10. Сирақтың диафизарлы сынықтары: Жіктелуі. Негізгі клиникалық белгілерін атаңыз. Диагностика әдістерін атаңыз. Негізгі емдеу принциптерін атаңыз.

Жіктелуі: кіші жіліншік диафизінің оңашаланған сынығы, асықты жілік диафизінің оңашаланған сынығы, сирақтың қос сүйектерінің диафизарлық сынықтары. Сынған жерде ауырсыну, қарағанда деформация, балтырдың сыртқа айналуы. Пальпация кезінде ауырсыну күшейеді, сүйек сықыры, патологиялық қозғалғыштық, осьтік жүктеме кезінде ауырсынудың күшеюі анықталады. Диагностикасы: 2 проекцияда рентгенография. Емі: ығысусыз, орнына келетін және орнында ұсталатын сынықтарда аяқ бақайларынан бастап гипстік байлам, жоғарғы шеті сынық деңгейімен анықталады (сирақ сүйектерінің ортаңғы үштен бір бөлігінің сынықтары болатын болса, жоғарғы шеті санның ортаңғы үштен бір бөлігіне дейін және т.с.с.). Ығысқан сынықтарда бір мезетті репозиция мен гипстік байлам салынады. Қаңқалық тарту сынықты қосымша тарту қажет жағдайларда жасалады. Хирургиялық ем орнына келмейтін сынықтарда көрсетілген. Тежеуші интрамедуллярлы остеосинтез жасалады.

11. Тобықтардың сынуы: Жіктелуі. Дюпюитреннің пронациялық сынығы. Негізгі клиникалық белгілерін атаңыз.

Жіктелуі: пронациялық, супинациялық сынықтар және Потта – Десто сынықтары.Дюпюитреннің пронациялық сынығы (классикалық «аяқталған» Дюпюитрен сынығы) – бұл 1) ішкі тобықтың сынуы немесе дельта тәрізді байламның жыртылуы, 2) сыртқы тобықтың немесе кіші жіліншіктің төменгі үштен бір бөлігінен сынуы, 3) дистальды, жіліншік аралық синдесмоздың жыртылуы, 4) аяқ басының сыртқа қайырылуы немесе шығуы. Тобығының ауырсынуы, аяқтың тіректік қызметі толық бұзылады. Тобығы ісінген. Аяқ басы сыртқа қайырылған және табаны вальгустық қалыпта.

12. Пневмоторакс. Жіктелуі. Негізгі клиникалық белгілерін атаңыз. Диагностика әдістерін атаңыз. Негізгі емдеу принциптерін атаңыз.

Жіктелуі: ашық, жабық, қақпақшалы. Зақымдалған жақта ауырсыну, ентігу, тахикардия, зақымдалған жақ кеуденің тыныс алудан қалыңқырауы, жұмсақ тіндердің эмфиземасы, пальпация кезінде зақымдалған жақта ауырсыну күшейеді, перкуссия кезінде зақымдалған жақта тимпанит, аускультация кезінде тыныстың әлсіреуі немесе болмауы. Науқас мәжбүрлі қалыпта. Диагностикасы: 2 проекцияда рентгенография. Емі: диагностикалық және емдік мақсатта плевральды пункция. Оперативті ем кедесі жағдайларда жасалады: ашық пневмоторакс, белсенді аспирация әдісімен басылмайтын кернеулі қақпақшалы пневмоторакс, өкпенің ауқымды зақымдануының болуы.

13. Ортан жіліктің проксимальды бөлімі сынықтарының жіктелуі. Ортан жілік мойнының медиальды сынықтары: Негізгі клиникалық белгілерін атаңыз. Диагностика әдістерін атаңыз. Негізгі емдеу принциптерін атаңыз.

Жіктелуі: сынықтар: капитальды, субкапитальды, трансцервикальды, базальды, ұршықтық. Шап аймағында ауырсыну, аяқтың сыртқа айналуы (симптом аяқ басына қарап анықталады, аяқ басы сыртқы жағымен толық көлденең жазықтықта жатқан кезде және сәйкесінше тізе буынына қараймыз), аяқтың ішке бұралуы (аяқты белсенді ішке бұрау мүмкін болмаған жағдайда), үлкен ұршыққа осьтік жүктеме түсірген кезде ауырсыну, аяқтың абсолютты ұзындығының қысқаруы, Гирголав симптомы (шап байламының астында сан артериясы соғуының күшеюі). Диагностикасы: 2 проекцияда рентгенография. Емі: егде және қарт жастағы адамдарға шұғыл түрде жамбас – сан буынын эндопротездеу операциясы көрсетілген. Жас адамдарға тежеуші интрамедуллярлы остеосинтез жасалады.