64. Қазақ тілі сабағындағы пәнаралық байланыс.

Қазақ тілі әдебиет пәнімен тығыз байланысты. Ақын-жазушылардың творчествосын зертеу оның шығармасының тілі мен стилін зерттеуді де қамтиды, өйткені «тіл – әдебиеттің бірінші элементі» (М.Горький).

Қазақ тілін информатика сабағымен байланыстыра оқытуға болады. Мысалы, компьютерді пайдаланып, қазақ тілі сабағын қызықты да түсінікті қылып жүргізуге болады.

Қазақ тілін логикамен байланысты. Мысалы, қазақ тілі пәнінде логикалық сұрақтар арқылы оқушының қызығушылығын арттыруға болады.

Қазақ тілін тарих пәнімен байланыстыра оқытуға болады. Қазақ тілінің шығу төркінін анықтап, қосымша материалдар жинау арқылыоқушының белсенділігі артады. Мысалы, септік жалғауларын өткен кезде тарихқа үңіліп, Орхон-Енисей жазба ескерткіштеріне тоқталуға болады.

65. Қазақ тілі әдістемесі, зерттеу нысаны, міндеттері.

«Әдістеме» - бір нәрсені зерттеу жолы, тәсілдерінің жиынтығы деген ұғымдағы гректің сөзі.

Қазақ тілін оқыту әдістемесі – оның мазмұны мен ұстанымдары, әдістері мен тәсілдері туралы және мектепте қазақ тілінен оқушыларға шарттары туралы ғылым.

Пәннің ғылым ретінде қарастыратын нысаны – оқыту үрдісі. Ал оқыту үрдісі: оқытудың мазмұны, яғни тілдік материал, оқушыларда білім, дағды, іскерлікті қалыптастырудағы мұғалімнің әрекеті, білім алудағы оқушының әрекеті және оқытудың нәтижесі сияқты ұғымдарды қамтиды.

Қазақ тілін оқыту әдістемесі пәнінің басты мақсаты – қазақ тілін тиімді оқытудың жолдарын қарастыру, пәннің танымдық, тәрбиелілік, дамытушылық мақсаттарын іске асыру. Ал нақты мақсаты – тіл білімінің салаларын заман талабына сай тиімді оқытудың жолдарын қарастыру. Жеке мақсаты – тіл білімінің әр саласынан қалыптасатын білім мен біліктілік мазмұнын және нәтижені айқындау.

Міндеті: Қазақ тілінің оқу пәні ретінде мақсаты мен мазмұнын, оқыту ұстанымдары мен әдіс-тәсілдерін айқындау, атап айтқанда: 1. Бастауыш мектеп пен орта мектептегі қазақ тілі пәнінің мақсатын, ерекшелігін, мазмұны мен көлемін,ғ құрылымын, бөліктерінің бір-бірімен ұштасуы мен бірізділігін анықтау, оқу материалын сыныптарға бөлу. 2. Оқытудың неғұрлым пайдалы, үнемді және тиімді әдістері м ен тәсілдерін зертеу және сипаттау. 3. Қазақ тілі пәнінен жүйесі нақты белгіленген білім көлемін оқушылардың ойдағыдай игеру шарттары туралы мәселені талдап шешу, яғни материалды дәл қабылдаудың айқын түсінігін оны практикада қолдана білудің шарттары туралы мәселелерді талдау.

66.Қазіргі сабақ және оның түрлері.

Қазіргі таңда сабақ екі түрге бөлінеді: дәстүрлі және дәстүрден тыс.

Дәстүрлі сабақтарға: жаңа сабақ және аралас сабақ жатады.

Дәстүрден тыс сабақтарға: дебат, түрлі үйірмелер, экскурсия, конференция, т.б. жатады

67.Қазақ тілін оқытудың педагогикалық негізі.

Қазақ тілін оқытуда пәннің педагогикамен тығыз байланысы ешқашанда тыс қалдырылмайды. Қазақ тілін үйретудің әдіс-тәсілдерін анықтау берілген білім көлемі мен мазмұнын белгілеу оқытудың педагогикалық негізіне сүйенгенде ғана дұрыс әрі сапалы түрде жүзеге асады. Оқыту әдістемесінің басқа ғылымдардан ерекшелендіріп тұратын бір ерекшелігі – ондағы күллі оқыту үрдісі екі жақты бірліктегі қарым-қатынасты керек етеді. Яғни мұғалім мен оқушылар арасындағы қарым-қатынасты дамытады. Біреуі оқып үйретеді, тәрбиелейді, екіншілері оқып, үйреніп, тәрбиеленуге қалыптасады. Өзара әрекетке бағытталған өзіндік міндеттер айқындалады. Ал ұстаздар қауымына жалпы ортақ мақсат, терең білім мен тәлімді тәрбиені қалыптастыру.

Қазақ тілін оқыту әдістемесі – ана тілін ұғынудың заңдылықтарын, оқытудың қыры мен сырын балаға үйретудің жолдары мен құралдарын зерттейтін педагогика ғылымының бір саласы.