4. Замацаванне ведаў

Работа ў групах

Гульня "Хто больш?". Вучням прапануюцца малюнкі ружы, сонца, хмары, дрэва. Яны запісваюць назвы прадметаў і іх прыметы.

Работа па падручніку

Практ. 2 (вусна).

Практ. 3 (пісьмова).

Слоўнікавая работа

Вучні высвятляюць значэнне слоў вясёлка, леташні, прадвесне. Вусна складаюць з імі сказы і перакладаюць гэтыя словы на рускую мову.

Работа ў парах

3 прапанаваных прыметнікаў вясёлы, калматы, вялікі, шэры, касалапы, буры, гультаяваты вучні выпісваюць толькі тыя, якія характарызуюць мядзведзя. Потым стаівяць пытанне ад назоўніка і праводзяць узаемаправерку.

Работа па падручніку

Практ. 5 (пісьмова).

Пры правядзенні ўзаемаправеркі вучні звяртаюць увагу на чаргаванне зычных і галосных у аснове пры ўтварэнні прыметнікаў, тлумачаць арфаграмы ў словах хлеб, гараж, нож, пячэнне, каменная, цэгла, цагляны.

5. Падвядзенне вынікаў

• Што называецца прыметнікам?

• На якія пытанні адказвае?

• 3 якой часцінай мовы звязаны ў сказе?

• Закончыце сказ:

Каб не было слоў, якія абазначаюць прымету прадмета, то...

6. Дамашняе заданне: практ. 6.

БЕЛАРУСКАЯ МОВА

Тэма: Змяненне прыметнікаў па родах

Мэты: садзейнічаць асэнсаванню граматычнай сувязі паміж прыметнікамі і назоўнікамі і залежнасці роду прыметнікаў ад роду назоўнікаў; развіваць уменне параўноўваць, класіфікаваць, абагульняць і рабіць вывады; узбагачаць лексічны запас; выхоўваць уменне супрацоўнічаць у калектыве.

1. Арганізацыйны момант

Настаўнік пачынае ўрок вершам:

Зноў звініць для нас званок,

Пачынаем мы ўрок.

Будзем слухаць і чытаць,

I старанна ўсе пісаць.

2. Праверка дамашняга задання

3. Хвілінка чыстапісання

Вучні прапісваюць у сшытках спалучэнні літар зд, зі, оз, дз.

Са складоў ма-зі, роз-ма, двор-е-на, ці-дзе школьнікі складаюць словы і запісваюць іх.

Пытанні і заданні

• Якой часцінай мовы з'яўляюцца запісаныя словы?

• Якое слова лішняе?

• Як змяняюцца назоўнікі?

• Вызначце род запісаных назоўнікаў.

• Вусна падбярыце да кожнага назоўніка прыметнікі.

4. Вывучэнне новага матэрыялу

Вучні чытаюць словы, запісаныя на дошцы.

зіма марознае

мароз моцная

надвор 'е халодны

Пытанні і заданні

• Ці з'яўляюцца запісаныя словы словазлучэннямі? Чаму?

• Што трэба зрабіць, каб выправіць памылкі?

• Змяніце прыметнікі і запішыце словазлучэнні.

• Вызначце род назоўнікаў, прыметнікаў.

Дзеці чытаюць правіла на с. 6 падручніка.

На дошцы запісаны тэкст:

На сэрцы ў Алёнкі было добра і радасна. Стаяў прыгожы дзень. Па небе плыло прыгожае воблака. Схіліла сваю галоўку прыгожая кветачка.

Вучні знаходзяць прыметнікі і даказваюць, што гэта прыметыкі. Затым выпісваюць словы, з якімі прыметнікі звязаны па сэнсе, вызначаюць у словазлучэннях род назоўнікаў, абазначаюць канчаткі прыметнікаў.

дзень (які?) прыгожы

кветачка (якая?) прыгожая

воблака (якое?) прыгожае

Вучні параўноўваюць прыметыкі, высвятляюць, чаму ў іх розныя канчаткі, з якімі назоўнікамі звязаны. Робяць вывад: прыметыкі маюць розныя канчаткі, таму што звя­заны з назоўнікамі, у якіх розны род. Значыць, прыметыкі таксама маюць род.

У прапанаваных словазлучэннях дзеці вызначаюць род назоўнікаў і прыметыкаў. Вучні робяць вывад: прыметнікі змяняюцца па родах, род прыметнікаў залежыць ад роду назоўнікаў.

Школьнікі дапаўняюць запіс: змяняюць прыметнік вясенні па родах.

Настаўнік на дошцы, а вучні на картках запаўняюць схему.

Змяненне прыметнікаў па родах
мужчынскі род	жаночы род	ніякі род
які?	якая?	якое?
-ы, -і	-ая, -яя	-ае, -яе, -ое

Свае вывады вучні звяраюць з правілам на с. 7 падручніка.

Фізкультхвілінка