Задания к тексту:

1. Кем составлен документ?

2. Какие проблемы явились предметом договора?

3. Какие преимущества предоставлялись иностранцам в Новгороде?

Хрестоматия по истории СССР. С древнейших времен до конца V века.-М.:1960.С.283-285.

Документ № 8.

Грамота Новгорода тверскому великому князю Михаилу Ярославичу. 1304-1304 гг.

Благославление от владыки, поклон от посадника Георгия, и от тысяцкого Андреяна, и от всех старейших, и от всех меньших, и от всего Новгорода господину князю Михаилу Ярославицю. На семь ти, княже хрьст целовати к всему Ноугороду, на чемь целовали пьрвии князи, и дед твои, и отьць твои. Новгород ти дьржати по пошлине, како держал дед твои и отьци твои. Грамот ти не посужати. А мужа ти без вины волости не лишати. А бес посадника ти волости не раздавати, ни суда ти судити, ни грамот давати. А волости ти, княже, новгородьскых своими мужи не дьржати, дьржати ти мужи новгородьскыми; а дар тобе от тех волости емати. А се волости новгородьскыя: Волок с всеми волостьми, а дьржати ти свои тиун на половине, а новгородьць на половине, в всеи волости Волочкои; а на Тържку ти,княже, дьржати свои тиун на своеи части, а новгородьць на своей части. А се волости новгородьскыя: Бежице, Городьць, Мелеча, Шипино, Егна, Волъгда, Заволочие,Голопьрьмь, Тьре, Пьрьмь, Печера, Югра; а ты волости дьжати ти мужи новгородьскыми. А свинье бити ти, княже, за 60 вьрст около города, а далее куда кому годно. А закладников ти не принимати, княже, по всеи волости Новгородьскои, ни княгыни твоеи, ни бояром твоим, ни дворяном твоимъ. А если ти не ставити Новгородьскои волости, ни твоеи княгыни, ни твоим бояром, ни твоим дворяном, ни купити, ни даром примати. А свободти не ставити по Новгородскои волости. А что сел, княже, на Новгородскои земли твоих, или княгыниных, или бояр твоих тех сел тобе съступиттися: а куны емати на них у истьцев своих, у кого будеть кто купил; а земля святои Софии къ Новугороду. А что сел и свобод Дьмитриевых, то дати есме быле Андрею до живота Андреева в хрьстное целование, а помощь Новугороду то все; а тобе, княже, в то не въступиться. А рубеж ти дати правый по старому рубежю, в хрьстное целование, как было при отци твоемь Ярославе. А на Озвад ти, княже, ездити лете звери гонит. А в Русу не ехати, ехати в Русу на третьюю зиму. А в Ладогу ти, княже, едите на третиее лето. А осетрьнику твоему ездити в Ладогу по грамоте отца твоего, како пошло. А в Вълъгде ти тиуна не дьржати. А судиям твоим ездити по волости, куда пошло, лете с Петрова дни, по пошлине. А что пожень княжих, то князю; а новгородьское Новугороду. А вывод ти, княже, в всеи Новгородьскои волости не надобе. А с Суждальской земли тобе, княже, новнородца не судити, ни грамот давати, ни волости раздавати. А по всеи Суждальскои земли гостити новгородцю без рубежа. А у мыта у новгородца и у новоторъжца по две векше от воза, и от лодие, и от хмелна короба, и от льна. А дворяном твоим ходити по пошлине: от князя по пяти кун, а от тиуна по две куне. А за Волок ти, княже, своего мужа не слати, продаяти ти дань своя новгородцю. А холопу и робе на господаря веры не яти. А в Немечком дворе тобе, княже, торговати нашею братиею; а приставов ти не приставливати; а двора ти не заставляти. А что подеялося доселе межи тобою и твоими Новугороду до хрьстьного целования, то ти все, княже, отложити и твоим мужем. А твоим судиям по волости самосуда не замышляти на людех по Новгородьскои волости. А вязчего не пошло по Новгородьской волости. А вязчего не пошло по Новгородьской волости, то судиям твоим отложити. А холопа и половника не судити твоим судиям без господаря; судити князю в Новгороде, тако пошло. И купцины в силу не судити в волости. А кто живет въ Тържку на Новотързькои земли, а к святому Спасу не тягнет к Тържку, князем отъемъся, а ти поидуть ис Торъжку, куда им годно. Аже възъидеть к тобе, княже, на мужа обада, тому ти веры не яти, дати тому исправа. А у купьць повозов не имати, разве ратности вести. А коли, княже, поедешь в Новгородъ, тогда тобе дар емати по постояниям; а коли поедешь из Новагорода, тыгда дар не надобе. А холоп или половник забежить в Тферьскую волость, а тех, княже, выдавати; которыи ли въстворить суд собе, суди его в Новегороде. А нелюбие, княже, тобе отложити и от стареиших, и от меньших, и от всех. На семь, господине, на всеммь целуи хрьст при нашей братии, при послех.