Отбасылық бюджетті жүргізу

Отбасылық бюджетті жоспарлау – өте маңызды іс. Бұл жоспар арқылы түскен қаржыны дұрыс жұмсауды үйренеміз. Отбасылық бюджет кіріс пен шығыстан тұрады, дегенмен отбасылық бюджетті қалай жүргізу керек? Мысалы, үйлеріңе ата-аналарыңнан тұрақты табыс түсіп тұрады делік. Сонымен қатар, қосымша табыс сыйақы ретінде келеді дейік. Және де өткен айдан қалған қаржы бар деп те есептейік. Осының барлығын қосқан кезде отбасылық бюджет шығады, әйтсе де отбасылық бюджеттің барлық табысын есептеп болғаннан кейін міндетті түрде шығындарды қарастырған жөн. Ақшаның қай бөлігін, қай жерге және қалай жұмсау керектігін анықтау керек.

Шығынды үш түрге бөлуге болады. Яғни, тұрақты шығын, бұл шығынның мөлшері өзгермейді және ол тұрақты түрде жұмсалып тұрады. Тұрақты шығынға азық-түлік, коммуналдық төлемдер, үйге қажетті керек-жарақтар, дәрі-дәрмек, дәрігерге қаралу, туған-туысқанға көмек пен қоғамдық көлікті жатқызуға болады. Сонымен қатар құбылмалы шығыс түрі бар. Ол түрлі нәрселерге байланысты. Құбылмалы шығын немесе шығыс түріне киім-кешек пен ойын-сауықтарды жатқызуға болады және күтпеген жерден пайда болатын шығын түрін де ескерген жөн.

2-тапсырма. Оқылған мәтін бойынша басты тірек сөздерді табыңыз (7-8 тірек сөз). (Дайындалу уақыты-2 мин., жауап беру уақыты-1 мин).

ЖАЗЫЛЫМ (10 мин.)

1-тапсырма. Берілген тақырыпқа эссе жазыңыз. (Дайындалу уақыты - 8 мин., тексеру уақыты - 2 мин.)

«Жан досым»

Билет №24

ТЫҢДАЛЫМ (10 мин.)

1-тапсырма. Тыңдалған мәтін бойынша тест толтырыңыз. (Тыңдау және дайындалу уақыты-5 мин., жауап беру уақыты-1 мин.)

	дұрыс	бұрыс
Отбасылық бюджетті сауатты жоспарлау – үлкен өнер.
Бюджет деген ұғым көне нормандық «Bougette» деген сөзінен аударылған.
Отбасылық бюджетті құру – үйге келген ортақ ақшаны дұрыс жұмсауға көмектеспейді.
Отбасылық бюджет – бұл бір жанұяның белгілі бір уақытқа жоспарлаған кірісі мен шығысы.

2-тапсырма. Тыңдалған мәтіннің негізгі мазмұнын айтыңыз. (Дайындалу уақыты-2 мин., жауап беру уақыты-2 мин)

СӨЙЛЕСІМ (10 мин)

1-тапсырма. Берілген жағдаяттық тақырыпқа әңгіме құрастырыңыз. (Дайындалу уақыты-3 мин., жауап беру уақыты-1 мин)

Қазақстанның даму бағыттары туралы айтыңыз. Отан, туған жер туралы мақал-мәтелдер айтыңыз.

1. Халықаралық байланыс

2. Еліміздің жарқын болашығы

3. Экономикалық мүмкіндіктері

2-тапсырма. Берілген тақырып бойынша әңгіме дайындаңыз. (Дайындалу уақыты-4 мин., жауап беру уақыты-2 мин)

Жас отбасы және дәстүр

ОҚЫЛЫМ (10 мин.)

1-тапсырма. Мәтіннің мазмұнын айтыңыз. (Дайындалу уақыты-5 мин., жауап беру уақыты-2 мин.)

Мүсінші

Мен бала кезімде мүсінші болуды армандайтынмын. Бала кезімде сазбалшықтан түрлі мүсіндер жасайтынмын. Қолым бос кезде мүсін өнері туралы жазылған кітаптар оқитынмын. Бойымды шығармашылық шабыт билейтін. Түрлі мүсін жасаған ұнайтын. Ұстазым көп нәрсе үйрететін.

Қазір досым Саматтың мүсінін жасап жатырмын. Мүсін жасау үшін көгілдір мәрмәр тасты пайдаланамын. Қолым бос кезде тас мүсінді қашаймын. Мүсін жасау көп уақытты алады. Мүсін өнері үлкен шеберлікті, дарынды қажет етеді. Адамның мүсінін жасау өте қиын. Адамның ішкі жан сезімі мен сыртқы бейненің үндестігін табу керек. Тас мүсінде дайын болды. Мүсін сондай шынайы шыққан. Өз жұмысыма өзім сұқтана қарап, сүйсіндім. Мүсін өнері – өнер біткеннің ішіндегі ең нәзігі.

Бельгия елінің Бланкенберн қаласында кезекті құмнан жасалған скульптуралар фестивалі басталды. Ол 1997 жылдан бері өткізіліп келеді. Гиннесс рекордтар кібатының бағалауынша, әлемдегі ең үлкен фестиваль саналады. Жыл сайын құм скульптурларының шеберлері өз туындысымен жиналған адамдарды таң қалдырады. Ол үшін олар Бланкенберн жанындағы жағажайға жиналады. Бұл жылы фестиваль париждік Диснейлендтің 20-жылдығына арналған. Яғни ертегілер мен мульфильмедердің кейіпкерлері жасалады.

2-тапсырма. Оқылған мәтін бойынша тірек сөздерді табыңыз (7-8 тірек сөз). (Дайындалу уақыты-2 мин., жауап беру уақыты-1 мин)

ЖАЗЫЛЫМ (10 мин.)

1-тапсырма. Берілген тақырыпқа эссе жазыңыз. (Дайындалу уақыты - 8 мин., тексеру уақыты - 2 мин.)

«Адам және табиғат»