1 билет.

1. Үзең һәм гаиләң турында сөйлә.

2. Әбиеңне Өлкәннәр көне белән котла.

3. Текстны сәнгатьле итеп укы, эчтәлеге буенча сораулар төзеп әйт.

1. Минем исемем …. Миңа …яшь. Бөгелмәнең … урамында яшим. Мин Бөгелмә шәһәренең 6нчы урта мәктәбендә укыйм. Мин китаплар укырга, җыр тыңларга, спорт белән шөгылләнергә яратам.

Гаиләмдә … кеше: әти, әни, мин, …(бабай, әби, энем, сеңлем, апа, абый)

Әтием - ... Аңа … яшь. Ул машина йөртүче. Әнием - … Аңа … яшь. Ул сатучы.

Энем (сеңлем) балалар бакчасына йөри. Апам (абыем) – студент. Ул Казан Дәүләт Университетында укый. Әбием (бабам) - пенсионер.

Минем гаиләм бик тату. Ял көннәрен гел бергә үткәрәбез. Төрле кичәләргә, спектакльләргә, киноларга йөрибез. Гаиләмне бик яратам.

2. Хөрмәтле әбием!

Сине өлкәннәр көне белән котлыйм.

Гомерне бит еллар билгеләми,

Яшәү дәрте булсын йөрәктә

Саулык, муллык, тигез картлык сиңа

Без калабыз шушы теләктә.

3. Күрше әби

Безнең күршедә бер әби яши. Ул ялгыз, һәм аңа 93 яшь. Аның ире сугышта үлгән. Аларның өч улары булган. Ләкин олы улы сугышта хәбәрсез югалган. Уртанчысы фронттан әйләнеп кайтмаган.

Әби кечкенә улын кадерләп үстергән, белем бирергә тырышкан, тәртипле, инсафлы, игелекле итеп тәрбияләгән.

Бервакыт улы укудан кайтып килә икән… Егетне бик нык кыйнаганнар. Хастаханәгә илткәндә, инде соң булган. Әби ялгыз калган.

Әби күп авырлыклар кичергән, ләкин ул кешелеклеген югалтмаган. Ул һәркемгә ачык йөзле, тәмле телле.Әбине һәркем ихтирам итә, һәм күршеләре дә аңа ярдәм итәргә тырышалар.

2 Билет

1. Якын дусларың турында сөйлә.

2. Сыйныфыгызга килгән яңа укучыга гаиләсе турында сораулар бир.

3. Текстны сәнгатьле итеп укы, тәрҗемә ит.

1. Минем дусларым күп, ләкин иң якын дустым берәү генә. Аның исеме - … Аңа … яшь. Без … белән күршеләр. Без аның белән балалар бакчасына бергә йөрдек, аннан без бергә мәктәпкә укырга килдек. Хәзер дә бергә укыйбыз.

… - тәрбияле кыз (малай). Ул чиста киенә, беркайчан да дәрескә соңга калмый, яхшы укый, кешеләргә ярдәмчел, өйдә әти - әнисенә булыша. Яз җитсә, ул бакчада эшләргә ярата. Ул һәрвакыт шат күңелле, шуңа күрә аның белән бик рәхәт!

2. -Синең гаиләңдә ничә кеше?

- Алар кемнәр? (әти, әни, әби, бабай, сеңлем, энем, апам, абыем)

- Әтиеңнең(әниеңнең) исеме ничек?

- Ул кем булып эшли?

- Аңа ничә яшь?

- Апаңның (абыеңның) исеме ничек?

- Ул кайда укый?

- Энең (сеңлең) балалар бакчасына йөриме?

- Әбиең (бабаң) бармы?

- Алар кайда яшиләр?

3. Исәнме, мәктәп!

Менә көз дә килеп җитте. Мәктәләрдә укулар башлана. Без мәктәпкә җыелдык. Мәктәп безне матур, чиста булып каршы алды.

Беренче сентябрь көнне без үзебезнең сыйныф бүлмәсендә очраштык. Укытучылар белән таныштык. Татар телен Галия апа Сафина укытачак. Математиканы Венера Максимовна укытачак. География укытучысы яңа икән. Бу предметны, университет тәмамлаган яшь укытучы алып барачак.. Сызымны без яраткан Василий Петрович өйрәтәчәк. Инглиз телен Англиядән килгән Джон Рик өйрәтәчәк, диделәр. Менә кызык! Без аның белән ничек сөйләшербез икән?!

Без иртән укыячакбыз. Дәресләр 8 сәгать 30 минутт (сәгать сигездә) башланачак.

3 Билет

1. Яраткан шөгылең турында сөйлә.

2.Дустыңа мәктәп китапханәсе турында сораулар бир.

3.Текстны сәнгатьле итеп укы, исем фигыль булган җөмләләрне тап һәм тәрҗемә ит.

1. Минем яраткан шөгылем бик күп. Алар китап уку, музыка тыңлау, кинофильмнар карау, рәсем ясау, спорт белән шөгыльләнү.

Иң яраткан шөгылем – спорт. Дәрестән соң волейбол секциясенә йөрим. Спорт белән шөгыльләнү сәламәт булу өчен кирәк. Ә җәен мин йөзү белән шөгыльләнәм, кышын чаңгыда йөрим, шуңа күрә мин сәламәт.

2.- Мәктәбегездә китапханә бармы?

- Ул ничәнче катта урнашкан?

- Анда еш йөрисеңме?

- Китапханәченең исеме ничек?

- Китапханәгездә китаплар күпме?

- Китаплар укырга яратасыңмы?

- Син нинди китаплар укырга яратасың?

3. Бүләкләр бирү – бик матур гадәт

Без туганнарыбызга, якын дусларыбызга бүләкләр бирәбез. Бу – бик матур гадәт. Яңа ел, 8нче Март бәйрәмнәренә һәрвакыт бүләк әзерлибез. Чит илгә барсак, истәлекле әйберләр алып кайтабыз. Кунака барсак та, буш кул белән йөрмибез. Татар халкында бер мәкаль бар: « Дөя дә бүләк, төймә дә бүләк». Димәк, бүләкнең зурлыгы аның бәясендә түгел. Бүләк ул – игътибар, дуслык, ихтирам итү, ярату билгесе.

Әгәр сез теге яки бу кешене аз белсәгез, бүләк бирергә ашыкмагыз. Ул моңа гаҗәпләнергә мөмкин. Туган көн яки мәктәпне тәмамлау уңаеннан бүләк тапшыру бик урынлы. Бүләк урынына акча тәкъдим итү әйбәт түгел. Бүләк серле, көтелмәгән әйбер булырга тиеш. Анны вакытында тапшыру күңелле. Бүләкне ничек сайларга соң? Иң яхшы бүләк - чәчәк. Чәчәкне һәркемгә бирергә була. Китап бүләк итү дә яхшы гадәт.