8. Оқу тәртібінің саясаты

Студенттер дәрісханалық сабақтарда қойылатын сұрақтарды талқылауға белсене араласуы мiндеттi болып саналады. Дәрiс сабақтарына алдын - ала әзiрленiп келуi, СОӨЖ және СӨЖ бойынша берiлген тапсырмалар оқытушының талап еткен мерзімінде орындалып тапсырылуы тиiс. Студенттердің өзіндік жұмысы бойынша өзіндік жұмысты тапсыруды кешіктірген әрбір күніне 2 балдан, сабақ кезінде қосылған ұялы телефондар үшін 3 балдан алынады. Аралық бақылау ауызша сұрау арқылы қабылданады.

Кафедраның әдістемелік секция отырысында қарастырылған

Хаттама № _14_ «_01_» 2013 жыл

2. Пән бойынша глоссарий және пәннің ұғымдық аппаратымен жұмыс бойынша жалпы әдістемелік нұсқаулар

1. Менеджер - бұл тұрақты қызметте отыратын және фирма қызметінің нақты бір түрлері бойынша шешім қабылдау саласында өкілеттіктерді жүктейтін жетекші немесе басқарушы тұлға.

2. Турагент - бұл лизензия негізінде туроператорлар арқылы тұтынушыларға саяхат жұмыстары бойынша толық қызмет көрсететін жеке кәсіпкер немесе заңды тұлға.

3. Статика (гр. statіke – салмақ, тепе-теңдік туралы ілім) - механиканың күш әсеріндегі материялық денелердің тепе-теңдік шарттарын зерттейтін саласы; механикалық жүйелердің тепе-теңдік күйін күш әсерімен зерттейтін механика бөлімі.

4. Модельдеу- белгілі бір мақсатқа жетуге көмектесуі мүмкін ойлар мен мінез-құлықтың реттілігін бөлу процесі.

5. Салыстыру әдісі – белгілер ұқсастығымен зерттелетін туризм түрлерінің арасындағы айырмашылықты айқындауға мүмкіндік береді.

6. Нақтылы бағалау – тәрбие жұмысының жетістіктерін анықтау, мұнда қызметкер атқарылған жұмыстың пайда әкелетіні туралы қорытынды жасауға мүмкіндік алып, тиісті сапа мен дағдылар өмірлік белсенді ұстанымды қалыптастыруға ықпалын тигізетініне көз жеткізеді.

7. Аутсорсинг (ағылшын outsourcing:outer-source-using) - берілген салада жоғары маманданған бөтен фирмаға өз фирманың белгілі бір бизнес-процесстерін, өндіріс қызметтерін беру. Бұл қысқа мерзімді, уақытша қызмет емес, ол көп уақыт бойы, үздіксіз қызмет көрсету, ұзақ мерзімді келісімге отыру б.т.

8. Аутстаффинг - персоналды штат сыртына аудару, штаттан шығару. Бұл салықты төмендету үшін қолданылады. Сонымен қатар, уақытша бос персоналды басқа кәсіпорынға да уақытша жіберу мүмкін, яғни бұл персоналды жалдау сияқты.

9. Фрилансер - тек белгілі бір қызмет орындауға, белгілі бір жобаны іске асыруға қажетті уақытша қызметкер.

10. Краудсорсинг - кәсіпорынның көпшілік, жұрт алдындағы оферта негізінде кейбір өндірістік процесстерді, қызметтерді анықталмаған, белгісіз адамдар тобына еңбек шартынсыз беру.

11. Синергия - қосылатын эффект (қосу, біріктіру эффектісі). Екі немесе одан да көп элементтер немесе факторлардың әрқайсысының жеке қасиетіне қарағанда қосылып істегенде жоғары қасиетке, әсерге ие болуы. Яғни, сол факторлардың жай қосындысына қарағанда бірігіп қызмет етуі асып кетуі.

12. Трансфер – туристік көлік терминалынан қонақ үйге, қонақ үйден терминалға жеткізу түрі.

13. Форс-мажор – міндеттемелерді орындауға жауапты тарап, болуының алдын-алуы мүмкін емес және міндеттеменің орындалмауына себеп жағдай.

14. Рекламация – төленілген және нақты ұсынылған қызметтердің сәйкессіздігіне байланысты турдың сатушысы офисіне түсетін, арнайы толтырылған форма. Сәйкессіздік фактісі дәлелденсе, бірден келтірілген шығын өтелуі тиіс.

15. Профит – сауда-өндірістік қызмет кезінде түсетін пайда, компания шығындарынан асатын табыс.

16. Дефит – профитке қарама-қарсы құбылыс, яғни жиынтық шығындардың жалпы табыстан асып кетуі.

17. Есептесу уақыты – тәуліктің аяқталу уақытына дейінгі қонақтың бөлмені босатуы не тұруын белгілі бір күні төлеуі.

18. Оферта – шарттары көрсетілген келісімге отыруға формальды ұсыныс.

19. Клерк – қатарлы жұмыстарды орындайтын мекеме, контора қызметкері.

20. Деспинг – бәсекелестерін саладан ығыстыру үшін тауарды жасанды арзандатылған бағамен сату.

21. All inclusive (Барлығы кіргізілген) – тамақ, сусын мен жеке қызмет түрлері қосымша төлеуді қажет етпейтін қонақ үйлердегі қызмет көрсету жүйесі.

22. Экономикалық тиімділік – қалыпты шығындар арқылы нәтижені арттыру немесе сол нәтижені шығындарды мейлінше азайта отырып алу.

23. Фрустрация – белгілі бір мақсатқа жету жолында немесе бір мәселені шешу жолында пайда болатын, жеңіп өтуі мүмкін емес қиыншылықтардан адамда орын алатын теріс психикалық жағдай.

24. Икемсіз баға – тауар мен қызметтерді пайдалану деңгейі мен көлеміне байланысты емес баға.

25. Икемді баға – тауар мен қызметтерді пайдалану деңгейі мен тұтыну көлеміне тәуелді баға.

26. «Ми шабуылы» - шығармашылық белсенділікті ынталандыру негізінде мәселені оперативті шешу әдісі. Талқылауға қатысушы адамдарға мәселені шешудің барлық мүмкіндіктерін айтуға рұқсат етіледі.