3.3 Техникалық талаптар

Сынақ жүргізу зертханасында өткізілетін сынақтар сенімділігі мен дұрыстығы келесі факторлардан анықталады:

- адамдық фактор (қызметкерлер);

- қоршаған орта шарттары;

- сынақ жүргізу әдістері және әдістер жарамдылығының бағалануы;

- сынақ жүргізу жабдығы;

- өлшеулердің қадағалануы;

- үлгілерді іріктеуі;

- сынақ үлгілерін ұстай білу.

Қызметкерлер

СЖО-ның сапа бойынша басшылығы сынақ жүргізетін мамандарға кепілдеме береді.

Үш жылда бір рет СЖО мамандары нормативтік құжаттарды, СМЖ құжаттарын және ҚР МТРЖ-нің нормативтік құқықтық құжаттарын білуіне аттестаттаудан өтеді.

Өз қызметінің саласы бойынша қызметкерлердің біліктілігін арттыруы техникалық реттеу және метрология саласындағы арнайыланған курстар мен біліктілікті арттыру курстары арқылы жүргізіледі.

СЖО қызметкерлері жүргізетін сынақтар сапасы арнайы білімімен және сынақ жүргізудегі ұзақ жұмыс тәжірибесімен қамтамасыз етіледі.

Қоршаған орта шарттары. СЖО ғимаратындағы қоршаған ортаның қажетті шарттары: желдету, жылыту және жарықтандыру жүйелерімен қамтамасыз етіледі. Осы жүйелердің барлығы жобаларға сәйкес орындалған.

Сынақ жүргізу орталығында қоршаған орта шарттары санитарлы нормалар мен ережелердің талаптарына сәйкес бақыланады. Бақылауға ылғалдылық, температура, шу және діріл мөлшері алынады.

Сынақ әдістері және әдістер жарамдылығының бағалануы. СЖО өз қызметінде қызмет саласына сәйкес келетін әдістер мен процедураларды пайдаланады. Олар үлгілерді іріктеуін, оларды ұстау тәртібін, сынаққа жататын бұйымдардың тасымалдануын, сақталуын және дайындалуын қамтиды.

СЖО үлгілерді, іріктеу әдістерін қоса өтінім беруші талаптарына және сынаққа жарамды сынақ әдістерін пайдаланады. Барлық сынақ әдістері мемлекетаралық, мемлекеттік стандарттарда көрсетілген, стандартталған әдістемелермен берілген.

СЖО-да стандартталмаған әдістерді пайдаланбайды.

Таңдалған сынақ әдістерінің жарамдылығы мен дұрыстығы сәйкестікті растау органының өкілі жүргізген сынақтар мен инспекциялық бақылау хаттамаларымен дәлелденеді.

Жабдық. СЖО-да сынақ жүргізу кезінде қолданылатын ӨҚ мен сынақ жабдықтары қажетті дәлдікті қамтамасыз етеді және сынақтарға қойылатын техникалық талаптарға сәйкес келеді.

СЖО-да жабдықты қайта жүктеу кезінде пайдалану немесе дұрыс пайдаланбауға рұқсат етілмейді. Жабдықты дұрыс пайдаланбауды болдырмау мақсатында қызметкерлер жұмысқа тек оқытылу және аттестаттаудан кейін ғана жіберіледі.

ӨҚ мен сынақ жабдықтарын салыстырып тексеруді АҚ «Ұлттық сараптама және сертификаттау орталығы» өткізеді. Аттестаттаудан немесе салыстырып тексеруден өтпеген ӨҚ мен сынақ жабдықтары пайдалануға жіберілмейді. Салыстырып тексеруге жауапты етіп сынақ орталығының инженерін тағайындайды.Өлшеулердің қадағалануы. Сынақтар кезінде қолданылатын барлық ӨҚ мен СЖ, сонымен қатар қоршаған ортаны бақылау құралдары, қолданысқа берілер алдында, сонымен қатар қолдану үрдісінде салыстырып тексеру жиілігін ескере отырып салыстырып тексеріледі

Сынақтар жүргізу кезінде СЖО қоршаған ортаны бақылау жүргізеді. СЖО-да бастапқы эталондар мен стандартты үлгілер қолданылмайды.