5.13 Электр қазандарға арналған үй-жай

Қазандар «Өндірістік ғимараттар» 2.09.02-85 СНжЕ мен осы Талап талаптарына жауап беретін ғимараттар мен үй-жайларда орнатылады.

Қазандарды үй-жайдан тыс орнатуға егер қазан берілген климаттық шарттардағы жұмыс үшін жобаланған жағдайда рұқсат беріледі.

Үй-жайлар құрылғысы мен қазан үстіндегі шатыр жабындарына рұқсат берілмейді. Бұл талап осы Талаптың 276-тармағына сәйкес өндірістік үй-жайларда орнатылған қазандарға таратылмайды.

Қазандық қабаттылығы, оның жоспары мен жабдықтардың жиынтықталуы қызмет көрсетуші персоналды кернеу астындағы қазан элементтерімен жанасудан қорғауды қамтамасыз ететіндей орындалады. Мұндай қорғаныс құрылғылары ретінде оқшауланған корпусты қазандар үшін тегіс немесе торлы жанбайтын биіктігі 2 м кем емес, қазан жұмысын бақылауға мүмкіндік беретін есіктері және шыныланған өтулері бар қалқаларға рұқсат беріледі. Торлы қоршаулардың 25  25 мм артық емес өлшемді ұяшықтары болады.

Қалқаға кірерде іске қосылған казан кезінде есіктің ашылуын және қоршау есігі ашық тұрған кезде қазанның іске қосылуын болдырмайтын бұғаттауы болады. Ақаулы бұғаттау немесе есік ашылған кезде қазанды қоректендіретін электр желіден автоматты ажыратылады.

Қоршау есіктерінде электр токпен зақымдалу қауіптілігі туралы «Абайлаңыз! Электр кернеу» ескерту белгісі бекітіледі.

Өндірістік үй-жайларда қазандарды орнату орны үй-жайдың қалған бөлігінен жанбайтын қалқалармен қазанның барлық биіктігі бойына, бірақ 2 м кем болмай есіктерді кілтпен жабатын құрылғымен бөлінеді. Шығатын орындар мен есікті ашу бағыты жергілікті шарттардан жобамен анықталады.

Қазандық ғимаратында қазандық персоналы үшін көзделмеген тұрмыстық және қызметтік үй-жайларды, қазандық жабдығын жөндеуге арналмаған шеберханаларды орналастыруға рұқсат берілмейді.

Бір үй-жайда қазанмен қазанға қызмет көрсету мен жөндеуге немесе бу мен (не) ыстық су алу технологиясына тікелей қатысы жоқ жабдықтарды орнатуға рұқсат берілмейді.

Қабырғаның сыртқы бетінің температурасы 55 °С жоғары, қызмет көрсетуші персонал үшін қолжетімді орында орналасқан құбыр өткізгіштер мен қосымша жабдықтардың барлық элементтерінің жылумен оқшаулауы болады.

Электр қазандықтың төменгі қабаты еденінің деңгейі қазан ғимаратының жанасатын бет деңгейінен төмен болмайды.

Қазандықтар едені шаң пайда болдырмайтын және сырғанамайтын материалдардан жасалады.

Қазандар мен жылжымалы қазан қондырғыларының блок-контейнерлеріндегі қосымша жабдықтар жобаға сәйкес орналастырылады.

5.14 Жарықтандыру

Электр қазандық үй-жайы табиғи жарықпен, ал түнгі уақытта электр жарықтандырылумен қамтамасыз етіледі.

Техникалық себеп бойынша табиғи жарықпен қамтамасыз етілмейтін орындардың электр жарықтандырылуы болады.

Жұмыс жарықтандырылуынан басқа қазандарда авариялық электр жарықтандырылу көзделеді.

Авариялық жарықтандырылумен міндетті жарықтандырылуға мынадай орындар жатады: қазандар фронты мен қазандар арасындағы өтулер; щиттер мен басқару пульттері; су көрсеткіш және өлшеу аспаптары; бактармен деаэраторлар үй-жайы; сорғылық үй-жайлар; электр қазандар алаңдары мен баспалдақтары; су дайындау жабдықтары.

Электр жабдық пен оның жерге тоғытылуы, жұмыс және авариялық жарықтандырылу «Өндірістік ғимараттар» СНжЕ 2.09.02-85 талаптарына сәйкес болады.