Кылъя быгатонлыкез эскерон

11 Класс

1. Текстэз лыдзыса валан.

Тест

Шонер верамъёссэ Ш пусэн тодмосты, янгышамъёссэ – Я пусэн.

1. Макарлэн вордскем интыез – Якутъёслэн Чаган слободка нимо гуртсы.

2. Макарлэн бубиз но песятаез татчы ссылкае келямын вал.

3. Огшоры дыръя Макар пыжем пужей силь сиылиз но сюкась юылиз, нош праздникъёсы табанез туж яратылиз.

4. Со туж узыр но зеч улиз, сютэм улонэз но кезьытэз оз адзылы.

5. Кудзем дыръяз Макар куддыръя, ваньзэ куштыса, «гурезь» вылэ кошкоз шуыса вералляз.

2. «Янгышъёсты тупатъян».

Сётэм предложениосысь янгышъёсты шедьты но тупаты.

1. Пурысь пилемъёс улиети уя.

2. Лида дорысь ужзэ Ирина сярысь трослы жог быдэстиз.

3. Ми нуналлы быдэ чорыганы ветлысал.

4. Тон туннэ школае малы уг ветлы?

5. Зарезь дурысь странаосын куазь чем вошъяськыны.

6. Пияш жытлы быдэ апайёс ужысь возьма.

7. Милям дышетисьмылэн азьланезлы трос малпанъёс.

8. Нылкышнослэн нуналзылы сизьыса, мон анаелэсь тусбуйзэ суредаськисько.

9. Пичи нылаш эшлы мунёзэ кузьмаз.

10) Шаермылэн нюлэсъёсын портэм пойшуръёс но тылобурдоос уло.

3. Сётэм темалы веран.

Финляндиысь эштедлы улонысьтыд берло иворъёстэ гожты. Гожтэтад тыршы:

• гожтэт жанрлэсь куронъёссэ чакланы;

• ужедлэсь люкетъёссэ радызъя, борсьысь борсе, ог-огенызы герзаса сётыны;

• выль чуръёсты (абзацъёсты) чакланы;

• предложениосысь кылъёсты удмурт синтаксислэсь катъёссэ (законъёссэ) лыдэ басьтыса радъяны;

• улонысьтыд учыръёс (событиос) пумысен ас мылкыддэ, малпанъёстэ возьматыны;

• веранэдлэсь быдзалазэ чакланы – 8-10 предложение мед луоз.

Текстъёс

9 Класс. Куазь сярысь

Чуказе, 11-ти инвожое, куазь шундыё но пось луоз, зор-кот уз усьы. Элькунмыя уин 10-15 градус, нуназе 30-33 котыр возиськоз. Тол лымшор но шундыпуксён вискысь секундскын сизьым метре пельтоз. Ижкарын уин 12-14, нуназе 30-32 градус пось луоз.

10 Класс Картофка

Картофкаез нырысь шедьтизы Испаниысь морякъёс. Собере со Италие вуиз, отысен мукет странаосы но волмиз. Франциын но картофкаез со вакытэгес ик мерттыны кутскизы. Дас тямысэтй даурлэн пумаз картофкалэн сяськаосыныз француз нылкышноос йырсизэс чеберъяллязы. Улэп сяськаос тырмымтэен, бумагалэсь но лэсьто вал. Нош Германиын картофкаез дворецъёс азе клумбаосы мерттылизы.

Та будос туж жог ке но волмиз, сиыны сое кылем даурлэн пумаз гинэ кутскизы.

Асьме странаын но картофкаез кемалась тодизы ке но, сиёнлы мерттыны сю ар талэсь азьло гинэ дышизы. Калыкез кужмысь картофка мерттыны косо вал. Трос интыосын «картофка бунтъёс» но пуромылизы. Нош табере асьме калык сое жок вылэ самой сиё-дано интые, нянен артэ, пуктэ. Коня портэм сиён дасяны дышимы ни! Картофка — кыкетиез нянь, шуиськомы.

Н. Верзилин.

11 Класс Макарлэн вотэз

Вожодыр верос

Та вотэз адзиз куанер Макар, кудиз кунянъёссэ кыдёкысь шимес шаеръёсы улляз,— самой со Макар, кин вылэ вань чыжинъёс усьыло.

Солэн вордскем интыез — Чалган слободка — якутьёслэн кыдёкысь нюлэсазы ышем гурт. Макарлэн бубиз но песятаез, пеймыт тэльлэсь пичи люкетсэ сайкыса, асьсэлы кын музъем гырылизы; соосты сьод нюлэс кышкатыса возиз ке но, соос туж ик оз куректэ. Сузям интыосты кенеразы, кабанъёс но зуродъёс жутылизы, котыразы пумен йылйзы пичи юртъёс, кудъёсыз весь чындыса улизы; бератаз гурт шорын ик, вормон знамя кадь, инме ыбиськыса сямен жужаз гырлыё пичи черк. Соку Чалган бадзым слободалы пормиз.

Макарлэн бубиз но песятаез, пеймыт тэлен ожмаськытозязы, асьсэос пумен кычомизы. Якут нылъёсты кышно басьтыса, пумен дышизы якут кыллы, якут сямъёслы но нергеослы. Но быдзым зуч выжылэн аслыз тупась сямъёсыз но тусбуез пумен вунизы но быризы.

Озьы ке но, мынам Макаре тодаз зеч возиз, со чалган выжыысь крестьян адями шуыса. Татын со вордскиз, татын улиз, татын ик кулыны дасяськиз. Со туж данъяськиз ас нимыныз но куддыръя мукетъёссэ «кырсь якутъёс» шуыса куаретылиз, ачиз соослэсь номырин ик оз висъяськылы ке но. Зуч сямен со ожыт но ляб вераськылиз, пойшур кулэсь вурем дись нуллиз, пыдаз торбас¹ кутчалляз, огшоры дыръя табанен «кирпич» чай юылиз, нош праздникъёсы но мукет учыръёсы жок вылэ пуктэм вань шунтэм воез сиыса быдтылиз. Со умой гинэ быгатэ вал, ош вылэ пуксьыса, борземен ветлыны, нош висьыкуз шаманэз (туно-пеллёез) отьылиз, кудиз шузияськыса, пиньёссэ гизьыр карыса, Макар шоры тэтчалляз, пушкысьтыз черзэ уллян вылысь.

Со кошкемыт зол ужаз, но улиз начар, сютэм улонэз но ксзьытэз чидаз. Табань но чай сяна, вал меда солэн йыраз кыче ке му-кет малпанъёс?

Бен, вал.

Кудзем дыръяз со бордылйз. «Мар милям та улонмы,— шуылиз со.— Инмаре-Куазе!» Куддыръя со вералляз ваньзэ куштыса «гурезь» вылэ кошкыны мылкыдзэ. Отын со уз но гыры, уз но кизьы, уз кора но уз нуллы пу, озьы ик киыныз уз изы ю тысь. Утиськоз гинэ со. Кытын но кыче со гурезь, Макар умой оз тоды; юн тодиз: со гурезь вань, но туж кыдёкын, отысен сое уз шедьты ачиз тойон-исправник но. Озьыен, выт но солы тыроно уз луы...

Торбас – пужей кулэсь вурем сапег.

В.Г Короленко.

13