![](/user_photo/2706_HbeT2.jpg)
- •Установа адукацыі «Беларускі дзяржаўны педагагічны Ўніверсітэт імя Максіма Танка»
- •Праграма журналісцкай практыкі для спецыяльнасЦі
- •Тлумачальная запіска
- •Змест практыкі
- •Інфармацыйна-метадычная частка Патрабаванні да зместу і афармлення індывідуальнага задання і справаздачы па практыцы
- •Абавязкі метадыста і супрацоўнікаў базавых устаноў
- •Абавязкі студэнта-практыканта
- •Падвядзенне вынікаў практыкі
- •Крытэрыі ацэнкі за практыку
- •Літаратура:
- •Узор афармлення дзённіка
Змест практыкі
На працягу чатырох тыдняў студэнт штодзённа наведвае рэдакцыю газеты / часопіса, прысутнічае на ўсіх рабочых мерапрыемствах (лятучках, сходах), назірае за дзейнасцю супрацоўнікаў СМІ. За час практыкі студэнт павінен:
— Вывучыць арганізацыю і планаванне работы рэдакцыі:
Структура рэдакцыі як працоўнага калектыву. Сістэма кіравання рэдакцыйным калектывам. Статут рэдакцыі. Рэдакцыйная калегія, яе склад і функцыі. Сакратарыят рэдакцыі як арганізацыйна-творчы цэнтр аператыўнага кіравання калектывам. Аддзел рэдакцыі — асноўная творчая адзінка рэдакцыі.Тэхнічныя і камерцыйныя службы рэдакцыі.
— Прыняць удзел у распрацоўцы планаў развiцця ўсяго выдання і асобных нумароў:
Доўгатэрміновы план развіцця перыядычнага выдання. Перспектыўны план як аснова работы рэдакцыі. План на месяц і план на тыдзень — віды аператыўнага планавання. Сеткавы графік публікацый. План нумара. План арганізацыйна-масавай работы. План унутрырэдакцыйнай работы. Змястоўна-тэматычная мадэль выдання. Графічная мадэль перыядычнага выдання.
— Засвоіць методыкі збору інфармацыі для публікацыі:
Класіфікацыя пытанняў. Падрыхтоўка да інтэрв’ю. Метады збору інфармацыі: інтерв’ю, назіранне (віды назірання), эксперымент, змена прафесіі, «маска».
— Пазнаёміцца з асновамі творчага працэсу, прыёмамі літаратурнага рэдагавання газетнага тэксту:
Нараджэнне тэмы. Задума твора: узнікненне, накапленне матэрыялу, структура, праблема, гіпотэза. Планаванне і канкрэтызацыя рабочай думкі.
— Прыняць удзел у падрыхтоўцы (макетаванні) і выпуску газеты:
Работа карэктара. Работа стыль-рэдактара.
— Удасканаліць веды і ўменні па камп’ютарнай вёрстцы:
Асновы камп’ютарнай вёрсткі. Шрыфты.
— Зрабіць карэктурную праўку аднаго нумара газеты:
Карэктурныя знакі.
— Падрыхтаваць і напісаць уласныя матэрыялы:
Сустрэчы з героямі будучага матэрыялу. Работа над уласнымі матэрыяламі ў чарговы нумар выдання.
— Удасканаліць і замацаваць веды і ўменні па рабоце з фотаздымкамі:
Работа з фотаапаратам. Работа з камп’ютарам у праграме «Фоташоп».
— Правесці творчую работу з лістамі чытачоў:
Рэгістрацыя пісем. Адказы на лісты. Выезд на месца па лісту. Падрыхтоўка ліста да публікацыі.
— Правесці работу з матэрыяламі вопытных журналістаў-практыкаў:
Аналіз газетных матэрыялаў на палітычныя, эканамічныя, сацыяльныя, культурныя, спартыўныя і іншыя тэмы. Вывучэнне стану маралі ў грамадстве, ацэнка матываў і паводзін людзей. Даследаванне публікацый з сацыялагічным аналізам. Работа з эмпірычнай інфармацыяй. Паняційнае і вобразнае на старонках газет і часопісаў. Творчыя інавацыі ў працы штатных супрацоўнікаў рэдакцый.
— Здзейсніць апрабацыю жанру як формы выступлення журналіста:
Нататка. Інтэрв’ю. Замалёўка. Рэпартаж (фотарэпартаж). Артыкул. Карэспандэнцыя.
— Выкарыстаць вобразныя кампаненты журналісцкага твора:
Вобраз аўтара ў журналісцкім творы. Функцыі аўтарскага «я».
— Правесці работу з фактам у журналісцкім творы:
Прырода і прызначэнне факта ў журналісцкім творы. Месца факта ў інфармацыйных жанрах. Разгортванне факта ў аналітычных матэрыялах.
— Удасканаліць і замацаваць веды пра кампазіцыйную пабудову журналісцкага твора:
Структурная арганізацыя інфармацыйных жанраў. Структурная арганізацыя аналітычных жанраў.