1. Мәтінді оқып, мазмұнын айтыңыз. Электр энергиясын жеткізу секторы
Қазақстан Республикасының электр жеткізу желілері кернеуі 0,4-1150 кВ электр энергиясын жеткізуге және таратуға арналған қосалқы стансылардың, таратушы құрылғылардың, өңіраралық және мемлекетаралық электр жеткізу желілерінің жиынтығынан тұрады.
Қазақстанда жүйелерді топтастырушы торап қызметін Ұлттық электр торабы (ҰЭТ) атқарады, республиканың өңірлері мен шектес мемлекеттердің (Ресей Федерациясы, Қырғыз Республикасы және Өзбекстан Республикасы) энергия жүйелерінің арасында электр байланысын, сондай-ақ көтерме тұтынушыларға электр стансыларымен электр энергиясын беру мен жеткізуді қамтамасыз етеді. Қосалқы стансылар, таратушы құрылғылар, өңіраралық және мемлекетаралық электр жеткізу желілері мен ҰЭТ құрамына кіретін кернеуі 220 кВ және одан жоғары электр стансыларынан электр қуатын беретін электр жеткізу желілері «Электр желілерін басқару жөніндегі Қазақстан компаниясы «KEGOC» АҚ теңгеріміне кіреді.
Электрмен жабдықтау секторы
Қазақстан Республикасының электр энергиясы нарығындағы электрмен жабдықтау секторы электр өндіруші ұйымдардан немесе орталықтандырылған сауда-саттықта электр энергиясын сатып алып, оны кейіннен жеке тұтынушыларға сатуды жүзеге асыратын электрмен жабдықтаушы ұйымдардан (ЭЖҰ) тұрады.
15-сабақ
1. Мәтінге қажетті сөздер мен сөз тіркестерін аударыңыз. Сөйлемдер құрастырыңыз.
Біртұтас, жүзеге асыру, қанағаттандыру, жеткізушілерді таңдау, кепілдік беру, құқықтарын қорғау, уәкілетті орган, құзырет, көтерме нарығы, бақылау.
2. Мәтінді оқыңыз, орыс тіліне аударыңыз. Мәтінді тірек сөздер арқылы мазмұндаңыз. Қазақстан Республикасының электр энергетикасы жүйесі
Қазақстан Республикасының Біртұтас электр энергетикасы жүйесі (ҚР БЭЖ) республика тұтынушыларын сенімді әрі сапалы электрмен жабдықтауды қамтамасыз ететін электр стансыларының, электр жеткізу желілері мен қосалқы стансылардың жиынтығын құрайды.
Электр энергетикасы саласындағы мемлекеттік реттеу келесі мақсаттарда жүзеге асырылады:
энергия қуатын тұтынушылардың сұранысын жоғары деңгейде қанағаттандыру және тұтынушылардың ішкі нарықта электр мен жылу энергиясын жеткізушілерді таңдау құқығына кепілдік беретін электр және жылу энергиясын жеткізетіндердің құқықтарын қорғау;
Қазақстан Республикасы электр энергетикасы кешенінің сенімді де тұрақты жұмысын қамтамасыз ету;
Электр энергетикасы саласында бақылау мен реттеуді жүзеге асыратын уәкілетті орган Қазақстан Республикасының Индустрия және жаңа технологиялар министрлігі болып табылады.
Министрлік құзыреті:
электр энергетикасы саласында мемлекеттік саясатты жүзеге асыру;
электр энергетикасын дамыту бағдарламаларын әзірлеу және олардың орындалуына бақылауды жүзеге асыру;
электр энергетикасы саласындағы техникалық регламенттерді әзірлеу;
электр энергетикасы саласындағы халықаралық ынтымақтастық;
Қазақстан Республикасының нормативтік құқықтық актілерін әзірлеу және бекіту;
энергия өндіруші ұйымдармен келісімдер мен инвестициялық шарттар жасасу;
энергия өндіруші ұйымдардың тобын құру;
электр энергиясын өндіру-тұтынудың тәуліктік кестесін құру тәртібін белгілеу;
жүйелік оператор мен электр энергиясының орталықтандырылған сауда-саттық операторын анықтау;
Қазақстан Республикасының аумағы бойынша Қазақстан Республикасының біртұтас электр энергетикасы жүйесімен электрлік байланысы жоқ өңірлер үшін электр энергиясы көтерме нарығын ұйымдастыру және жұмыс ерекшеліктерін анықтау;
№15 СӨЖ тапсырмасы: