5. Алгоритм: Иық сынығы кезіндегі «Крамер» жақтауын салу.

Мақсаты: Ауру сезімін азайту, жарақаттық шоктың алдын алу, тіннің қайта зақымдануы, екіншілік қан кету, жараның іріңді асқынуын алдын алу, науқасты тасымалдауға жағдай жасау.

Көрсеткіші: Жауырынның, иықтың және қол сүйектерінің сынығында.

Қарама-қарсы көрсеткіштері: Науқастың жағдайы өмірмен сиымсыз, ауыр шок.

Керекті құралдар:

-крамер жақтауы ұзындығы 1м, көлденеңі 10см;

-залалсыздандырылған таңғыш заттар ( салфетка, мақта шариктері);

-бинт, дәке, мақта;

-мақта-дәке жастықшасы;

-залалсыздандырылған шприц;

-ауырсынуды басатын дәрілер (баралгин ерітіндісі-5,0 немесе1мл 2% промедол, фентанил 1мл 0,005% көк тамырға, трамал-100мг);

-зембіл;

-ҚКҚ

-СИЗ

Науқаста мүмкін болатын жағдайлар:

- жарақат аймағының ауруы, қорқыныш сезімі;

- жарақаттың болуы, қансырау;

- естен тану,сикопальді жағдай, шок;

- қозғалыстың шектелуі;

- терінің, буындардың және жүйке талшықтарының сүйек жарықшағымен екіншілік зақымдануы;

- жарақатқа инфекцияның түсуі.

Іс- әрекет алгоритмі:

1. Науқасты идентификациялау (Паспорттық мәліметтер)

2. Науқасқа іс-шараның мақсатын және жүргізілуін түсіндіру

3. Науқастың келісімін алу.

4. Қолды гигиеналық өңдеу, бір реттік қолғапты киіңіз.

5. Залалсыздандырылмаған резеңкелі қолғапты кию.

6. Қол-аяқтың зақымдануына қарай шинаны таңдау.

7. Жақтау салудың алдында зақымданған жерді дәрігердің тағайындауымен жансыздандыру,

8. Иық буынынан ағып жатқан қанды белгілі әдістердің бірімен тоқтату.

9. Жараға асептикалық таңғыш салу.

10. Жақтау дайын болмаса, жақтауды жұмсақ материалмен орау қажет (бинт, мақта), сүйектің шығып тұрған жеріне ойылудың алдын алу үшін мақта шариктерін қоямыз;

11. Зақымдалған қолдың қосымша жарақатын болдырмау үшін жақтауды киімнің үстінен саламыз.

12. Көмек көрсетуші жақтауды өзіне өлшеп алады. Жақтаудың бір ұшына 2 ұзын бинт байланады. Егер жақтауды қойған кезде дұрыс өлшенбегені байқалса оны алып тастап, қайта өлшеу керек;

13. Жақтау салатын мүшеге ыңғайлы жағдай жасау керек: қолтық астына иығын аздап шалқайту үшін кішкене жастықша қоямыз:

14. Қолын шынтақ буынынан 90 градусқа бүгіп, білезік буынын 45градуста жазып, пронация мен супинация аралығындағы орташа жағдай жағдай туғызамыз;

15. Жақтаудың бір басына шынтағы мен білезігін, саусақтарын қойып, бос қолымызбен екінші шетін ұстаймыз да жақтауды иық пен арқаның артқы жағымен сау қолының иық тұсына бағыттаймыз

16. Жақтаудың жоғарғы жағы қозғалмау үшін, алдынан және артынан сау иық буынына жақтау ұшына байланған бинтпен бекітеміз.

17. Жақтауды қолға бинтпен бекітеміз (спираль тәрізді, тасбақа тәрізді, масақ тәрізді).

18. Қолын орамалмен мойнына іліп қоямыз.

19. Науқасты отырғызып зембілмен ауруханаға тасымалдаймыз.

20. Қолғапты шешіп, ҚКҚ тастау.

Нәтижені бағалау: Қол сүйектері жақсы бекітілген, ауру сезімі басылды, зақымдалушының жалпы жағдайы жақсарды.

Құжаттандыру:

1. Қазақстан Республикасының Кодексі 18 қыркүйек 2009ж.

2. Қазақстан Республикасының Денсаулық сақтау Министрлігінің 23 сәуір 2013ж. №111бұйрығы

3. Қазақстан Республикасының Денсаулық сақтау Министрлігінің 24.02.2015ж. №127 бұйрығы

4. Қазақстан Республикасының Денсаулық сақтау Министрлігінің 28.02.2015ж. №176

бұйрығы