3. Тапсырма

Оқу жұмысын орындауға тапсырманы ғылыми жетекші береді. Тапсырманың үлгісі Е-Ж қосымшасында берілген. Сын-пікірдің және пікірдің әзірлеу үлгісі П-Р қосымшасында берілген.

3. Аңдатпа

Аңдатпа жұмыстың қысқаша сипаттамасын, мақсатын білдіреді, мемлекеттік және орыс, шет тілдерінде орындалады. Аңдатпада оқу жұмысының түрі, оқитын пәні (нысаны) және оның негізгі сипаттамалары (жұмыстың мақсаты, тақырыбы және оны ашу аспектілері) жұмыстың ерекше белгілері (мәселенің қойылымы, дербес мәселенің шешуі, ұсыныстар) көрсетіледі. Аңдатпада жұмыстың мазмұнын қайталап айтудың қажеті жоқ.

Аңдатпаның көлемі 0,5 беттен 1 бетке дейінгі аралықта болады. «АҢДАТПА» сөзі тақырып ретінде бас әріптермен жолдың ортасында жазылады және нөмірленбейді.

3. Реферат

Реферат –бастапқы құжаттың (немесе оның бөлігінің) негізгі мағлұматтар мен қорытындылары келтірілген қысқаша мазмұны.

Реферат МемСТ 7.9 –95 талабына сәйкес жазылады.

Рефераттың мазмұны:

• иллюстрациялардың, кестелердің көлемі мен саны, пайдаланылған әдебиеттер туралы мағлұматтар;

• түйін сөздер тізімі (5-тен 15-ке дейін);

• реферат мәтіні.

Рефераттың мәтіні келесі жоспар бойынша жасалады:

• рефераттың көлемі (500 баспа таңбадан аспауы тиіс);

• пәннің (нысанның) тақырыбы, жұмыстың сипаты мен мақсаты.

3. Мазмұны

Оқу жұмысының мазмұны – бөлімдер мен бөлімшелердің нөмірлері мен тақырыптарынан, сонымен бірге, түсіндірме жазбадағы тапсырма, кіріспе, қорытынды, пайдаланған әдебиеттер тізімі мен қосымшалардан тұрады және беттердің нөмірі көрсетіледі. Мазмұны осы жұмыстың жалпы бет санына кіреді.

«МАЗМҰНЫ» сөзі бас әріптермен жолдың ортасында тақырып ретінде жазылады және нөмірленбейді. Мазмұнына кіргізілген тақырыптар бас әріптен басталып, жай әріптермен жазылады.

4.7 Кіріспе

Кіріспе – оқу жұмысының құрылымдық элементі болып табылады. «КІРІСПЕ» сөзі тақырып ретінде бас әріптермен жолдың ортасына жазылады және нөмірленбейді. Кіріспе –жұмыстың ғылыми-техникалық мәселенің қазіргі заманғы күйін сипаттап, жұмыстың мақсатын көрсетіп, жаңалығы мен өзектілігін дәл тұжырымдап, қажеттілігін негіздеуі тиіс.

4.8 Негізгі бөлім

Оқу жұмысының негізгі бөліміне –мамандандырушы кафедралар дайындаған нормативтік құжат талаптарына сай бөлімдер кіреді. Негізгі бөлігінде орындалған жұмыстың маңызын білдіретін деректер, мазмұны, әдістемесі мен негізгі нәтижелерін кетіріледі.

4.9 Қорытынды

4.9.1 Қорытындыда жұмыс нәтижелері қойылған міндеттер тұрғысынан бағалануы тиіс. Қорытындының мәтіндік бөлімінде, орындалған жұмыстың техника-экономикалық бағалануы, жұмыс нәтижелерінің ғылыми, әлеуметтік немесе танымдық құндылығы беріледі. Қорытындыда жұмыстың немен аяқталғанын көрсету керек (зерттеудің жаңа әдістері мен ұстанымдарын жасау, нысандар мен құбылыстардың сапалық және сандық сипаттамаларын алу, жаңа технологиялық үрдістердің, ережелерін (режим), кепілдемелердің, әдістерін, жобаларын жасап, өндіріске енгізу).

«ҚОРЫТЫНДЫ» сөзін тақырып ретінде бас әріптермен жолдың ортасына жазылады және нөмірленбейді.

2. Лабораториялық жұмыстар бойынша есептердің тұжырымдамала-

рында жасалған оқу тәжірибелерінің талдануы, алынған мәліметтердің теориялық есептеулермен салыстырылуы, алынған нәтижелердің оқу материалын меңгеру құндылығы көрсетілуі тиіс.

«ТҰЖЫРЫМ» сөзі тақырып ретінде бас әріптермен жолдың ортасына жазылады және нөмірленбейді.