Исламда җенси мөнәсәбәт кагыйдәләре

Ислам җенси аерымлыкны Аллаһы эше дип карый. Кеше Аллаһы кушканнарны үти, аңа каршылык күрсәтми икән, Ул бар иткән бер нәрсә дә явызлык була алмын, шунлыктан шә­хеснең һәм тулаем бөтен җәмгыятьнең үсеше өчен сексның ки­рәкле факт булуы шик тудырмый. Сексуаль үсеш шәхси горур­лык һәм үзеңне яратылучы итеп хис итү белән аерылгысыз бәй­ләнгән. Җенси якынлыктан тыелу акыл сәламәтлегенә куркы­ныч булып яный, үзара яхшы мөнәсәбәтләр урнаштыруга кома­чаулый һәм җәмгыятьтә нормаль булмаган хәл тудыра. Әгәр инде секс контрольдә тотылмаса һәм үзенең гәүдәләнешен гаи­ләдә тапмаса, аның җимерү көченә әверелүе ихтимал. Ул ке­шегә, гаиләгә һәм тулаем җәмгыятькә каршы эшли. Фактта секс ахыр нәтиҗәләрен белмәгән кешене иҗтимагый тормышка нык бәйләнгән үзара мөнәсәбәтләрне җнмерү куркынычы тудыручы эшләргә котыртуы ихтимал. Шунлыктан сексуаль хис-теләкләр контрольдә тотылырга тиеш. Моның кешенең үз җенси теләк­ләрен контрольдә тотарга ярдәм итүче билгеле бер факторлар­ның булышлыгыннан башка теләсә нинди җәмгыятьтә үтеп бул­мый торган нәрсә булып күренүе ихтимал. Үз-үзен тотуның тү бәйдәге кагыйдәләрен үтәүне таләп итеп, Ислам кешене әлеге проблемаларны хәл итү юллары белән тәэмин итә:

1. Никахка керү җиңел булырга, җәмгыятьнең һәр гаиләсе моны иртәрәк эшләү мөмкинлеге алырга тиеш.

2. Кешене никахка кергәнче үк үзенең сексуальлеген күрсә­тергә этәрүче барлык факторлар һәм шартлар бетерелергә ти­еш. Ислам әдәбе менә нәрсәләр тәкъдим итә:

а) хатын-кызларның тәне ирләрне дәртләндреүче сәбәп бу­лып тора. Менә шуның өчен дә Ислам аларга үзләренең тән­нәрен ачарга һәм күрсәтергә кушмый. Ислам, хатын-кызны ир­ләр карашыннан саклау һәм ирләрне кызыгудан тыю максатын­да хатын-кызларга тәннең бит һәм куллардан башка өлешлә­рен каплый торган кием формалары тәкъдим итә. Шик юк ки, кием-салым, араларында сексуальлары да булган, кешеләр арасындагы мөнәсәбәтләрне чагылдыра;

б) Исламда җенесләрне аеру зарурлыгы таныла, бу исә сексуаль киеренкелекне киметергә ярдәм итә;

в) мөселман хатын-кызлары өйдән тыш битләрен косметика белән буямаска һәм тәмле майлар кулланмаска тиешләр; моны өйдә һәм фәкать ир өчен генә эшләргә мөмкин;

г) хатын-кызлар ирләр файдалана торган җәмәгать мунча­ларыннан файдалана алмыйлар (ирләр дә, әлбәттә, үзләренең тәннәренең оят җирләрен капларга тиешләр);

д) ирләреннән һәм өйләнешергә тыелган якын кардәшләр­дән (мәхрәм) башка кешеләр белән сөйләшкәндә аның тавышы җанга ятышлы матур булмаска, ә җанлы һәм эшлекле булырга тиеш;

е) ирләрнең киеме һәм үз-үзләрен тотышы да игътибарны жәлеп итәрлек булмаска тиеш. Әгәр мөслеманның күзе очрак­лы рәвештә генә хатын-кызга төшсә, ул карашын читкә алырга, башка ана карамаска тиеш;

җ) җенси мөнәсәбәт яшерен урында эшләнергә тиеш. Ир бе­лән хатын бер-берсенә бүләк, кием булып торалар. Ир дә, хатын да үзләренең җенси тормышлары турында башкалар белән фикер уртаклашмаска тиешләр.

Югарыда тикшерелгән, төрле җенестәге кешеләрнең үз-үзләрен тотышына кагылышлы кагыйдәләр ир белән хатын бергә яшәп җенси тормышның рәхәтлекләрен күрсеннәр, ир белән ха­тынның шулай тату һәм рәхәт яшәвеннән, гаилә багланышла­рын саклауларыннан җәмгыять файда алсын өчен язылганнар.