Негізгі функциялық көрсеткіштерінің қалыпты мөлшерлері:

1. Пульстің жиілігі минутына 60-80 рет.

2. АҚ: систолалық 105-125 мм сынап бағанасына, диастолалық 60-85 мм сынап бағанасына тең.

3. Қалыпты ЭКГ элементтерінің көрсеткіштері:

Тістер	Амплитудасы		Ұзақтығы, сек.
	мм	мв
Р	1,6-1/8 R 0,5-2,5	0,05-0,25	0,06-0,10
Q	1/4 R 0-3	0-0,3	0-0,03
R	5-25	0,5-2,5	0,04-0,10 /0,03/
S	0-6	0-0,6	0-0,03
Т	1/2-1/3 R 3-12	0,3-1,2	0,10-0,25
	Интервалдары		Сек
	P-Q		0,12-0,20
	QRS		0,06-0,10
	QT		0,35-0,44

S-T сегменті орта сызығында (изолинияда), жоғары ығысуы 1 мм-ден аспау керек, ал төмен қарай 0,5 мм-ге дейін (В.В.Мурашко, А.В.Струтинский. Электрокардиография, 2001г.)

4. Қалыпты фонокардиограмма (ФКГ) элементтерінің көрсеткіштері:

I тон ұзақтығы 0,08-0,14 сек.

II тон ұзақтығы 0,05-0,07 сек.

Тұрақсыз тондары:

III тон – «қарыншаның қанға толу тоны»;

IV тон – жүрекшенің тоны;

V тон – негізі (генезі) белгісіз.

5. Шынтақ венасының веноздық қысымы – 60-120 мм су бағанасымен (Вальдман бойынша).

Балалардағы экг-ның ерекшеліктері:

1. Балалардың ЖЖ ырғағы жиірек, жүректің импульс өткізу қабілеті жылдам. Жаңа туған нәрестенің ырғағы жиі (минутына 140-160 рет), лабильді.

2. Оң жақ қарыншасының биопотенциалы басымырақ және жүрегі кеуде қуысында көлденеңдеу орналасқан.

3. Р : R қатынасы 1:3 – 1:4 қатынасындай болғанда жүрекшенің Р тісінің алғашқы қуаттылығы (вольтаж) 2-ші тіркеуде жоғарылау болады.

4. Q тіс – III тіркеуде – тереңірек болады.

5. Күшейтілген бір полюсті тіркеуде QRS комплексінің амплитудасы төмен. Көбінесе III, кей кезде II тіркеуде жаңа туған нәрестелердің R немесе S тістерінде кетіктер пайда болады.

6. Алғаш (1-3 жаста) балалық шақтағы балалардағы ЭКГ-ның оң жақ кеуде тіркеуіндегі (V_1-2) терең теріс Т тісі шынайы ерекшелігіне жатқызады. Оған қоса S-T интервалы төмен жылжиды және доға тәрізденіп өзгереді. Балаларда бұл жүрек етінің зат алмасуының ерекшеліктерін көрсететін жасқа байланысты қалыпты жағдайға жатады.

7. Алғаш балалық шақта S-T сегменті жиі изоэлектрлік сызықтан – 1-ден 2 мм-ге дейін жылжиды.

8. Мектеп жасындағы балаларда Т тісі стандартты тіркеуде жақсы көрінеді, R тісінен 1/3-1/4 болады. V_1-2 тіркеуде теріс Т тісі сирек байқалады. Жасөспірімдерде Т тісі әдетте барлық кеуде тіркеулерінде оң болады.

Балалардың өсуіне және дамуына байланысты ЭКГ-ның

жас ерекшеліктері.

(1 жасқа дейін, алғаш балалық, мектепке дейін, мектеп және жасөспірімдік кезеңдер) мынандай болады:

1. 2-5 айдан бастап жүректің электр осі оңға ауытқудың орнына дұрыс қалыпты (аралық), тік, кейде көлденең орналасады.

2. Ырғақ жиілігі азаяды, тыныс аритмиясы пайда бола бастайды. Тыныс аритмиясы 1 жасқа дейінгі және алғаш балалық мерзімде кей кезде байқалып, мектеп алдындағы кезеңде жиіленеді.

3. І мен ІІ тіркеуде Р мен R тістерінің қатынастары біртіндеп ұлғаяды: жаңа туған және 1 жастағы (емшектегі) балаларда 1:3 қатынасынан мектеп алдындағы, мектеп жасындағы және жас өспірімдерде 1:8 және 1:10 қатынасына дейін өзгереді.