Бақылау: ситуациялық есептерді шешу

Сабақтың тақырыбы бойынша бақылау: Биоэлектрлік құбылыстар. Биопотенциалдардың табиғаты туралы қазіргі кездегі көзқарас.

№ 4- ситуациялық есеп.

Тұссыз ортаға салынған жүйке, тітіркендіргіштің кез-келген күшімен қозбайды. Неліктен екендігін түсіндіріңіз.

Есепті шешу алгоритмі:

Қозғыштық деген не? Мембраналық потенциал, мембрана арқылы иондардың сылбыр және белсенді өтілуіне оның тәуелділігі. Құбылыстың қызметтік тәуелділігі: мембраналық потенциал- қоздырғыш- қозу және олардың жасушадан тыс ортаның тұздық құрамымен байланысы.

№ 5- ситуациялық есеп.

Бұлшық еттің минимальді тітіркендіру табалдырығы 0,1 мА құрайды. Бұлшық етті 0,2 мА күшпен тітіркендіргенде, неліктен және қандай жағдайларда бұлшық ет жиырылмайды?

Есепті шешу алгоритмі:

Тітіркендіргіш күшінің негізгі көрсеткіштері, әсер ету уақыты, токтың (тұрақты ток үшін) таралу жылдамдығы. Осы көрсеткіштерді ретімен қарастырғанда, есепті шешуге жауап табуға болады.

№ 9- ситуациялық есеп.

Жасуша ішінде калий ионының концентрациясын жоғарылатса, мембраналық потенциал шамасы қалай және неліктен өзгереді?

Есепті шешу алгоритмі:

Мембраналық потенциалдың түзілу тегершігі және калий ионының ролі қарастырылады. Потенциал түсінігі және потенциалдар айырмасы қарастырылады.

№ 29- ситуациялық есеп.

Жасушаны қоршаған ұлпалық сұйықтықта, натрий ионының концентрациясы артты. Осы жасушалардың табалдырық потенциал шамасына бұл қалай әсер етеді және неліктен?

Есепті шешу алгоритмі:

Жасуша мембранасының электрохимиялық айырымының түзілу тегершігі, көбіне, баяу деполяризация кезеңіндегі МП және ӘП түзілуіндегі натрийдің ролі, қалыптағы табалдырық потенциалы және деполяризацияның сынама деңгейі, және жасушадан тыс сұйықтықта натрий ионының гиперконцентрациясы қарастырылады.

(студенттер үшін)

«АСТАНА МЕДИЦИНА УНИВЕРСИТЕТІ» АҚ

Физиология кафедрасы

№4 ТӘЖІРИБЕЛІК САБАҚҚА АРНАЛҒАН ӘДІСТЕМЕЛІК ӨҢДЕУЛЕР

Тақырыбы: Еттердің физиологиялық қасиеттері. Бұлшық ет жиырылуының түрлері.

Сағат саны: 4

Курс: 2

Мамандығы: 051301 «Жалпы медицина»

Құрастырушы:

Доцент Ибраева С.С.

Астана 2010ж

1.Тақырыбы: Еттердің физиологиялық қасиеттері. Бұлшық ет жиырылуының түрлері.

2.Мақсаты: Барлық тірі жасушалар мен ұлпалар түрлі әсерлерге жауап беруге және сыртқы орта әсері мен өз қызметтік белсенділігін өзгертуге қабілетті. Ондай ұлпаның бірі бұлшықеттік болып табылады. Әсер етуші фактор және бұлшықет арасындағы өзара әрекеттіліктің жалпы заңдылығы туралы білім, біртұтас ағза мен жүйке құрылымдарының қозғалыс белсенділігінің негізіні түсінуге, материал алуға мүмкіндік береді.

3.Оқу мақсаты: Студентті бұлшықеттің қозу табалдырығын анықтауға, динамометрия жүргізуге үйрету, бұлшықеттік жиырылудың негізгі тегершіктерін ұйымдастыру.