4. Жауапкершілігі

Бөлім бастығы өзінің лауазымдық міндеттерін орындамағаны немесе тиісті дәрежеде орындамағаны үшін және өзінің іс қағаздарының дұрыс жүргізілуіне және сақталуына, сондай-ақ бөлініп берілген жұмыс орнының, материалдық құрал-жабдықтардың таза әрі ұқыпты ұсталуына жауапкершілікте болады.

Бөлім бастығы қылмыс жасаса немесе басқа да құқықтарды бұзса, Қазақстан Республикасының заңымен белгіленген тәртіп бойынша қылмыстық, әкімшілік, материалдық жауапкершілікке тартылады.

5. Қызметкерге қойылатын талаптар

Бөлім бастығы болып жоғары филологиялық білімі немесе осы лауазымның функционалдық бағытына сәйкес келетін салада кемінде екі жыл жұмыс істеген Қазақстан Республикасының азаматтары тағайындалады

Қазақстан Республикасының Конституциясын, «Қазақстан Республикасындағы тілдер туралы», «Әкімшілік ресімдер туралы», «Нормативтік-құқықтық актілер туралы» Заңдарын, Қазақстанның 2030 жылға дейін даму стратегиясын және осы лауазымға сәйкес келетін салалардағы қатынасты реттейтін Қазақстан Республикасының басқа да заңдары мен нормативтік актілерін білуі шарт.

Осы санаттағы лауазымға қатысты функционалдық міндеттерді орындауға қажетті басқа да білімдер. Компьютерде жұмыс істей білуі керек.

Басшының орынбасары __________ _____________

(қолы) (аты-жөні)

Таныстым __________ _____________

(қолы) (күні)

4.2. Өкімдік құжаттар

Ұйымдардың, мекемелер мен кәсіпорындардың атқарушылық-басқарушылық қызметінің бір нысаны - өкімдік құжаттар шығару. Осы құжаттардың негізінде басқарудың маңызды міндеттері шешіледі. Қолданыстағы заңдарға сәйкес басқару органдары өз құзыретіне қарай бұйрықтар, шешімдер, өкімдер секілді өкімдік құжаттар шығарады.

Ұйым құзыреті шегінде негізгі мәселелер бойынша нормативтік немесе жеке акті қабылдау қажет болған барлық жағдайларда шешімдер мен бұйрықтар үнемі шығарылады. Өкімдер мен нұсқаулар жекелеген мәселелер бойынша және қаулыларды, шешімдер мен бұйрықтарды орындауды ұйымдастыру үшін шығарылады.

4.2.1. Шешім (қаулы)

Шешім немесе қаулы – алқалы органның (директорлар кеңесі, акционерлердің жалпы жиналысы және т.б.) құжаты. Өндірістік мәселелелер бойынша дайындалады. Сондай-ақ Қазақстан Республикасының «Жергілікті мемлекеттік басқару туралы» Заңына сәйкес Мәслихаттар (7-бап) және Әкімдер (37-баптың 3-тармағы) нормативтік-құқықтық сипаттағы шешімдер қабылдайды. Шешім «ШЕШТІ», «ШЕШІЛДІ», «ҚАУЛЫ ЕТЕДІ», «ҚАУЛЫ ҚАБЫЛДАДЫ» деген сөздерді пайдалана отырып, басқа басқару құжаттары секілді ресімделеді. Шешімге (қаулыға) алқалы органның төрағасы және оның мүшелері немесе Төраға мен хатшы қол қояды.

Шешімнің үлгі нысаны

Ведомоствоның, мекеменің, ұйымның атауы (қазақ тілінде) ШЕШІМ	Мемлекеттік елтаңбаның немесе диаметрі 20 мм-ден аспайтын фирмалық белгінің орны	Ведомоствоның, мекеменің, ұйымның атауы (орыс тілінде) РЕШЕНИЕ
00.00.00. № ___________ __________ қаласы		_________ №__________ г. ________________
Шығарылатын орны (қазақ тілінде)		Шығарылатын орны (орыс тілінде)
___________________ не туралы екендігі

___________________________________________шешім қабылдады:

1. ________________________________________________________.

2. ________________________________________________________.

3. ________________________________________________________.

4. ________________________________________________________.

5. ________________________________________________________.

Мекеменің басшысы __________ _____________

(қолы) (аты-жөні)

Қаулының үлгі нысаны

ҚАУЛЫ

Алматы қаласы

№ 1

2007 жылғы «___»______

Халықаралық «Қазақ тілі» қоғамының орталық кеңесі күн тәртібі бойынша жасалған баяндамаларды және жарыссөз барысында айтылған пікірлер мен ұсыныстарды қарай отырып, ҚАУЛЫ ЕТЕДІ:

1. Халықаралық «Қазақ тілі» қоғамының (бұдан әрі – Қоғам) Орталық аппараты, облыстық және қалалық ұйымдары Елбасының «Жаңа әлемдегі – Жаңа Қазақстан» Жолдауының рухани салаға, мемлекеттік тілге қатысты жерлерін жұртшылыққа жан-жақты түсіндіру мақсатында ақпараттық шараларды («дөңгелек үстел», семинар, БАҚ-қа мақала, т.б.) қолға алсын. Бұл ретте, Жолдаудың «Қазақстан халықтарының рухани дамуы және үштұғырлы тіл саясаты» атты жиырма алтыншы тармағын талдағанда, қазақ тілінің мемлекеттік тіл ретіндегі мәртебесіне баса мән беріліп, оның қоғам өмірінің бар саласында басым сипатқа ие екендігі айрықша назарға алынсын.

