77. Қр Президенті н.Ә.Назарбаевтың Қазақстан халқына жолдауы.

« Әлеуметтік-экономикалық жаңғырту – Қазақстан дамуының басты бағыты»(27 қаңтар 2012ж.)

Қазақстан Республикасының Президенті - Ұлт Көшбасшысы Н.Ә.Назарбаевтың Қазақстан халқына Қазақстан тәуелсіздіктің үшін­ші онжылдығына батыл қадам басты. Жаңа құрамдағы Парламент пен жаңарған Үкімет өз жұ­мысына кірісті. Өткен 2011 жылы ел эко­номикасы 7,5 пайызға өсті. Ішкі жалпы өнім жан басына шақ­қанда 11 мың доллардан асты. Бұрын сатылып кеткен ак­тивтердің бірқатар маңызды бө­лігі мемлекет меншігіне қайтарылды. Енді «Богатырь», Қарашы­ғанақ, Қашаған кен орындары мен ЕNRC, «Қазақмыс» ком­па­ния­ларының басым активтері мемлекет иелігінде болады. Кезінде мен мынадай жағ­дайларға байланысты сатып жа­тыр­мыз, қазір жекешелендіру керек, уақыты келгенде қайтарамыз деп айтып едім. Міне, енді бәрі қайтарылуда. Барлық акциялар пакеті Қазақ­станда. Енді өзі­міз барлығына ықпал жасайтын бо­ламыз. Қазақстан халқы біртұтас, бір­лігі мызғымас кемел елге айналды. Дегенмен, біз күрмеуі қиын, қай­шы­лығы мол алмағайып заманда өмір сүрудеміз. Болжанған жаһандық дағда­рыс қау­пі шындыққа айналып келе жатқа­нын көріп отырсыздар. Сарапшылардың пікірінше, жаңа әлемдік дағдарыс бес-алты жылға созылуы мүмкін. Біздің міндетіміз - эконо­миканы осы сынаққа дайындау, оны әртарап­тан­дыруды жалғас­тыру болып та­былады. Біз 2015 жылға қарай табысы жоға­ры елдердің қатарына қо­сылуды көздеп отырған елміз. Бірлігімізді сақтап, осылай еңбек ететін болсақ, ол мақсатқа да жететін боламыз. Қазақстан жолының жаңа ке­зеңі - экономиканы нығайтудың, халықтың әл-ауқатын арттырудың жаңа міндеттері. Қазақстан үшін экономикалық табыстар мен қоғамдық игіліктерді қамтамасыз етудің оңтайлы тең­ге­рімін табу - өмірлік маңызды нәрсе. Бүгінгі әлемде бұл - әлеу­мет­тік-эко­номикалық жаңғырту­дың түбе­гейлі мәселесі. Бұл таяу онжылдықтардағы Қа­­зақ­стан дамуының басты ба­ғыты. Мен ел халқына өзімнің жаңа Жол­дауымды осы көкейкесті та­қырыпқа арнаймын. Біз он бағыт бойынша міндеттер кешенін жүзеге асыруға тиістіміз.

37. Елбасы н.Ә.Назарбаевтың «Тарих толқынында» атты еңбегі

Елбасы Н.Ә. Назарбаев Отан тарихынан еңбек жазды деген хабар болғанда не жасыратыны бар, ел елең етті. "Құдай сыбырлағанды да естиді" дегендей, халық арасынан: "Апырмай, Елбасының тарихта не шаруасы бар, басқа істейтін жұмыс құрып қалып па?" деген сөздерді де еміс-еміс құлақтарымыз шалды да. "Тарих толқынында" атты кітапты оқи бастағаннан-ақ автордың не себептен ата тарихына ден қойғаны анықтала бастайды. Шын мәнінде, Н.Ә. Назарбаевты әуесқойлық сезім билемеген. Еліміз тәуелсіздік алып, әлемдік қауымға ене бастаған кезінде, ХХ ғасыр мен ХХI ғасыр тоғысқан заманада, «азаттық жолындағы Қазақстанның әлі талай-талай кезеңдерден өтуіне тура» ("Тарих толқынында". Алматы, Атамұра, 1999. 55-б.) келетін заманада автор айтқандай, "біз кімбіз және бізді тарихтың бірде кезең, бірде жазаң жолы қайда алып барады" деген "қарапайым да мәңгілік сұрақтар" туындайтыны рас. "Үшінші мыңжылдыққа санаулы күндер қалғанда" - дейді автор кітаптың кіріспесінде, - біздің болмысымыздың ең көкейкесті сұрақтары - ұлттық үндестігіміздің мән-маңызы неде, қазіргі Қазақстан үшін мәдениетке қатысты үлгінің қандайы қонымды, біздің ұлттық санамыздың арқауы неде, қазіргідей жедел құбылатын заманда "МЕН" дегізерлік ұлттық қасиеттерді қалай сақтап қалуға болады – міне, мұның бәрі де нақтылы өмірмен беттескен саясаттың сұрақтары. Ал оның жауабы бүгінгі өмірмен ғана астасып жатқан жоқ, тұнығы мен тұманы қабаттасқан тарихтың тұңғиығымен де тамырласып жатыр..." Нұрсұлтан Әбішұлы "осыдан 10-15 жыл бұрынғы тарихшылардың түйсігі мен ақындардың арынымен айтылған ахуалдар бұл күнде жүйелі зерттеулердің объектісі болып отыр" (70-б.) деп атай отырып, тарихи проблемаларды психологиялық тебіреніс жанрында қарастырады. Қазақстан Республикасының Президенті Н. Ә. Назарбаевтың «Тарих толқынында» кітабынан үзінділер (Алматы: Атамұра, 1999. - 296 б.) "Жетінші кезең - XI ғасыр - Түркістанның рухани сәуле шашқан уақыты болып табылады. Түріктердің алғашқы сопысы - Қожа Ахмет Иассауи - 1093 ж. дүниеге келді. Ол исламның сопылық негізін халықтық санаға сіңіріп, бұл дін Қазақстанның Солтүстігі мен Шығысына тарады. Қожа Ахмет Иассауи Орта Азия мен Қазақстандағы бүкіл түркі халқы үшін ұлттық рухани жүйені қалыптастырды. Иассауи атымен түркі халықтарының исламтанушы ғана емес, шамандық және мұсылмандық мәдениеттердің өзара тұтасу процесі басталды. Ортағасырлық Қазақстандағы исламдық мәдениеттің өз ерекшелігі болды. Иассауидің сопылығымен сол уақыттағы түркітілдік қоғамдағы барлық сана суарылды. Иассауидің ілімі түріктердің өмірлік, саяси философиясын сақтай отырып, тәңірге табынушылық белгілерін де қорғап қалды. Иассауи ілімі нәтижесінде бұдан кейінгі сегіз ғасыр бойына ислам - қазақтардың рухани өмірінің өзегі болды. Ол - қазақ хандығы мен елдігін құрудың басында тұрды. Қожа Ахмет Иассауидің хикметтері («Даналық сөздері») қазақтардың рухани тарихының бір бөлігіне айналуы тиіс. ...Қожа Ахмет Иассауидің кесенесі қазақ мемлекеттігінің ентаңбаларының бірі болып табылады...."