Pouchenie_Vladimira_Monomakha / Поучение Владимира Мономаха
.docПОУЧЕНИЕ ВЛАДИМИРА МОНОМАХА* (конец XI в. – 1125)
Аз худый, дедом своим Ярославом, благословеным, славным, наречный в крещении Василий, русьскым именем Володимир, отцемь возлюбленым и матерью своею Мономахы ... и хрестьяных людий деля, колико бо сблюд по милости своей и по отни молитве от всех бед! Седя на санех, помыслих их в души своей и похвалих бога, иже мя сих днев грешнаго допровади. Да дети мои, или ин кто, слышав сю грамотицю, не посмейтеся, но ему же люба детий моих, а приметь е в сердце свое, и не ленитися начнеть тако же и тружатися. Первое, бога деля и душа своея, страх имейте божий в сердци своемь и милостыню творя неоскудну, то бо есть начатою всякому добру...
Всего же паче убогых не забывайте, но елико могуще по силе кормите, и придайте сироте, и вдовицю оправдите сами, а не вдавайте сильным погубити человека. Ни права, ни крива не убивайте, ни повелевайте убити его. Аще будеть повинен смерти, а душа не погубляйте никакоя же хрестьяны. Речь молвяче и лихо и добро, не кленитеся богомь, ни хреститеся, нету бо ти нужа никоея же. Аще ли вы будете крест целовати к братьи или к кому, а ли управивше сердце свое, на нем же можете устояти, тоже целуйте, и целовавше блюдете, да не, приступни, погубите душе своее. Епископы, и попы, и игумены ... с любовью взимайте от них благословленье, и не устраняйтеся от них, и по силе любите и набдите, да приимете от них молитву. ... Паче всего гордости не имейте в сердци и в уме, но рцем: смертни есмы, днесь живи, а заутра в гроб; ее все, что ны еси вдал, не наше, но твое, поручил ны еси на мало дний. И в земли не хороните, то ны есть велик грех. Старыя чти, яко отца, а молодыя, яко братью. В дому своемь не ленитеся, но все видите; не зрите на тивуна, ни на отрока, да не посмеются приходящие к вам ни дому вашему, ни обеду вашему. На войну вышед, не ленитеся, не зрите на воеводы; ни питью, ни еденью не лагодите, ни спанью; и стороже сами наряживайте, и ночь, отовсюду нарядивше, около вои тоже лязите, а рано встанете; а оружья не снимайте с себя вборзе, не розглядавше леношами, внезапу бо человек погыбаеть. Лже блюдися и пьяньства и блуда, в том бо душа погыбаеть и тело. Куда же ходяще путем по своим землям, не дайте пакости деяти отроком, ни своим, ни чюжим, ни в селех, ни в житех, да не кляти вас начнуть. Куда же пойдете, иде же станете, напойте, накормите унеина; и боле же чтите гость, откуду же к вам придеть, или прост, или добр, или сол, аще не можете даром, — брашном и питьем: ти бо мимоходячи прославять человека по всем землям, любо добрым, любо злым. Болнаго присетите; над мертвеця идете, яко вси мертвени есмы. И человека не минете, не привечавше, добро слово ему дадите. Жену свою любите, но не дайте им над собою власти. Се же вы конець всему: страх божий имейте выше всего.
Аще забываете сего, а часто прочитайте: и мне будеть бесорома, и вам будеть добро.
Его же умеючи, того не забывайте доброго, а его же не умеючи, а тому ся учите, яко же бо отец мой, дома седя, изумеяше 5 язык, в том бо честь есть от инех земль. Леность бо всему мати: еже умееть, то забудеть, а его же не умееть, а тому ся не учить. Добре же творяще, не мозите ся ленити ни на что же доброе, первое к церкви: да не застанет вас солнце на постели; тако бо отець мой деяшеть блаженый и вси добрии мужи свершении... И седше думати с дружиною, или люди оправливати, или на лов ехати, или поездити, или лечи спати: спанье есть от бога присужено полудне.
А се вы поведаю, дети моя, труд свой, оже ся есмь тружал, пути дея и ловы с 13 лет... Еже было творити отроку моему, то сам есмь створил, дела на войне и на ловех, ночь и день, на зною и на зиме, не дая собе упокоя. На посадники не зря, ни на биричи, сам творил, что было надобе, несь наряд, и в дому своемь, то я творил есмь. И в ловчих ловчий наряд сам есмь держал, и в конюсех, и о соколех, и о ястрябех.
Тоже и худаго смерда, и убогые вдовице не дал есмь сильным обидити, и церковнаго наряда и службы сам есмь призирал...
* Владимир Всеволодович Мономах (1053-1125) — великий князь киевский (1113-1125). Его «Поучение», адресованное детям и всем, «кто прочтет», сохранилось в единственном списке в составе Лаврентьевской летописи.