Нысандарды экплуатациялау

410. А санатты ғимараттарда газ өткізгіштердің, арматура және аспаптардың фланецті және резьбалық қосылыстарының сабын эмульсиясымен тығыздығын тексеру технологиялық регламентпен қаралған мерзімде, айына бір реттен кем емес жүргізіледі.

411. А санатты әрбір есікте ғимараттың санаты және қопарылу қаупі бар зона класы көрсетіледі. Бұл ғимараттарда көрнекті орындарда апатты жою жоспарлары және алғашқы көмек көрсету орындарының телефондарының тізімі ілінеді.

412. А санатты ғимараттарда электр құрал-жабдықтарын жөндеу бойынша жұмыстар электр желісінен ажыратылғаннан кейін жүргізіледі. Қажет болған жағдайда тасымалданатын аккумуляторлы қопарылу қаупі жоқ жарықтандырғыштар қолданылады.

413. А санатты ғимараттарда сүрту және майлау материалдарын тығыз жабылатын металл жәшіктер немесе шкафтарда тәуліктік қолданылатын мөлшерден аспайтын шамада сақтауға рұқсат етіледі.

ГРП-да сүрту және басқа жанғыш материалдарды сақтауға жол берілмейді.

414. Сыртқы қондырғыларға жақын жерде, сонымен қатар А санатты ғимарат ішінде және жақын жерде темекі тартуға және ашық отпен пайдалануға болмайды, ол туралы көрінетін орындарда қауіпсіздік белгілері орнатылады.

6-параграф. ГРП және ГРҚ эксплуатациялау

415. ГРП ғимаратында жұмыстарды орындау кезінде негізгі және қосалқы (бар болғанда) шығу есіктерінің құлыптары ашық.

416. ГРП және ГРҚ құрал-жабдықтарына қызмет көрсету графикпен қаралған мерзімде жүргізіледі. Бұл кезде жылына бір реттен кем емес, егер бұл құрал-жабдықтарға зауыт-дайындаушылардың басқа қызмет көрсету мерзімдері белгіленбесе, қысым реттеуіштерін, сақтандыру клапандары мен сүзгілерін бөлшектеумен құрал-жабдықты жөндеу жүргізіледі.

417. Сақтандыру бекіту және айыру клапандарының істеуін және реттеуін тексеру екі айда бір реттен кем емес, сонымен қатар оларды әрбір тексеру және жөндеуден кейін жүргізіледі. ГРП және ГРҚ сақтандыру бекіту клапандары бар болған кезде, олардың іске қосылуының реттелуі есептеу қысымынан 15 % жоғары болғанда жүргізіледі. Айыру сақтандыру клапандарын ретке келтіру ашылғанға дейін қысым 5 % көтерілгенде және қысым 15 % көтерілген кезде толық ашылғанда жүргізіледі.

418. ГРП және ГРҚ газ шығаруда қысымды реттеуші ГРҚ немесе ГРП кезекшісі тұрақты болған жағдайда құрал-жабдықты жөндеу және тексеру кезінде пайдаланушыларға газды ГРП және ГРҚ айналма тізбегі (байпас бойынша) беруге рұқсат етіледі. Бұл кезде манометрлер байпаста реттеу ысырмасына дейін және кейін орнатылады және қызмет көрсететін жұмыскерлерге жақсы көрінетін болады.

Айыру сақтандыру қақпақшасын немесе монометрді жөндеуге алу үшін олардың орындарына сынақтан өткізілген қақпақша және манометр орнатылады. Аталған құрал-жабдықсыз ГРП және ГРҚ жұмыс істеуіне жол берілмейді.

419. ГРП және ГРҚ шыға берістегі газ қысымы пайдаланушылардың газ өткізгіштеріндегі қысымның бекітілген режимдеріне сәйкес реттеледі.

ГРП және ГРҚ шыға берісіндегі газ қысымының пульсациясы берілген жұмыс қысымынан 10 % артуына жол берілмейді.

420. ГРП және ГРҚ орнатылған сүзгілер тазалауға бөлшектелінер алдында ысырмалармен сөндіріледі және тығындармен қайталанады. Сүзгі қақпағы сүзгіде қысымның жоқтығы тексерілгеннен кейін алынады. Сүзгі корпусы сүзгі саптамасын (кассета) алғаннан кейін мұқият тазартылады. Кассетаны бөлшектеу және тазарту ГРП ғимаратынан тыс жерде жүргізіледі.

421. ГРП және ГРҚ құрал-жабдықтарына технологиялық қызмет көрсету бойынша жұмыстар және оны қалыпты эксплуатациялаудан ауытқуларын жою жөнінде жазбалар эксплуатациялық журналда жүргізіледі. Бөлшектері мен тораптарын алмастырумен байланысты ГРП және ГРҚ құрал-жабдығының жөндеулері (тексерістер) нәтижелері ГРП және ГРҚ төлқұжаттарына жазылады.

7-параграф. ГПС, ГКС және ГТРС пайдалану

422. Әрбір ГПС, ГКС және ГТРС агрегатын қосқаннан бастап және жұмыс режимін реттеу немесе машинаны апаттық тоқтату аяқталғанға дейін қажет болғанда қосулы машинаны тоқтату үшін қалқанда кезекші болады.

423. ГПС, ГКС және ГТРС толық автоматтандырылғанда, дистанциондық басқарылғанда және бақыланғанда тұрақты қызмет көрсету жұмыскерлердің қатысуынсыз эксплуатациялауға болады. Толықтай автоматтандырылған ГПС, ГКС және ГТРС кезеңдік тексеру және қызмет көрсету бекітілген график бойынша екеуден кем емес жұмыскермен жүргізіледі.

Толық емес автоматтандырылған ГПС, ГКС және ГТРС эксплуатациялау ауысымына екеуден кем емес жұмыскермен жүзеге асырылады. Жұмыс істеп тұрған агрегаттарды бақылаусыз қалдыруға жол берілмейді.

424. Газ өткізгіштерді желдету немесе үрлеу кезінде машиналардың электр қозғалтқыштарын қосуға жол берілмейді.

425. Газ үрлеуіштерді, айдағыштарды немесе ГУБТ қосу тек машинаның өзінде немесе машиналарды басқару қалқанында орналасқан қосу түймелерімен жүргізіледі.

426. Берілген режимдер бұзылған жағдайда, жұмыс істеп тұрған айдағыштар, компрессор немесе ГУБТ машиналардың олқылығы байқалғанда олар тез арада тоқтатылады.

427. Коллектордағы газдың сору қысымы 0,5 кПа төмен түсіп кеткенде, суыту үшін электр энергиясы немесе су беру тоқтатылғанда, жалпы коммуникацияларда апаттар орын алғанда барлық агрегаттар тез арада тоқтатылады.

428. Сақтандырғыш айырғышы немесе электр энергиясын берудің тоқтатылуы нәтижесінде барлық айдағыштар немесе компрессорлар бір уақтылы кенет тоқтатылғанда, барлық машиналардың электр қозғалтқыштары тез арада сөндіріледі.

Станцияның айдағыш жүйелеріндегі шығын қысымын ұстап тұру үшін сору және айдау бөліктеріндегі ысырмалар жабылмайды. Сору және айдау коллекторлары араларындағы байпас ашық болады.

429. ГПС және ГКС пайдалану, сонымен қатар станция құрал-жабдықтарын тексеру және жөндеу газ шаруашылығындағы қауіпсіздік технологиялық регламентке сәйкес жүзеге асырылады.

8-параграф. Домна газын шаңнан тазарту және