Пастанова Саўнаркома бсср «Аб рабоце тэатраў бсср»

29 лістапада 1940 г.

Савет Народных Камісараў БССР адзначае, што дэкада беларускага мастацтва ў г. Маскве прадэманстравала росквіт мастацтва беларускага народа і з’явілася пачаткам уздыму і далейшага развіцця тэатральнай і музыкальнай культуры Беларусі.

Тэатры БССР узбагаціліся новымі арыгінальнымі беларускімі п’есамі, а таксама лепшымі творамі савецкай драматургіі. Створана сетка новых тэатраў у Заходыіх абласцях БССР. Тэатры ўмацаваны творчымі і кіруючымі кадрамі.

Савет Народных Камісараў БССР асоба адзначае паспяховую работу тэатраў па стварэнню спектакляў з паказам вобраза правадыра нашай партыі Леніна: «Чалавек з ружжом», «Крамлёўскія куранты» Пагодзіна ў Віцебскім і Магілёўскім тэатрах.

Разам з тым Савет Народных Камісараў БССР адзначае рад істотных недахопаў у рабоце тэатраў.

Упраўленне па справах мастацтваў пры СНК БССР, саюзы савецкіх пісьменнікаў і кампазітараў БССР у апошні час аслабілі работу па стварэнню новых п’ес і опер на актуальныя тэмы.

Адзначаючы колькасны рост выпускаемых тэатрамі БССР новых пастановак і падзешаўленне іх, Савет Народных Камісараў БССР лічыць, што меры, прынятыя Упраўленнем па справах мастацтваў пры СНК БССР па перабудове і паляпшэнню работы тэатраў, недастатковы. Тэатры БССР не здолелі перабудаваць работу па арганізацыі гледача, у рэзультаце чаго знізілася наведванне тэатраў, не выканана даходная частка і тэатры апынуліся ў цяжкім фінансавым становішчы.

Савет Народных Камісараў БССР пастанаўляе:

1. У мэтах паляпшэння работы тэатраў і далейшага развіцця тэатральнага мастацтва Беларусі прапанаваць Упраўленню па справах мастацтваў пры СНК БССР павялічыць колькасць выпуску новых пастановак, забяспечыўшы высокую якасць спектакляў і ўключэнне ў рэпертуар тэатраў арыгінальных беларускіх твораў, актуальных савецкіх п’ес і лепшых узораў класічнай драматургіі, не дапускаючы пранікнення ў тэатры ідэалагічна шкодных і антымастацкіх твораў.

2. Даручыць Упраўленню па справах мастацтваў пры СНК БССР і праўленням Саюза савецкіх пісьменнікаў і Саюза савецкіх кампазітараў БССР правесці адпаведную работу з пісьменнікамі і кампазітарамі па стварэнню новага рэпертуару для тэатраў рэспублікі на актуальныя тэмы.

3. У мэтах узнікнення паказу ў рэспубліцы маламастацкіх тэатральных калектываў забараніць абласным выканаўчым камітэтам запрашаць для работы з другіх месц тэатральныя калектывы без узгаднення з Упраўленнем па справах мастацтваў пры СНК БССР.

4. У мэтах паляпшэння культурнага абслугоўвання тэатральнага гледача абавязаць Наркамгандаль БССР арганізаваць бесперабойнае забеспячэнне тэатральных буфетаў разнастайным асартыментам прадуктаў.

5. Улічваючы асобае значэнне Дзяржаўнага ордэна Леніна Вялікага тэатра оперы і балета БССР у галіне далейшага развіцця музыкальнай культуры, а таксама ў мэтах паляпшэння культурнага абслугоўвання тэатрам працоўных г. Мінска прапанаваць:

а) выканаўчаму камітэту Мінскага гарадскога Савета дэпутатаў працоўных устанавіць дабавачныя рэйсы трамваяў і аўтобусаў к пачатку і заканчэнню спектакляў Тэатра оперы і балета БССР.

Прадугледзець у плане на 1941 г. далейшае добраўпарадкаванне раёна, прылягаючага да тэатра;

б) абавязаць дырэктара Тэатра оперы і балета БССР забяспечыць тэатр да 1 студзеня 1941 г. палівам на ўвесь зімні сезон.

6. Абавязаць Упраўленне па справах мастацтваў пры СНК БССР і дырэктароў тэатраў намеціць канкрэтныя мерапрыемствы, забяспечываючыя выкананне вытворча-фінансавых планаў тэатраў, прыняць меры да скарачэння расходнай часткі бюджэту за лік мабілізацыі ўнутраных рэсурсаў, змяншэння расходаў на новыя пастаноўкі і іншыя мерапрыемствы.

7. У мэтах набліжэння гледача да гэатра прапанаваць Упраўленню па справах мастацтваў пры СНК БССР і Наркамфіну БССР перагледзець існуючыя цэны на білеты ў тэатрах БССР у бок іх зніжэння з 1 студзеня 1941 г.

Устанавіць, што зніжэнне цэн на білеты павінна быць утворана за лік мабілізацыі ўнутраных рэсурсаў, скарачэння штатаў і адміністрацыйна-гаспадарчых расходаў, але не павінна пацягнуць за сабой дадатковай датацыі тэатрам.

8. Павялічыць асігнаванні па рэспубліканскаму бюджэту Упраўлення па справах мастацтваў пры СНК БССР на 1371 тыс. руб., у тым ліку:

а) на пакрыццё дадатковай датацыі па тэатрах рэспубліканскага падпарадкавання 1251 тыс. руб.;

б) на пакрыццё расходаў па дадатковых цэнтралізаваных мерапрыемствах 120 тыс. руб.

9. Дазволіць Упраўленню па справах мастацтваў пры СНК БССР пакрыць суму дадатковай датацыі ў размеры 800 тыс. руб. за лік недаасвоеных расходаў па ўтрыманню музеяў выяўленчага мастацтва.

Астатнюю суму 471 тыс. руб. пакрыць за лік асігнаванняў рэспубліканскаму бюджэту на асвету па мерапрыемствах іншых ведамстваў.

Намеснік Старшыні Савета Народных Камісараў БССР

I. Захараў

Кіраўнік спраў Савета Народных Камісараў БССР

I. Банцыраў

Мастацтва Савецкай Беларусі: Зб. дакументаў і матэрыялаў у 2 т. - Мінск, 1976. - Т.1: 1917-1941. С. 170 – 172.

1 ОДСКФ – Общество друзей советского кино и фото. Общественная организация.