4 Нормативтік құжаттаманы құру

4.1 Cынақ жүргізу орталығы басшысының лауазымдық нұсқауы

Сынақ жүргізу орталығы басшысының лауазымдық нұсқауы сынақ жүргізу орталығы туралы жағдайға, сынақ жүргізу орталығының сапа бойынша басшылығына және Қазақстан Республикасының әрекеттегі заңнамасына сәйкес әзірленеді.

Сынақ жүргізу орталығының басшысы «Каспий аймақтық сертификаттау орталығы» ЖШС директорына тікелей бағынышты болады.

Сынақ жүргізу орталығының басшысы өз қызметінде келесілерді басшылыққа алады:

- ҚР-ның «Өлшеу бірыңғайлығын қамтамасыз ету туралы», «Техникалық реттеу туралы» заңдарын және ҚР-ның басқа да заңнамалық актілерін;

- Қазақстан Республикасы сауда және индустрия министрлігінің техникалық реттеу және метрология комитетінің бұйрықтарын, ҚР МТРЖ-нің нормативтік құжаттарын;

- кәсіпорын қаулысын;

- кәсіпорын бұйрықтарын;

- өнімнің және сынау әдістерінің нормативтік құжаттарын.

Сынақ жүргізу орталығының басшысын тағайындау және қызметінен босату белгіленген заңнамалық тәртіпте жүзеге асырылады.

Сынақ жүргізу орталығының басшысының лауазымына жоғарғы техникалық білімі және инженерлік-техникалық лауазымдарда 5 жылдан кем емес жұмыс тәжірибесі бар тұлға тағайындалады.

Сынақ жүргізу орталығының басшысы келесілерді білуі қажет:

- ҚР МТРЖ-нің сынақ жүргізу орталықтарына қоятын негізгі ережелер мен талаптарын;

- сынақ жүргізу орталығының жабдығы, оның жұмыс істеу принципі және пайдалану ережелерін;

- сынақ жүргізілетін үлгіге және сынақ әдістеріне қойылатын номативтік құжаттар талаптарын;

- сынақ жүргізу үшін үлгілерді іріктеу тәртібін;

- әрекеттегі стандарттар, техникалық шарттар, ережелер, жағдайлар, нұсқаулар, сынақтар бойынша басқарушы құжаттарды;

- ұқсас қызмет өндірісінің технологиясы саласындағы озық отандық және шет ел ұйымдарының тәжірибесін;

- еңбек қорғау, техникалық қауіпсіздік және өндірістік санитария ережелері; өрт қауіпсіздігі талаптары, өндіріс экономикасы және ұйымдастыру негіздерін.

Сынақ жүргізілетін орталықтың басшысының міндеттеріне келесілер жатады:

- СЖО қызметін басқару және бағыттау;

- СМЖ-нің әрекеттенуін және жетілдірілуін бақылау;

- ҚР сауда және индустрия министрлігінің техникалық рттеу және метрология комитетінде және басқа да Қазақстан Республикасында шегіндегі, және одан тыс органдар мен құрылымдарда өкілдігі;

- сертификаттау сынақтарының хаттамаларына қол қою;

- СЖО-ның ішкі құжаттарын бекіту;

- СМЖ-нің ішкі тексерулерін ұйымдастыру және жүргізу;

- СЖО мұрағатын жүргізуді бақылау;

- ақпараттың құпиялылық режимін сақтау;

- НҚ мен СМЖ құжаттарының тексерілуін бақылау;

- ӨҚ мен СЖ-ның техникалық күйі мен жөнделуін бақылау;

- қауіпсіздік техникасы бойынша нұсқама жүргізу.

СЖО-ның басшысы келесілерге жауапты болады:

- сапа саласындағы саясаттың жүзеге асуына;

- СЖО қызметкерлерінің біліктілігін арттыруға;

- СЖО-ның материалды-техникалық қамтылуына;

- сынақ жүргізуге қажетті шарттар жасауға;

- шағымдарға обьективті тұрғыдан қарауға;

- сынақ нәтижелеріне заңды және жеке тұлғалардың әсер етуін болдырмауға;

- қаржылық және келісімдік тәртіптің болуына;

- СЖО құжаттамасының сақтандырылуын қамтамасыз етуге;

- СМЖ-нің ішкі тексерулерін жүргізуге;

- сынақтар сапасын іштей бақылауды ұйымдастыру және өткізуге;

- ақпарат құпиялылығының сақталуына;

- СМЖ-н жетілдіру бойынша түзету шараларының орындалуына.

СЖО-ның басшысының құқықтары:

- өтінім берушіден сынақтар жүргізуге қажетті деректерді, ақпаратты, құжаттарды сұрау;

- СЖО жұмысының жетілдірілуі бойынша ұсыныстар жасау;

- әрекеттегі құжаттамаға өзгерістер енгізу бойынша ұсыныстар енгізу;

- СЖО қызметкерлеріне әкімшілік ықпал ету шараларын қолдану;

- СЖО қызметкерлерінен қауіпсіздік техникасы, өртке қарсы қауіпсіздік, еңбек тәртібі ережелерін ұстануды талап ету.