4. Мәтінге 5 сұрақ қойыңыздар.

5. Сөйлемдерді орыс тіліне аударыңыздар.

Механикалық беріліс қораптары беріліс сандарын екі түрлі өзгерту мүмкін. Біріншісі — сатылы мәнге, ал екіншісі беріліс санының кез-келген мәніне өзгерте алады. Сондықтан да автомобильдің трансмиссиясы сатылы немесе сатысыз болып екі түрге бөлінеді. Эксплуатациялық тиімділігі жағынан сатысыз трансмиссия өте тиімді, бірақ ол үшін қолданылатын әртүрлі механикалық берілістердің құрылыстары мен жұмыстары әлі жеткіліксіз дәрежеде болғандықтан, бүгінгі таңда автомобильдердің беріліс қорабы тек сатылы етіліп жасалады. Ол үшін көбінесе тісті берілістерді қолданады.

6. Төмендегі сөздермен, сөз тіркестерімен сөйлем құраңыздар.

Бәрі, қондырғы, айырмашылық, өте берік, өсімдіктерді өсіру, жоғары, төмен, өзгеріс, пайдалану, жабдықталу, бұрын, барлық, ең таңдаулы, артықшылығын дәлелдеу

7. Сөйлемдерге синтаксистік талдау жасаңыздар

Аккумулятор деп энергияны жинақтайтын құралды айтады. Автомобильдің аккумуляторлары электр энергиясын химиялық энергияға айналдырады да, сол химиялық энергияны жинақтап, ұстап тұрады. Керек кезінде химиялық энергия, аккумулятор ішінде реакция жүргендіктен электр энергиясына айналып, қайтадан сыртқа беріледі.

Әрбір аккумулятор бөлек ыдысқа жасалады. Ыдыстың ішіне күкірт қышқылының ерітіндісі құйылады. Ерітіндіге оң және сол зарядты пластиналарды бір пакетке жинайды да, олардың аралықтарын ажыратып тұратын сеператорлар қойылады.

8. Мәтіннен термин сөздерді теріп жазып, мағынасын есте сақтаңыздар. Ауысым сайын техникалық қызмет көресету.

Моторды пайдалану жөніндегі нұсқау бойынша ауа тазартқыштарға техникалық қызмет көрсетіледі. Аккумулятор батареясын тексеріп, қажет болса аккумулятордың үстін, клемманы, сымдардың ұшын , тығындағы желедеткіш саңылауларын тазартып, тазартылған сумен толықтырады. Отын сүзгісіндегі ірі қалдықтарды, артқы белдік тежеуіштерінің қуыстарындағы және бұраушы моментінің үлкейткішіндегі жиналған майды, ауа баллонындағы конденсатты төгеді. Аккумулятор батареялары сымдарының ұшы мен клеммаларды майлайды. Майлау кестесі мен картасына сәйкес автомобильдің кұрама бөлшектеріндегі май деңгейін тексеріп қажет болса, белгіленген дәрежеге дейін толықтырады. Автомобильдің құрама бөлшектерін майлау кестесі мен картасына сәйкес майлайды.

9. Сөйлемдерді көшіріп жазып, пысықтауыштарды түрлеріне қарай ажыратыңыз.

1. Тырма салмағын көбейту үшін арнаулы ыдысқа жүк толтырады. 2. Торлы тырмаларды қант қызылшасы мен жүгерінің қатар аралығын сирету үшін де қолданады . 3. Қыртысты өңдеулер тұқым себу алдында немесе тұқым себілгеннен кейін өсімдік қатар аралығын баптау үшін қолданылады. 4. Мұндай шаң-тозаңдар желдің әсерімен ұшып немесе сумен шайылып ағып кетеді.

10. Мақал-мәтелдерден пысықтауыштарды табыңыз, мәнін түсіндіріңіз.

1. Жан қиналмай жұмыс бітпес, талап қылмай мұратқа жетпес. 2. Еңбек етсең - емерсің, ерінбесең – жеңерсің. 3. Еңбек қылмай ер оңбас, бірлік қылмай ел оңбас. 4. Жылай – жылай арық қазсаң, күле – күле су ішерсің.

11. Мына сөз тіркестерінің орыс тіліндегі баламасын беріңіздер.

Жылу двигательдері, электр энергиясы, арнайы барабан, иілгіш кабель, ток көзі, ток қабылдағыш, аккумулятор батареяларының қуаты, жанармайдың химиялық энергиясы, механикалық қуат