8. Берілген сөздермен, сөз тіркестерімен сөйлемдер құраңыз.

1. Қарай, бөлінеді, ең, атқаратын, жұмыс, тракторлар, алдымен, түріне, үшке

2. Ауыл, жалпы, шаруашылығында, негізгі, атқарады, арналған, жұмысқа,

3. Жұмыстарды, болмайды, жүргізуге, бірақ, қатараралығындағы, өсімдіктің, олармен,

4. Жатады, бұған, мақта, немесе, өсірудегі, ғана, жұмыстарды, тракторлар, істейтін, жүзім өсірудегі,бау- бақшадағы

9. Сөйлемдерді сөйлем мүшесіне талдаңыздар.

Жұмыстарды іске асыру үшін, беріліс қорабының жұмыс принципі әртүрлі болуы мүмкін. Солардың ішіндегі автомобильдерде көп қолданылатын түрі — механикалық беріліс қорабы. Ондай механикалық беріліс қорабы механикалық тораптардан құралады. Сондай тораптар беріліс санын өзгерту арқылы айналдыру моментін өзгертеді.

10. Мәтінді оқып , термин сөздерді теріп жазыңыздар

Пайдалану үшін жүргізіп байқауға әзірлегенде, автомобильді шаң- тозаңнан және сақтауға қойған кездегі майлаған майдан тазартады. Аккумулятор батареяларын көріп ,оларды жұмысқа әзірлейді.Тексеру үшін құрылғылармен жабдықталған құрама бөліктердегі май дәрежесін тексереді , қажет болса белгілі дәрежеге жеткізу үшін қосымша май құяды. Автомобильдің құрама бөліктері мен тетіктерін пресс- майлағыштың көмегімен майлайды. Автомобильдің сыртқы бұрандаларын және де басқа да қосылған бекітулерін тексеріп қажет болса мұқият бұрап бекітеді.

Белдіктің тартылуы (желдеткіштің жетегін), генератордың, компрессордың басқару механизмін, ауаның қысымын тексеріп, қажет болса реттейді. Мотордың салқындау жүйесіне салқындататын сұйық құяды. Моторды от алдырып , оны тыңдайды, бақылау аспаптары көрсеткіштерінің белгіленген нормаға сәйкестігін тексереді.

11. Сөйлемдерден толықтауышты тауып, түрлеріне қарай ажыратыңыз.

Картопты отырғызу бағытын жер жағдайына қарай анықтайды. Жер беті көлбеу болса, отырғызу бағытын оған көлденең етіп алады. Жер беті тегіс болса, отырғызу бағыты оның ұзындығы бойымен сәйкес келеді. Отырғызылатын көшеттердің тамыры шоғырланған жинақы және сабақтары болуы шарт.

Минералдық тыңайтқыштар өндірісте шығарылады. Олар майда ұн түрінде немесе түйіршіктер түрінде дайындалады. Минералдық тыңайтқыштың жергілікті жерде дайындалатын түрі де болады.

12. Көп нүктенің орнына тиісті толықтауыштарды қойыңыз.

Топырақты өңдеу алдында … жер бетіне біркелкі етіп шашады. Зиянкестер …. алуан түрлі ауруларға шалдықтырып, олардың түсімін төмендетеді. … себер алдында химиялық өңдеуден өткізеді.

Қажетті сөздер: тұқымды, өсімдікті, тыңайтқышты .

13. Берілген сөздердің, сөз тіркестерінің орыс тіліндегі баламасын беріңіздер.

Жартылай рамалы тракторлар, барлық механизмдері мен бөліктері, дәнекерлеу арқылы, алдыңғы бөлік, түрлі бөліктер, раманың қызметін атқару

14. Мәтінді оқып, орыс тіліне аударыңыздар.

Шағын тракторлар

718 модельдері шағын трактор. Бұл трактор тарту күші 2,0 кН болатын класқа жатады. Мұны Кутаисидың шағын тракторлар заводы шығарады. Шағын тракторлар ішінде орташасына жатады. Ол қосымша құрылыста да , коммуналды шаруашылықта да қолданылады.

Шағын трактордың негізгі тораптарына двигатель, трансмиссия, жүріс бөлігі, қуат алу білігі сияқты қондырғылар жатады. Трактор РД-180 маркалы екі цилиндрлі, төрт тақталы дизельді қозғалтқышпен жабдықталған. Трансмиссиясы ілінісу муфтасынан, беріліс қорабынан, алдыңғы және артқы жетек белдемесінен, екі қуат алу білігінен тұрады. Ілінісу муфтасы бір дискалы, құрғақ. Беріліс қорабы алға қарай екі диапазонға бөлінген алты беріліс, артқа қарай үш беріліс жасайды. Алдыңғы және артқы жетекші белдемелерге жұдырықшалы муфталармен біріктірілетін дифференциалдар орналасқан. Солардың көмегімен трактор тура жүрген кезіндегі дөңгелектердің тығылуын болдырмайды. Олардың іске беріліс қорабы арқылы қосылатындықтан, оған тәуелді жұмыс істейді. Осыған қосымша трактор арнаулы тапсырыс бойынша алдыңғы қуат алу білігімен де жабдықталады.