Өзге құжаттарды талап етуге тыйым салынады!
Құжаттарды тапсырудан кейін салық комитетінің қызметкері оларды тексеріп және қажетіне қарай түзетулер жасайды. Егер барлығы дұрыс болса, салық инспекторы өтінімнің қабылданғаны туралы белгі соғуы, яғни өтінімнің Сізде қалатын екінші данасына өзінің аты-жөнін көрсетіп, қол қойып, салық органының коды мен қабылдаған күнін белгілеуі тиіс. Немесе салықтық комитеттің қызметкері Сізден құжаттарды қабылдап алғаны туралы арнайы талон ұсынуы тиіс.
Салық қызметі қызметкерінің ЖК-ны тіркеуге арналған құжаттарды қабылдаудан бас тартуға құқы жоқ. Алайда, құжаттардың жоғарыда көрсетілгендей дұрыс толтырылып және толық көлемде ұсынылуы тиіс екендігі есіңізде болуы тиіс.
Сіздің жалғыз ғана төлейтін нәрсеңіз – бұл мемлекеттік баж (тіркеу үшін ресми түрде төленетін алым). Басқа ешқандай ақшаны ешкімге төлеудің қажеті жоқ. Мемлекеттік баж салық комитетінде орналасқан банктің кассасына төленеді, бұл жағдайда кассада Сізге төлем туралы чек берілуі тиіс, соның көшірмесін өзіңізде сақтап қоюды ұсынамыз. Алым банктердің, «Казпошта» АҚ-ның кез келген бөлімшелерінде және төлемдерді қабылдайтын өзге де ұйымдарда төленеді. 2009 жылдың 1 шілдесінен бастап алымның көлемі 5.184 теңге (төрт айлық есептік көрсеткіш) құрайды. Алым жеке кәсіпкер ретінде құжаттарын тіркеуге ұсынған сәтке дейін төленеді.
Назар аударыңыз: егер Сіз шаруа (фермерлік) қожалықтарды тіркеп отырсаңыз немесе I, II және III топтағы мүгедек болып табылсаңыз, немесе оралмандардың қатарына жатсаңыз (ҚР азаматтығын алған уақытқа дейін) және қолыңызда соны растайтын құжаттарыңыз болса, Сізді салық органдарында тегін тіркеуі тиіс!!!
Жеке кәсіпкер заңды тұлғаның тіркелу үшін толтыратындай ешқандай құрылтай құжаттарды толтырмайды.
ЖК тіркеу туралы куәлігін алғаннан кейін Сізге өзіңіздің кәсіпкерлік қызметіңізді бірден бастай беруіңізге болады.
Жеке кәсіпкердің қызметін реттейтін негізгі нормативтік құқықтық актілерге ҚР Азаматтық кодексі, ҚР Салық Кодексі және Қазақстан Республикасының 2006 жылдың 31 қаңтарындағы № 124-III «Жеке кәсіпкерлік туралы» заңы жатады.
Шағын бизнес субъектілеріне арналған салық салу
Жеке (жалғыз) жұмыс істейтін кәсіпкерлер салық салуы бекітілген болып келетін кәсіпкерлерге және салық салуы бекітілмеген кәсіпкерлерге бөлінеді. Осы екі айырмашылықты қарастырайық:
Кәсіпкерлік |
|||
Бекітілген салық салумен
|
Бекітілмеген салық салумен |
||
Арнайы салықтық режим |
|
||
Біржолғы талон бойынша жұмыс істейтін кәсіпкерлер
|
Патент бойынша жұмыс істейтін кәсіпкерлер
|
Жеңілдетілген салықтық декларация бойынша жұмыс істейтін кәсіпкерлер
|
Жалпы бекітілген режимдегі кәсіпкерлік |
Арнайы салықтық режим шағын бизнес субъектілеріне арнап әлеуметтік салықты, корпоративтік немесе жеке табыс салығын есептеу мен төлеудің жеңілдетілген тәртібін белгілеген.
Патентке немесе жеңілдетілген декларацияға негізделген арнайы салықтық режимдерді қолданатын салық төлеушілер үшін салық салу нысанына Қазақстан Республикасының аумағында және одан тыс жерлерде салықтық кезең ішінде алынған (алуға жататын) табыстың барлық түрінен құралатын табыс жатады.
Шағын бизнес субъектілері салықты есептеу мен төлеудің, сондай-ақ солар бойынша салықтық есептілікті ұсынудың төменде келтірілген тәртібінің бірін ғана өз бетінше таңдап алуға құқылы:
жалпы бекітілген тәртіп;
патентке негізделген арнайы салықтық режим;
жеңілдетілген декларацияға негізделген арнайы салықтық режим.
Арнайы салықтық режимнің күші келесідегідей қызмет түрлеріне тарамайды:
акциздік өнімдерді өндіру;
кеңес беру, қаржылық, бухгалтерлік қызметтер;
мұнай өнімдерін сату;
шыны ыдыстарды жинау және қабылдау;
қойнауларды пайдалану.
