Второе.

К томужде Нашему Царскому на ону Акадимию наданию благоволим всякаго чина людем, хотящим ради славы Божия и душ своих спасения на препитание и одежду ученикам, на сколько кто человек изволит, во вечное время всякая своя надания придавати, и оным таковаго добраго дела творителем не возбраняем, но то их к той Нашей Академии надание, сею Нашею Царскою жалованною граматою, при той Нашей Акадимии вечно быти утверждаем и Царски заповедуем, дабы коликому числу человек ученикам кто даст что на пищу и одежду, и тому бы числу за его пищею и одеждою всегда непременно, моля за надателя Бога в том училище без всякаго нарушения учитися воеже бы свет разума в благочестии умножался, а тьма невежества искоренялася; иже бо не уведеша ниже разумеша тии во тьме ходят.

Третие.

В училище же Нашем быти установляем блюстителю и учителем благочестивым и от благочестивих родителей рожденным и воспитанный во православной Христианской Восточной вере Российскаго и Греческаго народа; Греческаго же народа тии да будут, иже будут о себе имети о своем в Восточной Христианской вере крепком утверждении от православных Патриархов достоверное свидетельство: такожде тии и в России да будут крепце в вере свидетельствовани, дабы кто из них такожде не соделал, якоже прежде еретиков Исидор Российский Митпрополит, иже от Цареградскаго Патриарха и от прочих с свидетельством достоверным, и с великим похвалением к Москве на Митрополию приехал, а послежде на Флоренском соборе с Па­пою Римским согласен явися. А новопросвещенным от Римския веры, и Лютерския и Калвинския, и иных ересей приходящим в тех училищах блюстителю и учителем, ради веры Нашея лучшаго хранения, весьма не быти: ибо они обыкоша злохитростным образом тайно ереси своя по малу во ученики вкореняти.

А иже имут в Наше царствие из Литовския страны и из Малыя России и из иных стран ученые люди, хотящии зде в Наших училищах блюстителем и учительми бытии, приезжати и о себе поведати, яко они благочестивые, и от благочестивых родителей рожденны, и воспитанны в православной Восточной вере: и оным без подлиннаго об них известия и достоверных благочестивых людей свидетельства словесем их не верити, и в блюстители и в учители их не устрояти, аще бы кто из них и писанием правду веры Нашея Восточныя удостоверял, а не правды на ону Нашу православную веру от Римлян и от Лютеров и от Калвинов и от иных ересей наносимыя обличал и укорял: того ради что обычай есть таковыми способы прелестников в верах замешание творити; прежде таковии являются, якобы совершенно благочестивые, и по благочестии ревнители крепкие, а потом егда уверятся быти благочестивыми, тогда по малу развратная словеса вере Нашей всевати, и оныя непорочную целость терзати начинают.

Четвертое.

В лучшую же крепость и Вящшее утверждение православныя Восточныя Нашея веры Церкви установляем: блюстителю училищ и учителем во крепком и непорушном содержании Восточныя православныя Христианския веры, и тоя от всяких иных вер и ересей во охранении и защищении творити крестное целование по чину, иже от Нас Великаго Государя с советом Святейшаго Патриарха постановлен и утвержден имать быти во уставе Академическом; а кто из них того по своей клятве цело не содержит, и начнет каковая толкования, или подлоги ко усумнению Нашея Восточныя веры подлагати, или почне ону иных верам, или ересем во всем равенстве совершенном полагати; паче же аще кто из них начнет чуждую веру Римскую, или ереси Лютерския и Калвинския, и иныя камия похваляти, а Нашу православную веру укоряти, или каковыя порочныя на ню словеса произносити, и в таковых своих делесех, или словесех достоверными свидетели освидетельствуется, и таковый за усумнение родящия подлоги, или толкования, или чужих вер и ересей похваление, по вине да накажется, и от чина своего учительскаго да извержется; а за хуление Православновосточныя веры, аще он в таковом хулительстве пребудет, без всякаго милосердия да сожжется. Аще же покается, и той да накажешся, и от чина своего учительскаго да извержется.

Пятое.

Сему Нашему от Нас, Великаго Государя, устроенному училищу быти общему и всякаго чина, сана и возраста людем точию православныя Христианския Восточныя Веры, приходящим ради научения, без всякаго зазора свободному, в нем всякая от Церкви благословенныя благочестивыя науки да будут. А от Церкви возбраняемых наук, наипаче же Магии естественной, и иных, таким не учити, и учителей таковых не имети. Аще же таковые учители где обрящутся, и оны со учениками, яко чародеи, без всякаго милосердия да сожгутся.