МІНІСТЭРСТВА АДУКАЦЫІ РЭСПУБЛІКІ БЕЛАРУСЬ

УСТАНОВА АДУКАЦЫІ

ВІЦЕБСКІ ДЗЯРЖАЎНЫ УНІВЕРСІТЭТ ІМЯ П.М.МАШЭРАВА

Кафедра гісторыі Беларусі

Гісторыя Беларусі

вучэбна-метадычны комплекс

для студэнтаў усіх спецыяльнасцей першай ступені вышэйшай адукацыі

Віцебск

УА “ВДУ імя П.М.Машэрава”, 2012

Віцебск

УА “ВДУ імя П.М.Машэрава”, 2012

УДК 947.6 (073.8)

ББК: 63.3 (4Беі)

Складальнікі: доктар гістарычных навук, прафесар кафедры І.У.Мандрык, кандыдат гистарычных навук,дацэнт В.У. Акуневич

Рэцэнзенты: канд.гіст.навук, дац., дэкан гістарычнага факультэта УА “ВГУ

ім.П.М.Машэрава” Шорац В.М.;

канд.гіст.навук, дац. А.Д.Тогулева

Гісторыя Беларусі: вучэбна-метадычны комплекс для студэнтаў усіх спецыяльнасцей першай ступені вышэйшай адукацыі / склад. І.У.Мандрык [і інш.] пад.рэд.І.У.Мандрыка. – Віцебск: УА “ВГУ ім.П.М.Машэрава”, 2012. – 68 с.

Змест вучэбна-метадычнага комплекса

І.ТЛУМАЧАЛЬНАЯ ЗАПІСКА………………………………………………………….4-6

ІІ. ТЭМАТЫЧНЫ ПЛАН…………………………………………………………… ….....7-9

ІІІ. ЗМЕСТ ВУЧЭБНАЙ ДЫСЦЫПЛІНЫ……………………………………………...9-15

IV. ПЛАНЫ СЕМІНАРСКІХ ЗАНЯТКАЎ

V. АРГАНІЗАЦЫЯ САМАСТОЙНАЙ РАБОТЫ СТУДЭНТАЎ.................................15-19

VI.ТЭМЫ ДЛЯ САМАСТОЙНАГА ВЫВУЧЭННЯ......................................................19-25

VI. МЕТАДЫЧНЫЯ РЭКАМЕНДАЦЫІ ДЛЯ ПАДРЫХТОЎКІ ДА ЗАЛІКУ

(ЭКЗАМЕНУ) ………..…………………………………………………………………25-26

VII. ПРЫКЛАДНЫ ПЕРАЛІК ПЫТАННЯЎ ДА ЗАЛІКУ (ЭКЗАМЕНУ)…………26-27

VIII. ДАКУМЕНТЫ, МАТЭРЫЯЛЫ І ЛІТАРАТУРА ДЛЯ ВЫВУЧЭННЯ

ДЫСЦЫПЛІНЫ.................................................................................................................28-30

IX.ТЭСТЫ ....................................................................................................................... 31-51 (А).Тэсты першага модуля................................................................................................31-38 (Б). Тэсты другога модуля.................................................................................................39-51

І. Тлумачальная запіска

Вучэбна-метадычны комплекс (ВМК) па курсу «Гісторыя Беларусі ў кантэксце сусветных цывілізацый” спраектаваны ў адпаведнасці з эксперыментальнай вучэбнай праграмай для вышэйшых навучальных устаноў (зацверджана Міністэрствам адукацыі Рэспублікі Беларусь 15.04.2012 г.на аснове зацверджанай МА РБ тыпавой вучэбнай праграмы, рэгістрацыйны № ТД-СГ.009/тып.).

ВМК прызначаны для рэалізацыі праграмы новага пакалення “Гісторыя Беларусі” на першай ступені вышэйшай адукацыі ў рамках цыкла сацыяльна-гуманітарных дысцыплін. Адметнымі асаблівасцямі ВМК з'яўляюцца: абноўлены змест, акцэнтуацыя на кампетэнтнасны падыход у навучанні, значнае павелічэнне ролі самастойнай працы студэнтаў ў рамках сумеснага супрацоўніцтва выкладчыка і студэнта.

Пры кампаноўцы ВМК вытрамана патрабаванне адукацыйнага стандарту па цыклу сацыяльна-гуманітарных дысцыплін. У ім засяроджаны асноўныя метады (тэхналогіі) навучання, прыведзены ўказанні да арганізацыі самастойнай работы студэнтаў. Вызначаны патрабаванні да ведаў і ўменняў студэнтаў пры фарміраванні ў іх сацыяльна-асобасных кампетэнцый

Навукова-тэарэтычны змест па дысцыпліне ў ВМК прадстаўлены ў кантэксце цывілізацыйнага і рэгіянальнага развіцця на аснове храналагічна-тэматычнага прынцыпу. Сфармулявана праблематыка лекцыйных і семінарскіх заняткаў,самастойнай працы студэнтаў, вызначаны вядучыя (апорныя) паняцці.

Вучэбна-метадычны комплекс па дысцыпліне адлюстроўвае спецыялізацыю ВНУ, уласныя навукова-метадычныя прыхільнасці і прафесійны вопыт прафесарска-выкладчыцкага складу кафедры. Кожная тэма прадстаўлена лекцыйным матэрыялам падручніка прафесара І.У.Мандрыка “Гісторыя Беларусі (у кантэксце сусветнай гісторыі)”. – Віцебск: ВФ УА ФПБ МІПСА, 2009.

Вывучэнне дысцыпліны «Гісторыя Беларусі» разлічана на72 навучальныя гадзіны, з іх 34 – аўдыторныя, астатнія гадзіны прызначаны на самастойную работу. На завочным адзяленні на аўдыторныя заняткі адводзіцца 12 гадзін, з іх 6 – на лекцыйны курс, 6- гадзін – на семінарскія заняткі. Астатні вучэбны матэрыял студэнты гэтага адзялення вывучаюць самастойна, згодна з выкладзеным планам.

Вынікі вывучэння прадугледжваюць правядзенне тэсціравання студэнтаў. Вывучэнне і вымярэнне ступені ведаў і ўменняў студэнтаў па прадмету, праводзіцца паэтапна з прымяненнем модульна-рэйтынгавай сістэмы. Завяршаецца вывучэнне прадмета “Гісторыя Беларусі” як на дзённым так і на завочным адзяленні залікам ці экзаменам. Для гэтага распрацаваны прыкладны пералік пытанняў.