Справавы ліст. Ліст-запрашэнне

Глыбокапаважаны Сідараў Ігар Міхайлавіч!

Аргкамітэт міжнароднай матэматычнай канферэнцыі “Хуткія крокі 2007” паведамляе, што Ваш даклад уключаны ў праграму работы канферэнцыі, якая адбудзецца 26-28 сакавіка 2007 года ў галоўным корпусе Беларускага дзяржаўнага ўніверсітэта інфарматыкі і радыеэлектронікі (220013, Мінск, вул. П. Броўкі - 6).

Калі Вы паведаміце пра час прыбыцця, мы будзем рады сустрэць Вас на чыгуначным вакзале горада Мінска.

Парадак канферэнцыі:

26 сакавіка (панядзелак) – прыезд і размеркаванне ўдзельнікаў канферэнцыі. Рэгістрацыя ў аўд. 307 галоўнага корпуса ўніверсітэта.

27 сакавіка (аўторак) – 10.00 – 13.00. Адкрыцце канферэнцыі, пленарнае пасяджэнне.

14.00. – 17.00. Пасяджэнне секцый.

28 сакавіка (серада) – 10.00. – 12.00. Пасяджэнне секцый.

12.00 – 13.00. Агульная дыскусія, закрыцце канферэнцыі.

ПРАЦУЮЦЬ СЕКЦЫІ

1. Аналітычная тэорыя дыферэнцыяльных ураўненняў.

2. Асімптатычная тэорыя дыферэнцыяльных ураўненняў.

3. Якасная тэорыя дыферэнцыяльных ураўненняў.

4. Тэорыя ўстойлівасці і кіравання рухам.

5. Тэорыя дыферэнцыяльных ураўненняў у частковых вытворных.

6. Методыка выкладання матэматычнага аналізу і дыферэнцыяльных ураўненняў.

Працягласць дакладаў: пленарных – 40 хвілін, секцыйных – 15 хвілін.

ТЭЛЕФОНЫ ДЛЯ ДАВЕДАК:

222-22-22, 211-11-11.