны шешу жолдарында берілетін ұжымдық зерттеу тәсілі.

Оқу пәнәнің саясаты (грек. Politike – мемлекетті басқару өнері) – оқытушының пәнді оқыту барысында студентке қоятын талап деңгейінің жүйесі.

Презентация (лат. Praesentatio – таныстыру) – жеке немесе топта орындалған оқу-танымдық жұмыстың нәтижелерін көрсету.

Силлабус (лат. Syllabus – қадам, саты) - әрбір пән бойынша студенттерді оқыту бағдарламасы.

СОӨЖ – оқытушының жетекшілігімен жасалған студенттердің өздік жұмысы.

СӨЖ – оқытушының қатысуынсыз орындалатын студенттің жоспарланған жұмысы.

Семинар – (лат. Seminarum орда)–жоғарғы оқу орындарындағы практикалық сабақ. Семинар сабақтың мақсаты–оқу пәнін тереңдетіп оқыту.

Тренинг – студенттің өзін-өзі танудағы білімі мен дағдысын қалыптастырудың, топтағы адамдармен қарым-қатынастық әдіс жиынтығы. Тренингтің негізгі құралдары топтық дискуссия және рөлдік ойындар болып табылады.

Элективті курстар – (ағылш. Elect – таңдаулы) – студент өз еркімен таңдап алатын курстар.

1-САБАҚ

Лексикалық тақырып: Менің елім – Қазақстан

Грамматикалық тақырып: Етістік. Етіс категориясы. Есімше, көсемше.

Оқимыз. Мәтінді оқыңыз.

Менің елім – Қазақстан

Қазақстан Республикасы – егеменді, тәуелсіз мемлекет.

1990 жылғы қазанның 25-інде еліміздің мемлекеттік егемендігі туралы Декларация қабылданды.

1991 жылғы 16-ншы желтоқсан күні біздің ел тәуелсіз мемлекет болып жарияланды.

1992-нші жылғы 4 маусымда Қазақстан Республикасының жаңа Мемлекеттік елтаңбасы мен Мемлекеттік туы бекітілді. Осы жылғы 10 желтоқсанда жаңа Мемлекеттік әнұран да бекітілді. Тәуелсіз мемлекетіміздің рәміздерінің сипаттамасы және ресми пайдалану тәртібі конституциялық заңмен белгіленді.

1995 жылы 30 тамызда Қазақстан Республикасының Негізгі Заңы – Конститутциясы қабылданды.

1997 жылғы 10 желтоқсаннан бастап Қазақстанның астанасы болып Ақмола қаласы белгіленді.

1998 жылғы 6 мамырда Қазақстан Республикасы Президентінің Жарлығымен Ақмола қаласының атауы Астана деп өзгертілді.

Қазақстан халқының саны 16 миллион адамнан астам. Қазақстан – көп ұлтты мемлекет. Онда 100-ден астам ұлттар тату-тәтті өмір сүреді. Қазақ жері қызық та бай тарихымен белгілі. Оған дәлел болатын Отырар, Тараз тағы да басқа әлемге әйгілі көне қалалар.

Елдің солтүстігі орманды, ал оңтүстігі таулы болып келеді. Орталық Қазақстанды жазық дала алып жатыр. Қазақстанның өзендері – Ертіс, Есіл, Жайық, Сырдария, Іле және басқалалары. Ең үлкен көлдері мен теңіздеріне Балқаш пен Зайсан көлдері, Арал мен Каспий теңіздері жатады. Қазақстан кенге бай. Сарқылмас қоры бар түсті металдар, темір, көмір, мыс, мұнай, газ, алтын және тағы басқа кен байлықтары кездеседі.

Қазақстанның ауыл шаруашылығы, өнеркәсібі жақсы дамыған. Өнеркәсібінің негізгі салалары – металлургия, машина жасау, металл өңдеу, отын-энергетика, химия және тағы басқа салалар. Ауыл шаруашылығының негізгі салалары – егіншілік пен мал шаруашылығы.

Ауыр және жеңіл өнеркәсіптің орталықтары – Қарағанды, Теміртау, Екібастұз, Балқаш, Жезқазған, Шымкент және тағы басқалары.

Сонымен қатар Қазақстан – ғылымы мен мәдениеті жоғары дамыған ел. Қазақстан Ұлттық Ғылым Академиясы, ғылыми-зерттеу институттары, жоғары оқу орындары, опера және балет театры, драма театрлары, мектептер, кинотеатрлар, кітапханалар, мәдениет сарайлары сияқты ғылым мен мәдениет ошақтары бар.

1992 жылы наурыз айының екісінде Қазақстан Республикасын дүние жүзі танып, Біріккен Ұлттар Ұйымына толық құқылы мүше болып қабылданды.

25 қазан – Ұлттық мейрам, Республика күні.