ПРАКТЫЧНЫЯ / Занятки 1. Складники РВП
.docxПрактычныя заняткі №1
Арганізацыйна-метадычныя асновы рэдакцыйна-выдавецкага працэсу (РВП) і яго асноўныя складнікі
Заданне 1. Стварыць прэзентацыю на ўказаную тэму.
-
Рэдакцыйна-выдавецкі працэс: тэрмін і паняцце – 2 слайды
-
Сутнасць арганізацыйна-накіроўваючых (1-2 слайды), творчых (1-2 слайды), вытворчых (1-2 слайды), інфармацыйных (1-2 слайды) і маркетынгавых (1-2слайд) аперацый у структуры РВП
-
Агульная тэхналагічная схема сучаснага РВП выдання кнігі ў Беларусі – 2-3 слайды
-
Некаторыя асаблівасці працы замежных выдавецтваў (на выбар) – 2-3 слайды.
-
Асноўныя лакальныя і глабальных інфармацыйныя сеткі, неабходныя рэдактару для працы над выданнем – 6-9 слайдаў
-
Асноўныя базы і банкі дадзеных выдавецтваў і кнігагандлёвых арганізацый для ажыццяўлення праектаў па стварэнні друкаваных і электронных выданняў – 4-8 слайдаў.
Заданне 2. Ажыццявіць рэдактарскі аналіз §1 Галосныя літары «Правілаў беларускай арфаграфіі і пунктуацыі» па наступнай схеме:
-
Чаму прысвечаны параграф
-
Структура
-
Падрабязны аналіз кожнага пункта з заўвагамі
-
Вывады а) назва адпавядае зместу ці не б) паўната правіла в) заўвагі-прапановы
Узор.
Рэдактарскі аналіз §1 Галосныя літары
1. У гэтым параграфе рэгламентуецца выкарыстанне галосных літар для абазначэння на пісьме галосных гукаў.
2. Параграф складаецца з 4 пунктаў.
|
№ п |
Чаму прысвечаны |
заўвагі |
|
1 |
Канстатуецца, што ў беларускім алфавіце 10 галосных літар |
Усе 10 літар названы, парадак размяшчэння алфавітны: спачатку няётавыя, затым ётаваныя. Праўка не патрабуецца |
|
2. |
Указваецца, калі пішуцца галосныя літары. 1 сказ – гаворка ідзе пра напісанне а, о, э, у у пачатку слова і пасля цвёрдых зычных. 2 сказ – пра тое, што і пішацца ў пачатку слова, а пасля зычных пішацца ы або і ў залежнасці ад зычнага. 3 сказ – пра тое, што літары е, ё, ю, я ў пэўных пазіцыях (усе пазіцыі названы правільна) абазначаюць на пісьме спалучэнне [й] з галоснымі [э], [о], [у], [а]. Пасля сказа прыведзена 11 слоў прыкладаў: 5 – на йэ, 3 – йу, 2 – йа; 1 – йо; 1 група прыкладаў – у пачатку слова (3 словы); 2 група – пасля галосных (3 словы); 3 група – пасля ў нескладовага (1 прыклад – здароўе); 4 група – пасля раздзяльльнага мяккага знака – 1 прыклад (льеш) 5 група – пасля апострафа (3 словы) |
1) прыкладаў пасля першых двух сказаў няма. 2) галосныя гукі ўказаны ў квадратных дужках, але не ў алфавітным парадку. 3) няма аднастайнасці ў прыведзеных прыкладах; варта прыводзіць па 4 прыклады на кожную пазіцыю, бо ўказана 4 літары. 4) няма інфармацыі пра тое, што літара і таксама ў пачатку слова пад націскам (іхні, іней), пасля галосных (краіна), пасля ў (салаўі), пасля раздзяляльнага мяккага знака (Ільіч) можа таксама абазначаць 2 гукі [йі]. |
|
3. |
Канстатуецца, што абазначаюць літары я, ё, е, ю, і пасля зычных. Прыведзена 6 слоў-прыкладаў: 2 словы на а і па адным слове на асатнія. |
1) размяшчэнне літар адвольнае, не ў алфавітным парадку. Варта прывесці да аднастайнасці, як у п. 1, 2. 2) Можна зняць адно слова-прыклад (вязу), каб атрымалася аднастайнасць – па адным слове на кожны гук. |
|
4. |
Указваецца на графічнае напісанне літары ё і літары і. Адносна літары І размежаванне: друкаваныя тэксты і рукапісныя. |
|
3. Заключэнне. 1. Назву параграфа варта ўдакладніць: Выкарыстанне і напісанне галосных літар. 2. Перапрацаваць п. 2, зрабіць з яго два пункты: першы – пра літары а, о, э, у, а другі – прысвяціць літарам е, ё, і, ю, я, калі яны абазначаюць 2 гукі. Адносна літары і можа зрабіць нават асаобны пункт, калі яно не заўсёды абазначае 2 гукі. 3. Варта а) падаць прыклады да п.2 адносна літар а, о, э, у, ы, і; б) літары ы ў пачатку слова (?); в) захоўваць аднастайнасць пры падачы прыведзеных прыкладаў. Двухсэнсоўнасці ў інтэрпрэтацыі пунктаў параграфа не выяўлена.