2. Қазақстан Республикасының славян жазуынан (кириллица) латын әліпбиіне көшу бастамасына және осы бағыттағы іс-шараларына қолдау көрсетілсін.

3. Қоғамның облыстық және қалалық ұйымдары «Халықаралық «Қазақ тілі» қоғамының мемлекеттік тілдің қолданылу аясын кеңейтуге байланысты 2007 жылға арналған іс-шаралар жоспарын» басшылыққа ала отырып, жеке іс-шаралар жоспарын жасасын және өздеріне қарасты аудандық, бастауыш ұйымдарды хабардар етсін.

4. Қоғамның көшпелі мәжілісінде жасалған баяндамалардағы ұсыныс-тілектер және жарыссөз барысындағы ой-пікірлер назарға алынсын.

5. Қоғамның қызметін жандандыру және өзін-өзі қаржыландыру мәселелерін шешу бойынша Қоғамның барлық құрылымдық бөлімшелері төмендегі іс-шараларды қолға алсын:

1) 2007 жылдың 15 маусымына дейін құрылымдық бөлімшенің құрылтай құжаттарының көшірмелерін, мүшелерінің тізімін Орталық аппаратқа жіберу;

2) тоқсан сайын атқарылған жұмыстары мен қаржы-шаруашылық қызметі бойынша Орталық аппаратқа есеп беру;

3) мекен-жайы, банктік деректемелері, хабар алысу құралдары және бөлімше ішіндегі басқа да өзгерістер жөнінде Орталықты дер кезінде хабардар ету;

4) мекемелер мен кәсіпорындар жанынан бастауыш ұйымдар құруды, мүшелер тартуды, олармен жұмыс жүргізуді қолға алу;

5) мүшелік жарна жинауды қайтадан жаңғыртып, жүйелі жолға қою;

6) электрондық почта ашу;

7) құрылымдық бөлімшенің жұмысын жетілдіру жөніндегі ұсыныстарын, жалпы мемлекеттік тілді дамыту туралы ой-пікірлері мен бастамаларын Орталық аппаратқа жіберу;

8) жергілікті әкімдіктермен, мемлекеттік мекемелермен қарым-қатынасты жолға қою;

9) Орталық аппараттың бастамаларына барынша қолдау көрсету.

6. Осы қаулының орындалуын бақылау Қоғамның Орталық аппаратына жүктелсін.

Президент __________ _____________

(қолы) (аты-жөні)

Хатшы __________ _____________

(қолы) (аты-жөні)

4.2.2. Өкім

Өкім – кәсіпорынның күнделікті өндірістік-шаруашылық және әкімшілік қызметінің жедел мәселелері бойынша директор немесе оның орынбасары шығаратын құжат.

Өкім кәсіпорынның ішкі құжаттатрына арналған бланкілерде ресімделеді және оған директор немесе оның орынбасары қол қояды.

Өкімнің мәтініне мыналар кіреді:

- нақты тапсырма (жұмыс);

- орындаушының жауапкершілігі;

- орындау мерзімі.

Өкім беру бөлігі, әдетте, қазақ тіліндегі мәтінде «Міндеттеймін», «Белгілеймін» және т.б. сөздермен аяқталады.

Өкімнің үлгі нысаны

Ведомоствоның, мекеменің, ұйымның атауы (қазақ тілінде) ӨКІМ	Мемлекеттік елтаңбаның немесе диаметрі 20 мм-ден аспайтын фирмалық белгінің орны	Ведомоствоның, мекеменің, ұйымның атауы (орыс тілінде) РАСПОРЯЖЕНИЕ
00.00.00. № ___________ __________ қаласы		_________ №__________ г. ________________
Шығарылатын орны (қазақ тілінде)		Шығарылатын орны (орыс тілінде)
___________________ не туралы екендігі

___________________________________________ӨКІМ ШЫҒАРАДЫ:

1. ________________________________________________________.

1) ________________________________________________________.

2) ________________________________________________________.

2. Негіздеме_____________________________________________.

Мекеменің басшысы __________ _____________

(қолы) (аты-жөні)

Өндірістік мәселе бойынша өкімнің үлгісі

«Арқау» ЖШС

ӨКІМ

Алматы қаласы

№ ________

200_ жылғы «___» ______

Жөндеу жұмыстарын

жүргізу туралы

Өрт дабылының апатты жағдайына байланысты

МІНДЕТТЕЙМІН:

1. Өрт дабылын қалпына келтіру жұмыстары жүргізілсін. Жауапты – жөндеу-техникалық қызметтің бастығы М. Қадыров. Орындау мерзімі – 10.06.2007 ж.

2. Жөндеу жұмыстарын жүргізуді бақылау директордың орынбасары Н. Омаровқа жүктелсін.

Кәсіпорын директоры __________ _____________

(қолы) (аты-жөні)

4.2.3. Нұсқау

Нұсқау – бұйрықтарды, нұсқаулықтарды, тапсырмаларды және с.с. орындауды ұйымдастыруға байланысты мәселелер бойынша өкімдік құжат. Нұсқауға кәсіпорын басшысы немесе өз құзыреті шегінде оның орынбасары қол қояды. Нұсқаудың өкімдік бөлігі «ҰСЫНАМЫН» деген сөзбен басталады. Нұсқау басқа өкімдік құжаттардан бөлек жалпы бланкіде ресімделеді.

Жеке құрам бойынша нұсқаудың үлгісі

«Арқау» ЖШС

ӨКІМ

Алматы қаласы

№ ________

200_ жылғы «___» ______